ក្រចេះ៖ ប្រជាពលរដ្ឋនៅភូមិ105បានរិះគន់ និងរៀបរាប់អំពីទង្វើរបស់លោក ចាប កុសល ដែលអាងខ្លួនជាយោធា នឹងមានតួនាទីជាប្រធានគបី នៅវរៈមួយ ខេត្តមណ្ឌលគីរីថា ខ្លួនឯងរកស៊ីដឹកឈើខុសច្បាប់ហើយដើរកាងឡានឲ្យគេឯងជាច្រើនទៀត ដូចជាឡានឈ្មោះតាប៉ិនៅអន្ទ្រងជាដើម ហើយ កំពុងធ្វើបាប ពលរដ្ឋស្លូតត្រង់ ដែលប្រកបរបរ ដឹកឈើបន្តិចបន្តួច។
បើតាមប្រភពពីប្រជាពលរដ្ឋបានបង្ហើបឲ្យដឹងថា សព្វថ្ងៃនេះលោកចាប កុសល កាងម៉ាស៊ីនត្រង់ស៊ីនរ័ដល់ទៅជាង400គ្រឿង
ដោយក្នុងមួយគ្រឿងតំរូវឲ្យបង់លុយ70ម៉ឺនរៀលក្នុងមួយខែ បើនាក់ណាគេចវេសមិនព្រមបង់ទេ លោក ចាប កុសលបញ្ជាឲ្យកូនចៅទៅតាមចាប់ភ្លាម។ហើយនៅពេលបានលុយ មិនដែលចែកកូនចៅទេ គឺឲ្យត្រឹមតែចាក់សាំងម៉ូតូ នឹងទិញម្ហូបបន្តិចបន្តួចទេ ហើយប្រាប់ពួកកូនចៅថា លុយនេះទុកឲ្យមេវរៈ នឹងមេខេត្ត ពីព្រោះយើងមកនេះមិនមែនមកចិត្តឯងនោះទេ គឺមេៗជាអ្នកបញ្ជាឲ្យមករកលុយ មិនមែនឲ្យមកដើរលេងទេ ពួកអស់លោកត្រូវយល់ផង។
ប្រភពដដែលនោះបានបន្តទៀតថា ជារៀងរាល់ថ្ងៃ លោកចាប កុសល ក៏កំពុងតែសម្រុកដឹកឈើចេញពី ចំណុចអន្ត្រែងមកទំលាក់នៅចំណុចសូន្យផ្លូវតុងម៉ិនដែរ។
នៅជំវិញបញ្ហានេះដែរ ភ្នាក់ងារយើងបានព្យាយាមទាក់ទងលោកចាប កុសល ជាច្រើនដង តែពុំអាចទាក់ទងបាន។
ភ្នាក់ងារយើងមិនទាន់បានសុំការបកស្រាយ ពីឯកឧត្តម ឃឹន ម៉េងស្រេង បានទេ ឯលោក ឃឹន បញ៉ា មេវរៈមិនស្គាល់លេខ៕
