ខេត្តកំពង់ស្ពឺ:៖កម្លាំងកងរាជអាវុធហត្ថលើផ្ទៃប្រទេសនិងខេត្តកំពង់ស្ពឺ បានធ្វើការឡោមព័ទ្ធផ្ទះលោក ឆេង ឡុង ស្ថិតនៅតាមបណ្តោយផ្លូវជាតិលេខ៤ ភូមិសាមគ្គី សង្កាត់កណ្តោលដុំ ក្រុងច្បារមន ខេត្តកំពង់ស្ពឺដែលគេដឹងថាជាមន្ត្រី.អ.ហ មានឥទ្ធិពល រកស៊ីជំនួញឈើដ៏ធំនៅក្នុងខេត្តកំពង់ស្ពឺ។
នៅល្ងាចថ្ងៃទី11ខែមិនា ឆ្នាំ2017 កម្លាំងកងរាជអាវុធហត្ថលើផ្ទៃប្រទេស សហការកម្លាំងកងរាជអាវុធហត្ថខេត្តបានឡោមពទ្ធ័ផ្ទះ បន្ទាប់ពីបង្ក្រាបទីតាំងឈើរបស់ឈ្មោះស៊ីស ដែលមានមេការឈ្មោះស្នា នៅចំណុចឃ្លាំងស្តុបឈើឈ្មោះហេងផល្លី ស្ថិតនៅក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់ ។
តាមសេចក្តីរាយការណ៍ថា ឈើប្រណិតប្រភេទធ្នុងលាក់ទុកក្នុងតូបនោះ ប្រមាណជាង10ម៉ែត្រគូប និងឈើប្រភេទរាជថ្កុលលាយធ្នុងនៅ លើរថយន្តយីឌុប2គ្រឿងគ្របតង់ជិត មានឈើមុខកាត់ធំៗលាក់នៅខាងក្រោយស្តងនេះ ប្រមាណ50ម៉ែត្រគូបទៀត ដែលក្រុមឈ្មួញប្រមូលចេញពីក្នុងព្រៃ យកមកលាក់ទុក បើមិនបង្ក្រាបទាន់ពេលវេលានោះ គឺពួកគេដឹកចេញយកទៅលក់នៅប្រទេសវៀតណាម តាមច្រកទាន់ហន់ខេត្តកំពត។
បន្ទាប់ពីរាយការណ៍ខាងលើជាច្រើនម៉ោង ឈ្មួញបានយករថយន្តយីឌុបលើកឈើដឹកចេញទៅក្រៅបាត់ស្រមូល ចំណែកសមត្ថកិច្ចភ្លាមនោះ ចាប់បានរថយន្តយីឌុប1គ្រឿង គិតត្រឹមម៉ោង12និង30នាទីរំលងអាធ្រាត ឈានចូលថ្ងៃទី10 ខែមិនា ឆ្នាំ2017 គឺសមត្ថកិច្ច.អ.ហ.ចាប់បានតែរថយន្តពណ៏សមួយគ្រឿងប៉ុណ្ណោះ។
គួរំលឹកថា កម្លាំងកងរាជអាវុហត្ថខេត្តពោធិ៍សាត់ សហការកម្លាំងកងរាជអាវុធហត្ថស្រុកវាលវែងប្រមាណ១៨នាក់ ក្រោមការចង្អុលបង្ហាញ និងបញ្ជាផ្ទាល់ឯកឧត្ដមនាយឧត្ដមសេនីយ៍សៅសុខា មេបញ្ជាការ និងឯកឧត្ដម ហុង វិណុល មេបញ្ជាការរងកងរាជអាវុធហត្ថលើផ្ទៃប្រទេស បានឃាត់រថយន្តប្រភេទយីឌុបភ្លៅ៥ ចំនួន១គ្រឿង នៅវេលាម៉ោង២១និង៣០ ថ្ងៃទី៩ និងហ៊ុំព័ទ្ធទីតាំងស្តុបលាក់ឈើ នៅស្តង់ផលិតផលកសិកម្មឈ្មោះ ហេងផល្លី ស្ថិតក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់។
រហួតដល់ព្រឹកឡើងថ្ងៃទី10 ខែមីនា ឆ្នាំ2017 កម្លាំងកងរាជអាវុធហត្ថ បានរកឃើញគំនរឈើ នៅខាងក្រោយប្រមាណជាង10ម៉ែត្រគូបទៀត បើយោងតាមប្រភពព័ត៌មាន ពីកងកម្លាំងចុះប្រតិបត្តិការបានឲ្យដឹងថា រថយន្តដឹកឈើត្រូវបានបង្ក្រាបម៉ាកហ្វុយហ្សូ ពណ៏ទឹកប៊ិច ក្បាលរថយន្តពណ៏ស អត់ឃើញមានស្លាកលេខ ខណៈរថយន្តយីឌុបដឹកឈើមួយគ្រឿងទៀត បើករត់គេចខ្លួនបាត់ស្រមោល។
ប្រជាពលរដ្ឋរាយការណ៍ថា ឈ្មួញឈើដុះស្លែឈ្មោះចែ ផល្លី រកស៊ីជំនួញឈើជាង10ឆ្នាំមកហើយ គេមិនដែលឃើញសមត្ថកិច្ចជំនាញមួយណាចេញមកបង្ក្រាបឡើយ គាត់ជាអ្នកប្រមូលទិញឈើ និងដឹកឈើបន្តអោយឈ្មួញឈើពីរនាក់ទៀត គឺឈ្មោះ សរ ជាកូនរបស់មន្ត្រីអ.ហ ខេត្តកំពង់ស្ពឺ លោក ឆេងឡុង និងឈ្មោះខ្នា មកពីខេត្តកំពង់ស្ពឺ ជាអ្នកជំនួញផ្ដាច់មុខ ដឹកឈើចេញពីខេត្តពោធិ៍សាត់យ៉ាងរលូន។
ទើបល្ងាចថ្ងៃទី11 ខែមីនា ឆ្នាំ2017 មេឈ្មួញដែលជាមន្ត្រីអាវុធហត្ថផងនោះ ត្រូវបានកម្លាំង អ.ហលើផ្ទៃប្រទេស តាមប្រមាញ់និងបង្ក្រាបនៅភូមិគ្រិះនេះតែម្ដង បើយោងរបាយការណ៍ អ.ហ ល្ងាចថ្ងៃទី11មិនា
ជាបឋម នៅវេលាម៉ោង16និង35នាទី ថ្ងៃទី11 ខែមិនា ឆ្នាំ2017 ដោយបានបញ្ជាផ្ទាល់ពីលោកឧត្តមសេនីយ៏ត្រី ជូសារុន មេបញ្ជាការ អ.ហ ខេត្តកំពង់ស្ពឺ នឹងបានការអនុញ្ញាត ពីលោក កែវសុធា ព្រះរាជអាជ្ញាអមសាលាដំបូងខេត្តកំពង់ស្ពឺ បានអោយកម្លាំង អ.ហ លើផ្ទៃប្រទេស នឹងកម្លាំងអ.ហ ខេត្តកំពង់ស្ពឺ ធ្វើការឃាត់រថយន្ត01គ្រឿងម៉ាកHYUNDAI ពណ៏ស ចំណុះទម្ងន់05តោន ពាក់ស្លាកលេខភ្នំពេញ3C-9511នឹងឃាត់ខ្លួនអ្នកបើកបរ01នាក់ ឈ្មោះយឹម សុខភារម្យ ភេទប្រុស អាយុ32ឆ្នាំ មុខរបរបើកបរ មានទីលំនៅភូមិស្វាយរមៀត ឃុំស្វាយរមៀត ស្រុកខ្សាច់កណ្តាល ខេត្តកណ្តាល ដែលបានដឹកជញ្ជូនឈើធ្នង់ ម្រេញឬរាជថ្កុលចេញពី
ផ្ទះ លោកស៊ីស ភេទប្រុស អាយុ30ឆ្នាំ មានទីលំនៅភូមិផ្សារសាមគ្គី សង្កាត់កណ្តោលដំ ក្រុងច្បារមន ខេត្តកំពង់ស្ពឺ និងបានឃាត់រថយន្តនៅចំណុចភូមិសាស្ត្រសង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ
បច្ចុប្បន្នរថយន្តដឹកឈើ នឹងអ្នកបើកបរបានបញ្ជូនមកទីបញ្ជាការអ-ហ ខេត្តកំពង់ស្ពឺដើម្បីបន្តតាមនីតិវិធី។
ក្រោយពីកម្លាំងបានឃាត់រថយន្តខាងលើនោះរួចមក ក៏បន្តឃាត់រថយន្ត01គ្រឿងទៀតម៉ាកHYUNDRI ពណ៏ស ពាក់ស្លាកលេខភ្នំពេញ3A-9126 បានដឹកឈើ ធ្នង់ ម្រេញ 01រថយន្ត នៅខាងមុខផ្ទះឈ្មោះស៊ីសត្រូវ
ជាកូនលោក ឆេងផុន.។
បច្ចុប្បន្នកម្លាំងអ.ហលើផ្ទៃប្រទេសនឹង.អ.ហខេត្តកំពង់ស្ពឺកំពុងហ៊ុំព័ទ្ធកន្លែងកើតហេតុ
លុះដល់ព្រឹកថ្ងៃទី12ខែមិនាឆ្នាំ2017.ទើបបន្តនីតិវិធីទៀត៕
