កោះកុង ៖ តាមប្រភពពត័មានច្បាស់ការ ពីប្រជាពលរដ្ឋ៣នាក់សូមមិនបញ្ចេញឈ្មោះ បានបង្ហើបប្រាប់អ្នកសារព័ត៍មានថា នាពេលកន្លងមក គេបានឃើញ លោក អ៊ូ សុភី ដែលជាប្រធានរ៉ែថាមពល នៅស្រុកស្រែអំបិល ខេត្តកោះកុង ដែលមានគ្នា៤នាក់បានទៅកន្លែង គ្រឿងចក្រមួយកន្លែង ដែលកំពុងកាយដីរបស់ខ្លួនឯង យកមកចាក់ដីធ្វើផ្ទះ និងចាក់ដីតាមក្នុងភូមិ ជាលក្ខណៈគ្រួសារហើយ លោក អ៊ូ សុភី បាននិយាយគំរាមម្ចាស់គ្រឿងចក្រ សួររកច្បាប់កាយដី នឹងគំរាមវាស់រណ្ដៅដីដែលបានកាយដីហើយ ដីដែលពួកគាត់បានកាយនោះ ស្ថិតនៅក្នុងភូមិជ្រោយស្វាយ ឃុំជ្រោយស្វាយ ស្រុកស្រែអំបិលខេត្តកោះកុង។
ម្ចាស់គ្រឿងចក្រត្អូញត្អែថា ពួកគាត់ទើបតែទិញគ្រឿងចក្រ បានមួយអាទិត្យ មិនទាន់បានធ្វើច្បាប់កាយដីទេ ពួកគាត់បន្តថា ចាំរួចដៃបន្តិចសិន ទើបពួកគាត់នឹងទៅធ្វើច្បាប់។
ចំណែក លោក អ៊ូ សុភី បានទារលុយពីពួកគាត់ ពីការកាយដី ម្នាក់ៗ200ដូល្លាលុយអាមេរិក ពួកគាត់បានឲ្យលុយ50ដូល្លា តែលោក អ៊ូ សុភី មិនព្រមទេ ហើយលោក អ៊ូ សុភី បាននិយាយថា ពួកគាត់មាន គ្នា៤នាក់ ចុះមកពីខេត្តកោះកុងទៀត បើមិនឲ្យលុយទេ ពួកគេឃាត់គ្រឿងចក្រហើយ។
ដោយសារពួកគាត់ភ័យខ្លាចនិងមិនចង់ឲ្យរឿងវែងឆ្ងាយ ទើបអង្វរក លោក អ៊ូ សុភី សុំឲ្យលុយត្រឹមតែ 100ដូល្លា លោក អ៊ូ សុភី យកលុយដាក់ហោប៉ៅហើយឡើងឡាន ទាំងទឹកមុខញញឹមសប្បាយចិត្ត។
ប្រជាពលរដ្ឋបានរិះគន់ទៅលើ លោក អ៊ូ សុភី ប្រធានរ៉ែថាមពលស្រុកស្រែអំបិលយ៉ាងខ្លាំងថា អ្នករកស៊ីកាយដីចាក់តាមផ្ទះ ពួកគាត់ទៅគំរាមចាប់ទារលុយ
តែបើគេកាយដីភ្នំដែលជាសម្បត្តិរដ្ឋ បែរជាលោក អ៊ូ សុភី មើលមិនឃើញទេ ដូចជា
1ជើងភ្នំស្រែអំបិលនៅជិតផ្ទះប្រជាពលរដ្ឋ (2)ភ្នំនៅជិតភូមិចាម (3)ភ្នំវត្តអង្គរ កាយចង់រលើងប្រាសាទអង្គរភ្នំខ្លុង ភ្នំទាំងអស់នោះអស់លោកមើលមិនឃើញទេ។
ប្រជាពលរដ្ឋរិះគន់ទៀតថា លោក អ៊ូ សុភី នឹងប្រធានមន្ទីរ៉ែថាមពលខេត្តកោះកុង លោក ពេជ្រ ស៊ីយ៉ុន បើកដៃ ឲ្យកូនចៅដើរទារជំរឹតយកលុយ កេងចំណេញលើផលប្រយោជន៏ពីសម្បតិ្តជាតិ ដែលធ្វើអោយប៉ះពាល់ដល់
គោលនយោបាយរបស់រាជរដ្ឋាភិបាល ដែលខិតខំការពារសម្បត្តិសាធារណៈ បំបាត់អំពើពុករលួយ និងសុំឲ្យមន្ត្រីត្រូវស្មោះត្រង់បំរើរាស្ត្រនិងប្រជាពលរដ្ឋ។
ចំណែកលោកអភិបាលស្រុកស្រែអំបិល លោក ទួន សីលា ក៏ត្រូវបានរិះគន់ដែរថា ធូររលុងនិង មិនដែលខ្វល់ខ្វាយពិនិត្យមើលពីមន្រ្តីអសកម្ម ក្រោមឱវាទរបស់លោកទេ។
ប្រជាពលរដ្ឋសូមអោយ អភិបាលខេត្តកោះកុង លោក ប៊ុន លើត យកមន្រ្តីអសកម្មក្រោមឱវាទរបស់លោក យកទៅដុះក្អែល និងឆ្លុះកញ្ចក់ចេញម្ដងហើយ កំទុកអោយខូចដល់មុខមាត់ថ្នាក់ដឹកនាំ ដែលលោក
ខំប្រឹងប្រែងជួយដល់ប្រជាពលរដ្ឋណាស់ ហើយធ្វើល្អចំពោះពលរដ្ឋដូចជាសម្ដេចតេជោ ហ៊ុន សែន នាយករដ្ឋមន្ត្រី មិនគួរមានមន្រ្តីថ្នាក់ក្រោមធ្វើឲ្យសម្ដេចឈឺក្បាលវិលមុខ ដោយសារអស់លោកនោះទេ និងសូមអោយអង្គភាពប្រឆាំងអំពើពុករលួយចុះស៊ើបអង្កេត លើករណីខាងលើនេះផង។
អ្នកសារពត័មានបានទូរសព្ទ័ទៅលោក អ៊ូ សុភី សុំបំភ្លឺ គ្រាន់តែតេចូលឮថាអ្នកកាសែត ស្រាប់តែលោកឆ្លើយថា តេមកមានការអី ខ្ញុំអត់មានពាក់ពន្ធពត័មានអីទេ រួចក៏បឹទទូរសព្ទ័ឈឹង៕(ដោយយួនឈីវ)
