កោះកុង ៖ តាមប្រភពច្បាស់ការបានអោយដឹងថា ប្រាសាទអង្គរភ្នំខ្លុង នៅឃុំនិងស្រុកស្រែអំបិល ខេត្តកោះកុង ត្រូវបានអ្នករកស៊ី កាយដឹកដីលក់ រំលោភកាយយកអាចម៍ដី ជិតជើងប្រាសាទ នឹងកាយចូលក្នុងរបងប្រាសាទទៀត ដែលនឹងអាចឲ្យតួប្រាសាទ ដែលជាសម្បត្តិវប្បធ៏មជាតិ ដួលរលំនៅគ្រាអនាគត ប្រសិនបើគ្មានការទប់ស្កាត់ ពីអាជ្ញាធរដែនដីនោះ។
ម្ចាស់គ្រឿងចក្រដែលរកស៊ីកាយដីលក់ មានឈ្មោះទី សារឹម ប្ដីឈ្មោះ ហៃលាង រស់នៅទីក្រុងភ្នំពេញ ហើយក៍មានផ្ទះ នៅក្នុងស្រុកស្រែអំបិលមួយទៀត។
តាមការអះអាង ពីម្ចាស់ឡានដឹកដីឈ្មោះ ទី សារឹម បាននិយាយចំៗថា គាត់កាយដីភ្នំជិតជើង ប្រាសាទអង្គរភ្នំខ្លុង គឺគាត់បានប្រាប់ទៅ លោក អ៊ូ សុភីដែលជាប្រធានការិយាល័យរ៉ែថាមពល ស្រុកស្រែអំបិល ហើយជាពិសេស ម្ចាស់ឡានដឹកដីបានប្រាប់បន្ដថា លោក អ៊ូ សុភី បានប្រាប់គាត់ថា ឲ្យកាយដីភ្នំនោះចុះ នេះជាសម្ដីម្ចាស់ឡានដឹកដី បានប្រាប់អ្នកសារព័ត៍មានតាមទូរស័ឰ។
ម្ចាស់ឡានដឹកដី ឈ្មោះ ទី សារឹម នោះបាននិយាយបន្តថា គាត់ក៏បានប្រាប់ទៅប្រធានមន្ទី រ៉ែថាមពលខេត្តកោះកុងហើយ បានឲ្យគាត់កាយដែរហើយ មិនត្រឹមតែប៉ុណ្ណោះទេ ថែមទាំងមក វាស់វែងដីឲ្យគាត់កាយទៀតផង។
ម្ចាស់ឡានបានបន្តថា ដីដែលគាត់កាយនោះ ម្ចាស់ដីឈ្មោះ វាត ត្រូវជាប្អូនថ្លៃលោក វាន់រា ធ្វើការនៅគមនាគមន៌។
ចំណែកតាអាចារ្យនៅវត្ថភ្នំខ្លុង គាត់បានប្រាប់ទៅអ្នកបើកគ្រឿងចក្រថា មិនអោយកាយដីជិតជើង ប្រាសាទអង្គរភ្នំខ្លុងទេ តែពួកគេនៅតែកាយដដែល នេះជាសម្ដីតាអាចារ្យ។
ចំណែក លោក អ៊ូ សុភី ប្រធានរ៉ែថាមពលស្រុកស្រែអំបិលវិញ អ្នកសារព័ត៏មានបានតេទូរស័ឰសួរនាំពីរឿងកាយដីភ្នំ គ្រាន់តែប្រាប់ឈ្មោះជាអ្នកសារព័ត៏មាន លោក អ៊ូ សុភី គាត់ឆ្លើយទាំងកំរោលថា តេមកមានការអី គាត់អត់មានពាក់ពន្ធ័សារព័ត៏មានអីទេ រួចក៌បឹតទូរស័ឰបាត់ទៅ ។
ចំណែក លោក ពេជ្ស ស៊ីយុន ប្រធានមន្ទីរ៉ែថាមពលខេត្ដកោះកុង អ្នកសារព័ត៏មានទូរស័ឰទៅលោក តេចូលហើយតែមិនមានអ្នកលើក។
ចំណែក លោក ទួន សីលា អភិបាលស្រុកស្រែអំបិល អ្នកសារព័ត៍មានសួរពីរឿងកាយដីភ្នំជិតជើង ប្រាសាទអង្គរភ្នំខ្លុងនោះ គាត់ប្រាប់ថាចាំគាត់អោយគេទៅមើល។
តាមប្រភពច្បាស់ការ ពីមន្រ្តីជើងចាស់ដែលសូមមិនបញ្ចេញឈ្មោះ បាននិយាយប្រាប់អ្នកសារព័ត៌មានថា ១ដីភ្នំនៅជិតការិយាល័យរ៉ែថាមពលស្រុក ២ដីភ្នំនៅជិតផ្លូវវត្តចុះមកភូមិចាម ៣ដីជើងភ្នំ ប្រាសាទអង្គរភ្នំខ្លុង តាំងពីពួកគាត់នៅជាមន្រ្តីសាលាស្រុកស្រែអំបិល ពួកគាត់មិនឲ្យអ្នកណា កាយដីភ្នំទាំងអស់នោះទេ តែមន្រ្តីសាលាស្រុកឡើងថ្មីឥឡូវនេះ លេងអស់ដីភ្នំ ដែលជាសម្បត្តិរបស់រដ្ឋ និងជាសម្បត្តិវប្បធម៏ជាតិ មិនគួរណាអស់លោក បណ្ដោយអោយអ្នករកស៊ីឡានដឹកកាយដីភ្នំលក់ ជាពិសេសគឺដីជើងភ្នំ ប្រាសាទអង្គរភ្នំខ្លុង។
ប្រជាពលរដ្ឋរិះគន់ថា ការឃុបឃិតគ្នារវាងប្រធានរ៉ែថាមពលស្រុក លោក អ៊ូ សុភី នឹងប្រធានមន្ទីរ៉ែថាមពលខេត្ត លោក ពេជ្រ សីយុន ដែលបានបើកដៃរឲ្យឈ្មួញរកស៊ីឡានដឹកដីលក់ កាយដីភ្នំរបស់រដ្ឋ ហើយឲ្យកាយដីជើងប្រាសាទអង្គរភ្នំខ្លុងទៀត ដែលជាបេតិកភណ្ឌ័ជាតិ គឺជាការឃុបឃិតគ្នាជាប្រពន្ធ័ កើបលុយស្ងាត់ៗ មកធ្វើមានធ្វើបាន យកលុយដាក់ហោប៉ៅ ទិញឡានថ្មី ធ្វើវិឡាថ្មី ដោយសារលក់ដីភ្នំ លក់សម្បត្តិរដ្ឋខ្លួនឯង មិនគឹតដល់ផលប្រយោជន៏ជាតិ ហើយតាមប្រជាពលរដ្ឋរិះគន់ទៀតថាលោក អ៊ូ សុភី បានបើកហាងថ្មី ហើយទិញឡានថ្មីជិះ ថែមទាំងទិញគ្រឿងចក្រមួយឈុតទៀត ទុករកស៊ីពេលអស់តំណែង។
តាមប្រភពពីប្រជាពលរដ្ឋបានអោយដឹងថា ប្រហែលជាលោកអភិបាលស្រុកស្រែអំបិល មានលាភសក្ការ:ក្នុងនោះខ្លះហើយ ទើបមិនខ្វល់ចាត់ការរឿងនោះ។
ប្រជាពលរដ្ឋសំណូមពរ សួមអោយអង្គភាពប្រឆាំងអំពើពុករលួយ ចុះស៊ើបអង្កេត អំពើពុករលួយរបស់មន្ត្រីពាក់ពន្ធ័ ដែលបើកដៃឲ្យឈ្មួញកាយដីជើងភ្នំប្រាសាទអង្គរភ្នំខ្លុង ដែលជាសម្បត្តិវប្បធម៏ជាតិ។
សូមអោយ លោក ប៊ុន លើត អភិបាលខេត្តកោះកុង ចាត់វិធានការ ចំពោះអ្នកដែលឃុបឃិតគ្នា កាយដីភ្នំលក់ ជាពិសេសជើងភ្នំ ប្រាសាទអង្គរភ្នំខ្លុងតែម្ដង បើមិនអញ្ជឹងទេ ប្រាសាទភ្នំខ្លុង ច្បាស់ជារលំហើយ ដែលជាប្រការគួរឲ្យសោកស្តាយជាទីបំផុត ព្រោះប្រាសាទនេះមានអាយុកាលរាប់រយឆ្នាំមកហើយ៕
( ដោយយួនឈីវ)
