ប្រទេសថៃ ៖គ្រោះថ្នាក់ដ៏គួរឲ្យខ្លោចចិត្ត គឺកុមារាដែលមានអាយុទើបតែបាន១ខួប ៧ខែ កូនរបស់ពលករខ្មែរមួយរូប ត្រូវបានស្លាប់យ៉ាងអាណោចអាធ័មជាទីបំផុត នៅក្រោមរថយន្ត ដែលបើកបរមិនបានចាប់អារម្មណ៍
ថាមានក្មេងដ៏តូចច្រឡឺងនេះនៅពីមុខកង់រថយន្ត ទីបំផុតកុមារាដ៏កំសត់ដែលជាកូនរបស់
ពលករខ្មែរ ត្រូវបានរថយន្តកិនផ្ទុះក្បាលស្លាប់ភ្លាមតែម្តង ។
យោងតាមរបាយការណ៍របស់កាសែតក្នុងស្រុកថៃ បានអោយដឹងថា មានករណីគ្រោះថ្នាក់ចរាចរណ៍មួយ បានកើតឡើងកាលពីវេលាម៉ោង ៦ និង ២០ នាទី ល្ងាចថ្ងៃទី២២ ខែកុម្ភៈ ឆ្នាំ២០១៧ ត្រង់ចំណុចក្នុងបរិវេណអាហារដ្ឋានមួយកន្លែងយីហោ វ៉ាន់ ភិន ស្ថិតក្នុងភូមិ៨ ឃុំក្លងនឹង ស្រុកក្លងហ្លួង ខេត្តប៉ាធុំថានី ប្រទេសថៃ
ទៅលើកុមារាដែលមានឈ្មោះ យ៉ុត កន អាយុ១ខួប ៧ខែ ។
របាយការណ៍បានបន្តថា នៅក្នុងអាហារដ្ឋាននេះគឺមានមនុស្ស និងរថយន្តចេញចូល មិនសូវដាច់រយៈប៉ុន្មាននោះទេ ហើយនៅពេលនោះដែរ ក៏មានរថយន្តមួយគ្រឿងម៉ាកតូយ៉ូតា ពាក់ស្លាកលេខ បាងកក ៥៦៧១ បានបើកបរចេញពីហាងជាធម្មតាដោយមិនបានគិតថាមានកុមារាដ៏តូចម្នាក់ ដើរកាត់មុខរថយន្តនោះឡើយ ហើយក៏បានកិន ទៅលើក្មេងនោះតែម្តង ដែលធ្វើអោយកុមារាដ៏កំសត់នេះ ស្លាប់ភ្លាមៗនៅនឹងកន្លែងដោយនៅពេលនោះដែរ ក៏មានក្រុមតម្រួតថៃចុះមកពិនិត្យ ដើម្បីសិក្សាអំពីបញ្ហាគ្រោះថ្នាក់ចរាចរណ៍នេះ ។
ដោយឡែក ឪពុកកុមាររងគ្រោះឈ្មោះ ហ្វៃ សាលិត អាយុ៣១ឆ្នាំ ជនជាតិខ្មែរជាពលករ រស់នៅក្នុងភូមិ ឃុំ
កើតហេតុខាងលើ គឺមានតែការយំសោកបោកប្រាណ ឱបសពកូនប្រុសតែប៉ុណ្ណោះ ដោយបច្ចុប្បន្ននេះ សមត្ថកិច្ចកំពុងតែចាត់ការ តាមនីតិវិធីក្នុងរឿងនេះហើយ ៕
