ខេត្តរតនគិរី៖ ប្រជាពលរដ្ឋនៅតាមភូមិសមុទ្រលើ សមុទ្រក្រោម ភូមិខ្វែង និងភូមិកែងសាន់ បានបង្ហាញអោយដឹងថា ការកាប់បំផ្លាញព្រៃសហគមន៍ និង ព្រៃ ក្នុងដែនជម្រកសត្វព្រៃ លំផាត់ និងនៅតំបន់ជាច្រើនកន្លែងក្នុងស្រុកលំផាត់ និង ស្រុកបរកែវ ស្រុកអូរយ៉ាដាវ ពីសំណាក់ក្រុមឈ្មួញជាច្រើនក្រុម កំពុងដឹកចេញទៅវៀតណាមយ៉ាងរលូន។
ច្រករបៀងមួយចំនួនជាប់ព្រំប្រទល់កម្ពុជា វៀតណាម មានសកម្មភាពដឹកឈើអាណាធិបតេយ្យ កើត ឡើងជាបន្តបន្ទាប់ តាមទីតាំង ដែលប្រជាពលរដ្ឋរាយការណ៍ ក៏បានប្រទះឃើញស្ថានភាព គំនរឈើ និងរថយន្តក្រុមជនល្មើសបានដឹកឈើពេញ ព្រៃសហគមន៍លំផាត់ ឆ្ពោះទៅកាន់ ក្រុមហ៊ុនមួយដែលមានឈ្មោះ ជាភាសាវៀតណាម ដែលគេហៅកាត់(ក្រុមហ៊ុន731) ដោយ ក្នុងក្រុមហ៊ុននោះទទួលទិញឈើ ពីក្រុមឈ្មួញ ដែលបានដេញថ្លៃពីអ្នកមាន អំណាច និងឃុបឃិតលក្ខណៈជាប្រព័ន្ធ ក្នុងខេត្តរតនគិរី បណ្តាលឲ្យព្រៃសហគមន៍ក្នុងស្រុកលំផាត់ បានប្រែក្លាយជាវាល។
ដោយសារតែមានអំពើពុករលួយ ឃុបឃិតកាប់បំផ្លាញ ចាប់ពីឃុំ យ៉ាទុង មាន អូរតាង ចេញតាមប៉ុស្ដី ព្រំផ្លោះទៅច្រកអូរលាវ អូរថ្ម និង ច្រកខ្លាធំ ដែលកន្លែងទាំងនោះក្រុមឈ្មួញ បានចែក ព្រំគ្នាដាច់មិនអោយកាប់ព្រៃ ចូលកន្លែងគ្នាទៅមក ឯកឧត្តម លី ធុច ទេសរដ្ឋមន្រ្តី ទទួលបន្ទុកបេសកម្មថ្នាក់ជាតិ តំណាងដ៏ខ្ពងខ្ពស់របស់នាយករដ្ឋមន្រ្តី នៃព្រះរាជាណាចក្រកម្ពុជា សម្ដេច ហ៊ុន សែន បានថ្លែងប្រាប់នៅអង្គប្រជុំ នៅសាលាប្រជុំខេត្ត ( បញ្ហា បទល្មើសព្រៃឈើល្មមឆ្អែកឆ្អន់ហើយ គួរគិតដល់ជាតិផង និងកូនចៅជំនាន់ក្រោយផង)។
តែទោះជាយ៉ាងណាក្ដី លោក ថង សាវុន អភិបាលខេត្តរតនគិរី លោក កែប កត់ នាយខ័ណ្ខរដ្ឋបាលព្រៃឈើខេត្តរតនគិរី នៅតែមិនមានវិធានការណាមួយ អោយប្រជាជនជឿរជាក់បានសោះ ក្នុងការបង្រ្គាបបទល្មើស កាប់ព្រៃយកឈើឆ្លងដែនទៅតាមច្រករបៀងសោះ។
ប្រជាពលរដ្ឋក្នុងខេត្ត បានអស់សង្ឃឹមយ៉ាងខ្លាំង ទៅលើអភិបាលខេត្ត លោកថង សាវុន និង លែងមានជំនឿរទៅលើ នាយខណ័្ខរដ្ឋបាលព្រៃឈើ លោក កែប កត់ ហើយ ព្រោះថា តាំងពីលោកទាំងពីរឡើងកាន់ដំណែងមក ប្រជាជនឃើញព្រៃឈើ ចេះតែវិនាសទៅៗ។
តាមប្រភពពីប្រជាពលរដ្ឋដែលរស់នៅ តំបន់ខាងលើបានប្រាប់ខាងសារព័ត៌មានយើងថា ក្នុង មួយខែពួកក្រុមឈ្មួញ បានបង់លុយ ទៅអោយខាងស្រុកមិនក្រោមលានដុល្លាទេ សំរាប់ ធ្វើ ព្រៃសហគមន៍មួយនេះ ខាងសារព័ត៌មានសង្ឃឹមថា សម្ដេចតេជោ ហ៊ុន សែន នាយករដ្ឋមន្ត្រី និងចាត់វិធាន ការទៅលើរឿងនេះផង ព្រោះថា សម្បិត្តធម្មជាតិព្រៃឈើកំពុងតែប្រឈម និងការបាត់បង់ស្ទើរ តែទាំងស្រុង ហើយក្នុងខេត្តរតនគិរី៕
