បន្ទាយមានជ័យ៖ នៅល្ងាចថ្ងៃទី១៧ ខែកុម្ភៈ ឆ្នាំ២០១៧នេះ មេព្រៃកម្ពុជា សហការជាមួយ ទាហានថៃ នៅឧទ្យានជាតិថាប់ឡាន ស្រុកណាឌី ខេត្តប្រាចីនបុរី បានស្ទាក់ចាប់ខ្លួនជនជាតិថៃ និងខ្មែរចំនួន១០នាក់ បន្ទាប់ពីជនសង្ស័យទាំងនោះ បានរួមគ្នាកាប់ឈើក្រញូង។
ជនសង្ស័យដែល ចាប់ខ្លួននោះ មានជនជាតិថៃ ចំនួន៤នាក់ ហើយជនជាតិខ្មែរ មានចំនួន៦នាក់ ក្នុងប្រតិបត្តិការនេះ សមត្ថកិច្ចដកហូត បានឈើគ្រញូង៦៩សន្លឹក អាវុធខ្លី២ដើម ខ្នាត9mm មានចំនួន២៨គ្រាប់ លុយចំនួន១០៣,៦០០បាត រថយន្តមួយគ្រឿង ហើយជនសង្ស័យនិងត្រូវបញ្ជូនទៅកាន់តុលាការ។
យើងបានព្យាយាមសុំការបំភ្លឺពីលោក ប៊ុន សុខវិបុល ឯកអគ្គកុងស៊ុល កម្ពុជាប្រចាំខេត្តស្រះកែវ ប្រទេស ប៉ុន្តែមិនអាចទាក់ទង បានទេ ៕
