ខេត្តឧត្តរមានជយ័: មានសេចក្ដីរាយការណ៏មកថា សព្វថ្ងៃនេះមានក្រុមហ៊ុនមួយដែលទទួលបានការប្រមូលផលអនុផលព្រៃឈើ នៅក្នុងតំបន៉ដីសម្បទានសង្គមកិច្ចគ្រួរសាកងទព័ របស់កងពលធំលេខ3 នៅក្នុងស្រុកជាំក្សាន្ដ ខេត្តព្រះវិហារ ដោយធ្វើការដឹកជញ្ជូនឈើអត់ច្បាប់ ដោយមិនមានការត្រួតពិនិត្យពីស្ថាបន័ជំនាញ ដើម្បីប្រម៉ូលថវិការចូលរដ្ឋ ដែលកំពុងតែល្បីថា តំណាងក្រុមហ៊ុនបានធ្វើការចែកចាយដល់សមត្ថកិច្ចពាក់ពន្ធគ្រប់ស្ថាបន្ន័ រហូតដល់ទៅបីខេត្ត គឺខេត្តព្រះវិហារ ខេត្តឧត្តរមានជយ័ និងខេត្តបន្ទាយមានជយ័ ។
ប្រភពពីស្រុកជាំក្សាន្ដខេត្តព្រះវិហារមកថា មានព្រៃសហគមន៍ជាច្រើនដែលកំពុងតែរងការកាត់បំផ្លាញ់ ពីសំណាក់ក្រុមហ៊ុនដែលបានត្រូវរ៉ូវគ្នាជាមួយនិងអាជ្ញាធរ និងស្ថាបន្ន័ពាក់ពន្ធ័ធ្វើសកម្មភាពដឹកជញ្ជូនអនាធិប្បតេយ្យ ទាំងចេញពីព្រៃ ទាំងដឹកយកទៅចែកចាយទៅតាមដេប៉ូ នៅខេត្តបន្ទាយមានជយ័។
បើតាមការអោយដឹងពីនាក់ជិតស្និតនិងក្រុមហ៊ុន ពឹងពាក់ជួយមើលការខុសត្រូវ តាមដងផ្លូវខេត្តឧត្តមានជយ័មកថា រហូតមកដល់ពេលនេះក្រុមហ៊ុនខាងលើ បានធ្វើការដឹកជញ្ជូនឈើអត់ច្បាប់ ទៅចែកចាយដេប៉ូនៅ
ខេត្តបន្ទាយមានជយ័ មានចំនួនប្រាំរថយន្ដម៉ាកយីឌុប ស្មើនិង២៥០ម៉ែតគូបមកហើយ ដោយក្នុងមួយរថយន្ដម៉ាកយីឌុប ផ្ទុកឈើបានជាង50ម៉ែតគូបឯណោះ។
ជាក់ស្ដែងនៅយប់ថ្ងៃទី15គុម្ភះឆ្នាំ2017 ក្រុមហ៊ុនខាងលើក៍បានធ្វើសកម្មភាពដឹកឈើ ចេញពីស្រុកជាំក្សាន្ដខេត្តព្រះវិហារឆ្លងកាត់ខេត្តឧត្តមានជយ័ ទៅធ្វើការចែកចាយនៅខេត្តបន្ទាយមានជយ័ ពេញមួយរថយន្ដម៉ាកយីឌុបទៅយ៉ាងរលូន។
ក្រុមហ៊ុននេះដែរ ត្រូវបានប្រជាពលរដ្ឋស្រុកជាំក្សាន្ដរាយការមកថា ប្រមូលកាតអាឈើអនាធិប្បតេយ្យ មិនថានៅក្នុងតំបន់ដីសម្ទានសង្គមកិច្ចគ្រួរសាកងទព័ គំរបព្រៃឈើអចិន្រ្តៃរបស់រដ្ឋ ឬក៍ព្រៃសហគមន៍នោះឡើយ ពោលគឺកាត់គ្មានសល់ចន្លោះឡើយ។ក្រុមហ៊ុនខាងលើ មិនត្រឹមតែបំផ្លិចបំផ្លាញធនធានធម្មជាតិ ប៉ុណ្ណោះទេថែមទាំង បំបាត់ពន្ធចូលរដ្ឋ និងថែមទាំងបំផ្លាញ ហដ្ឋារចនាសម្ពន្ធ័ផ្លូវថ្នល់ ដោយដឹកជញ្ជូនឈើលើសចំណុះ ដែលផ្វើអោយផ្លូវជាតិលេខ១៧៤រងការទ្រុឌទ្រោមជាបន្ដើរហើយ។
ប្រជាពលរដ្ឋសូមអំពាវនាវ ដល់លោកនាយឧត្តមសេនីយ៍សៅ សុខា មេបញ្ជាការកងរាជអវុធហត្ថលើផ្ទៃប្រទេស សូមជួយដាក់ការស៊ើបអង្កេត និងចាត់វិធានការទៅលើក្រុមហ៊ុន ដែលកំពុងតែបំផ្លាញជាតិមួយនេះផង៕
