កោះកុង ៖ ប្រជាពលរដ្ឋរស់នៅក្នុងភូមិជ្រោយស្វាយខាងកើត ឃុំជ្រោយស្វាយ ស្រុកស្រែអំបិល ខេត្តកោះកុង បានរិះគន់ចំៗទៅលើ លោកមេភូមិ ឈ្មោះជឿន នឹងលោកមេឃុំ ឈ្មោះធន នន ថាបានឃុបឃិតគ្នា ស៊ីញ៉េលក់ដី ត្រពាំងមួយកន្លែង ដែលមានឈ្មោះត្រពាំងធ្វែក ស្ថិតនៅក្នុងភូមិជ្រោយស្វាយខាងកើត ចំងាយ២គឺឡូដីពីភូមិ។
ប្រជាពលរដ្ឋបាននិយាយថា ត្រពាំងនេះពួកគាត់ទាំងអស់គ្នា ទៅរកត្រីជារៀងរាល់ថ្ងៃនៅត្រពាំងនោះ ឥឡូវត្រូវអ្នកមានលុយ មានអំណាចលក់ខ្ទេចខ្ទីនិង យកគ្រឿងចក្រមកកាយដី ពទ្ធ័យកត្រពាំងតែម្ដង។
ប្រជាពលរដ្ឋបន្តថា អ្នកដែលរកស៊ីគួកជេដី យកត្រពាំងដែលជាសម្បត្តិសាធារណៈលក់ទៅឲ្យគេបន្តនោះ (១)មានឈ្មោះ ថា (២)ឈ្មោះ ឆុន អ្នកទាំងនោះយកដីទៅលក់បន្ត ឲ្យអ្នកមានលុយម្នាក់នៅក្នុង ស្រុកស្រែអំបិល។
ចំណែកលោកមេភូមិជ្រោយខាងកើតឈ្មោះ ជឿន បាននិយាយប្រាប់អ្នកសារព័ត៍មានថា ដីត្រពាំងនោះ គាត់បានស៊ីញ៉េមែន តែមិនស៊ីញ៉េលក់ដីត្រពាំងទេ គាត់បន្តថាចាំគាត់ទៅមើលសិន។
ចំណែកលោកមេឃុំជ្រោយស្វាយ ឈ្មោះធន នន គាត់និយាយថា គាត់បានស៊ីញ៉េមែនដីនោះ តែមិន មែនស៊ីញ៉េលក់ត្រពាំងទេ ចាំគាត់ឲ្យមេភូមិទៅមើលកន្លែងនោះ។
ចំណែកប្រធានភូមិបាលស្រុក លោក ជា នាង មិនអាចទំទាក់ទំនងបានទេ ដោយទូរស័ពលោកតេមិនចូល។
ចំណែក លោកអភិបាលស្រុក លោក ទួន សីលា គាត់និយាយថារឿងគេទិញដីលក់ ដីនៅឃុំជ្រោយស្វាយនោះ គាត់ដឹងដែរ តែលោកមេឃុំជ្រោយស្វាយ មិនមានឯកសារណាមួយទេមកដល់ដៃគាត់នោះ ឬក្រុមហ៊ុនណា យកឯកសារមកដល់ដៃគាត់គឺអត់មានទេ នេះជាសម្ដីលោកអភិបាលស្រុកស្រែអំបិល។
ការឃុបឃិតគ្នារវាងអ្នករកស៊ីទិញដីលក់ដី ត្រឹមតែ មេភូមិ មេឃុំ បានធ្វើឲ្យប៉ះពាល់ដល់សង្គម ហើយឃុបឃិត គ្នាលួចលក់ដីត្រពាំង ដែលជាសម្បតិ្តរដ្ឋ មិនគឹតដល់ផលប្រយោជន៍ជាតិនិងពលរដ្ឋ ដឹងតែយកលុយដាក់ ហោប៉ៅធ្វើមានធ្វើបាន។
កន្លងមក ឃុំជ្រោយស្វាយ ដោយសាររឿងដីធ្លី ឈានទៅដល់ការចាប់ខ្លួនមេឃុំតែម្ដង ដោយសារលេបលុយលក់ដីវាឆ្លាក់ករ ផ្អើលដល់អង្គភាពប្រឆាំងអំពើពុករលួយចុះធ្វើការ។
ប្រជាពលរដ្ឋរស់នៅក្នុងឃុំជ្រោយស្វាយ នៅក្នុងភូមិជ្រោយស្វាយខាងកើត បាននិយាយថា រយៈពេលមួយខែហើយ ប្រជាពលរដ្ឋ បាននាំគ្នាផ្អើលថា លក់ដីចំការ ដីស្រែ នឹងមានតំលៃថ្លៃ លក់ក្នុង(១)ហិកតា តំលៃ(៤០០០)ដូណ្លឡើងទៅ រហូតដល់១ម៉ឺនដូល្លា ទៅដល់២ម៉ឺនដូល្លា ព្រោះឮថាមានក្រុមហ៊ុនចិនមួយចូលមកវិនិយោគ។
សូមឯកឧត្តមអភិបាលខេត្ត ចាត់វិធានការណ៏ស្រាវជ្រាវ ដកហូតត្រពាំងមកទុកជាសម្បត្តិរដ្ឋវិញ និងវែកមុខអ្នកលួចលក់ត្រពាំង ផ្តន្ទាទោសតាមច្បាប់រដ្ឋ៕ (ដោយយួនឈីវ)
