កំពង់ធំ ៖ កំលាំងសមត្ថកិច្ចនគរបាលស្រុកបារាយណ៍ សហការជាមួយកំលាំងនគរបាលស្នងការខេត្តកំពង់ធំ រួមជាមួយមន្រ្ដីជំនាញជលផល ដឹកនាំដោយ លោកវរសេនីយទោ ម៉ាត់ ម៉ូលី នាយការិយាល័យនគរបាលសន្ដិសុខផ្ទៃក្នុង ដោយសុំគោលការណ៍ពីលោក អ៊ិត សុធា ព្រះរាជអាជ្ញាខេត្តកំពង់ធំ បានចុះបង្រ្កាបក្រុមឈ្មួញល្មើសច្បាប់ ដែលកំពុងតែបន្ដឈូសឆាយ រុករានដីព្រៃលិចទឹកនៅជាប់និងតំបន់ ខាងត្បូងបឹងរៀល ខាងលិចស្រុកបារាយណ៌ប្រហែល១៥គីឡូម៉ែត្រ ដែលជាតំបន់ហាមឃាត់ សំរាប់អភិរក្សសត្វខ្សិប ជាតំបន់ដែលគ្រប់គ្រងដោយ ខ័ណ្ឌជលផលខេត្តកំពង់ធំ ការចុះបង្រ្កាបនេះ បានធ្វើឡើងនៅថ្ងៃទី១២ ខែកុម្ភះ ឆ្នាំ២០១៧។
បើតាមប្រភពពត័មានពីមហាជន បានរឺះគន់ចំពោះមន្រ្ដីពាក់ព័ន្ធមួយចំនួន ដែលស៊ីប្រាក់ខែរដ្ន ឃុបឃឹតបើកដៃអោយឈ្មួញ បានធ្វើសកម្មភាពរុករាននិងឈូសឆាយដីព្រៃលិចទឹក នៅតំបន់ជិតបឹងរៀលខាងត្បូង ដើម្បីរៀបចំលក់អោយទៅក្រុមហ៊ុនចិន ព្រោះតែការលោភលន់ គិតតែប្រយោជន៍ផ្ទាល់ខ្លួន មិនបានគិតពីប្រយោជន៍សង្គម យ៉ាងគគ្លើន ម្ដងហើយៗ មិនខ្លាចរអាពីសំណាញ់ច្បាប់អ្វីទាល់តែសោះ តែមន្រ្ដីដែលពាក់ព័ន្ធនិងឈ្មួញ ពុំត្រូវបានគេបញ្ចេញឈ្មោះអោយដឹងនោះទេ ស្រួលប្រព្រឹត្តបទល្មើសទៅថ្ងៃមុខ ដើម្បីរកលុយចែកគ្នាបែបអំពើពុករលួយ ។
លទ្ធផលនៃការចុះបង្រ្កាប ពាក់ព័ន្ធនិង ការឃាត់បានតៃកុងត្រាក់ទ័រចំនួន៨នាក់ =ទី១ឈ្មោះហ៊ុយ ដានិត ភេទប្រុស អាយុ២៥ឆ្នាំ រស់នៅភូមិជ្រោយថ្មីក្រោម ឃុំឆ្លូង ស្រុកឆ្លូង ខេត្ត , ទី២ឈ្មោះ ភុំ វិជ្ជា ភេទប្រុស រស់នៅភូមិចំបក ឃុំតាំងក្រសាំង ស្រុកសន្ទុក ខេត្តកំបង់ធំ ទី៣ ឈ្មោះ ផេង សុផាត ភេទប្រុស អាយុ ២១ឆ្នាំ រ់នៅភូមិ តាអុង ឃុំតាអុង ស្រុកចំការលើ ខេត្តកំពង់ចាម ទី៤ ឈ្មោះ ម៉េង ហៀ ភេទប្រុស អាយុ ២១ ឆ្នាំ រស់នៅ ភូមិ ចំបក់ ឃុំតាំងក្រសាំង ស្រុកសន្ទុក ខេត្តកំពង់ធំ ទី៥ ឈ្មោះ ស៊ុយ សារាយ ភេទប្រុស អាយុ២១ឆ្នាំ រស់នៅ ភូមិ សសែន ឃុំសសែន ស្រុក ព្រៃឈរ ខេត្តកំពង់ចាម ទី៦ ឈ្មោះ ឈួន ស៊ីណា ភេទប្រុស អាយុ ៤៣ឆ្នាំ រស់នៅភូមិ ថ្មី ឃុំ ឈូកខ្សាច់ ស្រុកបារាយណ៏ ខេត្តកំពង់ធំ ទី៧ ឈ្មោះប៊ុល ផល្លី ភេទប្រុស អាយុ ៤៣ឆ្នាំរស់នៅភូមិ ថ្មី ឃុំឈូកខ្សាច់ ស្រុក បារាយណ៍ ខេត្តកំពង់ធំ ទី៨ ឈ្មោះ ញៀន ហៀប ភេទប្រុស អាយុ៤៥ឆ្នាំ រស់នៅភូមិ ស្មោញ ឃុំល្អាង ស្រុក បារាយណ៏ ខេត្តត្បូងឃ្មុំ រួមជាមួយវត្ថុតាងមួយចំនួនរួមមាន ត្រាក់ទ័រចំនួន10គ្រឿង យកមករក្សាទុកនៅអធិការដ្ឋាននគរបាលស្រុកបារាយណ៍៨គ្រឿង និង២គ្រឿងទៀតខូចយកមកមិនរួច ក្រោយពីឃាត់អ្នកបើកទាំង៨នាក់ រួចបានប្រគល់អោយ មន្រ្ដីជំនាញជលផល ចាត់ការតាមច្បាប់។
លោកប៉ែន វណ្ណរិទ្ធ នាយខ័ណ្ឌរដ្ឋបាលជលផលកំពង់ធំ បានប្រាប់អោយដឹងថា ការឈូសឆាយដីព្រៃលិចទឹកនៅតំបន់បឹងរៀលនេះ ពិតជាមានប៉ះពាល់ដីអភិរក្សសត្វខ្សឹប ដែលគ្រប់គ្រងដោយខ័ណ្ឌរដ្ឋបាលជលផលពិតមែន គ្រាន់តែប៉ះតិចនិងច្រើនតែប៉ុណ្ណោះ៕
