សៀមរាប៖ អាជីវករបានរឹះគន់ថា ការយកថ្លៃកន្លែងលក់ដូរ ពីអាជីវកនៅផ្សារពួក ដែលបានយកផ្លូវសាធារណះអោយអាជីវករលក់ដូរ ត្រី សាច់ បន្លែបង្កា ជាច្រើននាក់ ជាឧកាសក្នុងការរកចំណូលបន្ថែម របស់អ្នកទទួលបន្ទុកផ្សារពួក ខេត្តសៀមរាប ដែលបានបញ្ចាអោយកូនចៅរបស់ខ្លួន យកលុយក្នុង១ចានដែកលក់ត្រី ២០០០រៀល ១កញ្រ្ចែងបន្លែ ២០០០រៀល ឬ៣កញ្រ្ចែង៥០០០រៀល នេះគឺកំពុងតែឆ្លុះបញ្ចាំងពីអំពើពុករលួយ កៀបសង្កត់ប្រជាពលរដ្ន ផ្គើនទៅនិងគោលការណ៍របស់រាជរដ្ឋាភិបាល ដែលបានប្រកាសលុបចោលការមិនយកភាស៊ីទាំងនេះ ។
អាជីវករជាច្រើនឆ្លើយក្នុងកិច្ចសម្ភាស សុំមិនអោយបញ្ចេញឈ្មោះបាននិយាយថា គេមានកន្លែងអោយលក់បន្លែបង្កានៅខាងក្នុង តែបើលក់នៅខាងក្នុង គឺយើងលក់មិនដាច់ទេ ទើបចេះតែនាំគ្នាមកលក់នៅខាងក្រៅលើផ្លូវសាធារណះ តែត្រូវបានគេគំរាមមិនអោយនិយាយការពិត ជុំវិញការទារភាស៊ីនិងថ្លៃកន្លែងលក់ដូរនេះឡើយ បើហ៊ាននិយាយ គេនិងបញ្ឈប់មិនអោយលក់តទៅទៀត ជាការពិតហើយ ការបង់លុយកន្លែងប្រចាំថ្ងៃ និងប្រចាំខែមានតម្លៃខ្ពស់ពេក ធ្វើឲ្យពួកគាត់មានការលំបាកយ៉ាងខ្លាំង នៅក្នុងជីវភាពប្រចាំថ្ងៃ កាលពីឆ្នាំ២០១៤ និង២០១៥ បន្លែមួយកញ្ច្រែងតែ៥០០រៀលតែប៉ុណ្ណោះ តែក្នុងឆ្នាំ២០១៧នេះ ត្រូវបង់ភាស៊ីរួមនិងថ្លៃកន្លែងលក់ ចាប់ពី២០០០៛មួយកញ្ច្រែង ឬមួយចានដែកលក់ត្រី២០០០រៀល ទៅ៥០០០៛ចាប់ពីរបីកញ្ច្រែងឡើងទៅ រាល់ការបង់ថ្លៃភាស៊ីម្តងៗ មិនបានចេញក្រដាសជាសម្គាល់អ្វីឡើយ អ្នកដើរទារភាស៊ីទារលុយតាមអំពើចិត្ត ។
ម្យ៉ាងទៀតការយកផ្លូវសាធារណះ ធ្វើកន្លែងលក់ដូរត្រីសាច់បន្លែបង្កា ធ្វើអោយស្ទះមុខតូបអ្នកដ៏ទៃស្ទើរតែគ្មានផ្លូវចេញចូល យើងខ្ញុំសំណូមពរអោយអាជ្ញាធរស្រុក និងអ្នកទទួលបន្ទុកផ្សារពួក មេត្ដារកកន្លែងដាក់បេនកងនិងម៉ូតូ អោយបានត្រឹមត្រូវ និងរៀបចំអោយអាជីវករដែលលក់បន្លែ ត្រីសាច់ ទៅខាងក្នុងវិញ ព្រមទាំងយកថ្លៃកន្លែងលក់អោយសមរម្យឡើងវិញ ។
យើងក៏បានធ្វើកិច្ចសម្ភាសជាមួយ លោក ម៉ៅ វិសុទ្ធ អភិបាលស្រុកពួក ជុំវិញការយកដី បេន កង់ ម៉ូតូ ធ្វើតូបលក់អោយអាជីវករ ក្នុងតំលៃ ៥០០០ដុល្លា ហើយយកបេនកង់និងបេនម៉ូតូមកដាក់លើផ្លូវសាធារណះ តើលោកមានចំណាត់ការអ្វីក្នុងការរៀបចំ ផ្សារនេះអោយមានសណ្ដាប់ធ្នាប់ និងគ្មានការយកលុយពីអាជីវករលើសការកំណត់ នៅពេលខាងមុខយ៉ាងដូចម្ដេច លោកបានឆ្លើយថា លោកទទួលស្គាល់ថាមានកំហុស លោកក៏ធ្លាប់បានហៅលោក សន់ នី អ្នកទទួសបន្ទុកផ្សារនេះ មកណែនាំជាច្រើនដងហើយ តែនៅមិនទាន់រៀបចំបានទៀត ហើយលោកក៏មិនគាំទ្រ រាល់ទង្វើខុសឆ្គងទាំងឡាយ ជុំវិញការទារថ្លៃនិងអ្វីគ្រប់យ៉ាង ផ្ទុយទៅនិងគោលការរបស់រាជរដ្ឋាភិបាលនោះដែរ។
លោក ហ៊ុប ថៃ ម្ចាស់វិនិយោគផ្សារទាំង៣មានផ្សារលើ ផ្សារក្រោម ផ្សារពួក បានឆ្លើយបដិសេដរឿងធ្វើតូបលក់ និងបានរៀបរាប់ថា បានប្រគល់អោយ លោក សន់ នី មើលការខុសត្រូវផ្សារពួកនេះ ក្នុងគោលការរបស់ខ្ញុំអោយយកតែ ២០០រៀល ទៅ៣០០រៀល ក្នុង១កញ្ច្រែង ឬចានដែក តាមតិចច្រើនសំរាប់បង់អោយអ្នកដឹកជញ្ចូនសំរាម តែប៉ុណ្ណោះ មិនបានអោយយករហូតដល់២០០០រៀលទៅ៣០០០រៀលនោះទេ អ្នកដែលយកលើសនោះគឺត្រូវទទួលខុសត្រូវដោយខ្លួនឯង ម្យ៉ាងទៀត អ្នកដែលធ្វើផ្សារលក់តូបនោះគឺក្រុមហ៊ុន តូច សុធី តែពុំដឹងតំលៃប៉ុន្នាននោះទេ។
លោក សន់ នី អ្នកទទួលបន្ទុកមើលការខុសត្រូវលើផ្សារពួក មិនបានឆ្លើយតបជុំវិញ ការរឹះគន់ពីសំណាក់អាជីវករនោះទេ មិនដឹងថាលោកមិនហ៊ានបកស្រាយ និងក៏មានចេតនាគេចវេស នូវទង្វើររបស់ខ្លួន ដែលបញ្ចាអោយកូនចៅដើរយកលុយ តាមកញ្ច្រែង តាមចាន់ដែក ហួសសៀវភៅបន្ទុក និងផ្គើនទៅនិងប្រសាសន៍ របស់ប្រមុខរាជរដ្ឋាភិបាល បើទោះបីយើងព្យាយាម ធ្វើការទំនាក់ទំនងតាមទូស័ព្ទជាច្រើនដង ក៏ដោយ ក៏មិនលើកទូស័ព្ទដែរ៕
