ខេត្តក្រចេះ៖ ទីតាំងបញ្ជល់មាន់មួយកន្លែង ដែលលួចលេងភ្នាល់ស៊ីសងធំនៅក្នុងព្រៃ ក្នុងភូមិសាស្រ្តស្រុកសំបូរ ខេត្តក្រចេះ ជាប់និងព្រំប្រទល់ខេត្តស្ទឹងត្រែង ត្រូវបាននគរបាលព្រហ្មទណ្ឌខេត្តក្រចេះ ស្រាវជ្រាវចាប់បង្រ្កាប។
ក្នុងការចុះឆ្មក់បង្រ្កាបទីតាំងសង្វៀនបញ្ជល់មាន់ដ៍ធំមួយនេះ ពីកម្លាំងនគរបាលព្រហ្មទណ្ឌកំរិតស្រាល និងកំរតិធ្ងន់ខេត្ត កាលពីរសៀលថ្ងៃទី៦ កុម្ភះ នគរបាលក៏បានចាប់ឃាត់ខ្លួន បានអ្នកលេង៤នាក់ រួមទាំងសម្ភារសម្រាប់បម្រើ ឲ្យការលេងភ្នាល់ជាច្រើនផ្សេងទៀត។
នាយការិយាល័យព្រហ្មទណ្ឌកំរិតស្រាល លោកវរសេនីយ៍ឯក គុណ សោភណ្ឌ បានឲ្យដឹងថា មនុស្ស៤នាក់ ដែលសុទ្ឋសឹងជាអ្នកញៀនល្បែងជល់មាន់ និងល្បែងអាប៉ោង ព្រមទាំងសម្ភារសំរាប់បម្រើឲ្យ បទល្មើសជាច្រើនសម្រាប់ រួមមានមាន់ជល់ មេអាប៉ោង ព្រមទាំងម៉ូតូ១៦គ្រឿង និងរថយន្ត១គ្រឿង គឺត្រូវបាននគរបាលនាំមកកាន់ស្នងការដ្ឋាន ដើម្បីបន្តចំណាត់ការ។
ប្រតិបត្តការឆ្មក់បង្រ្កាបនេះ បានធ្វើឡើងតាមបទបញ្ជាររបស់លោកឧត្តមសេនីយ៍ លន់ សុផាត ស្នងការនគរបាលខេត្ត និងមានការសម្របសម្រួលពីស្ថាប័នអយ្យការខេត្ត ផងដែរ ទើបកម្លាំងនគរបាលប្រើវិធានការឡោមព័ទ្ឋ ក្រសោបបានសម្ភារទាំងអស់នេះ។
គេសង្កេតឃើញថា ក្នុងអំឡុងរយះពេលប៉ុន្មានខែចុងក្រោយនេះ ស្ថានភាព ការលួចលេងភ្នាល់ល្បែងស៊ីសងនៅខេត្តក្រចេះ គឺមានសភាពថមថយខ្លាំង បន្ទាប់ពីកម្លាំង នគរបាលខេត្ត បានប្រើប្រាស់វិធានការក្តៅ ក្នុងការស្រាវជ្រាវស៊ើបអង្កេតចាប់បង្រ្កាបជាបន្ត បន្ទាប់រួចមកនោះ។ ពិសេសវិធានការចាប់បង្រ្កាបការលួចលេងល្បែងស៊ីសងបៀរ និងការ លួចលេងភ្នាល់ល្បែងស៊ីសងបញ្ជល់មាន់ជាដើម៕
