កោះកុង ៖ នៅរសៀលថ្ងៃទី7 ខែកុម្ភះ ឆ្នាំ2017 មានប្រជាពលរដ្ឋ20គ្រួសារ ដែលរស់នៅក្នុងភូមិភ្នំស្រឡៅ នឹងភូមិជ្រោយស្វាយ ស្ថិតក្នុងឃុំជ្រោយស្វាយ ស្រុកស្រែអំបិល ខេត្តកោះកុង បានលើកគ្នាទៅហាមឃាត់មេការ ម្ចាស់ចំការស្វាយ ដែលបានយកអាត្រាក់ទ័រមកឈូសយកដីភ្នំ ហើយធ្វើរបងពទ្ធ័យកដីភ្នំ។
ប្រជាពលរដ្ឋបាននិយាយថា ដីចំការស្វាយនេះមានព្រុំកាយជាកិញហើយ ហេតុអីបានជាម្ចាស់ចំការ មកឈូសឆាយដីភ្នំហើយធ្វើផ្ទះទៀត ព្រមទាំងឈូសចូលដីគាត់ទៀត។
ពួកគាត់បាននិយាយទៀតថា ដីដែលមេការម្ចាស់ចំការស្វាយឈូសឆាយ ពទ្ធ័របងយកនេះ គឺចូលដីរបស់ពួកគាត់ ទាំង20គ្រួសារ ទើបពួកគាត់មកតវ៉ាមិនឲ្យធ្វើតទៅទៀត ប្រជាពលរដ្ឋ នឹងមេការម្ចាស់ចំការស្វាយទាំងពីរនាក់ (1)មានឈ្មោះហ៊ោ រត័្ឋណា (2)ឈ្មោះ ស៊ុន ស្រៀង បានជជែកគ្នាយ៉ាងយូរ ទើបលោកមេភូមិ នឹង លោកមេក្រុម មកហាមឃាត់ខ្លាចមានអំពើហឹង្សាកើតឡើង។
ប្រជាពលរដ្ឋបានបន្តថា មេការម្ចាស់ចំការស្វាយ គំរាមហាមឃាត់ប្រជាពលរដ្ឋ មិនឲ្យដើរឆ្លងកាត់តាមផ្លូវឬជិតដីចំការទេ។តាមសម្ដីពលរដ្ឋបន្តថា គោក្របី ប្រជាពលរដ្ឋចូលក្នុងចំការ ត្រូវមេការចំការចាប់គោក្របីទារលុយ មួយក្បាលពី1លានទៅ២លានរៀលយកលុយពីពួកគាត់។
ចំណែកអ្នកសារព័ត៌មានបានសួរទៅមេការនៅទីនោះថា តើម្ចាស់ចំការឈ្មោះអី មេការនោះប្រាប់ថាមិនស្គាល់ឈ្មោះទេ គ្រាន់តែដឹងថានៅភ្នំពេញ ។
ប្រជាពលរដ្ឋបាននិយាយប្រាប់អ្នកសារព័ត៌មានថា បើតាមគាត់ដឹងថា ម្ចាស់ចំការនោះ ជាថៅកែ បាកាស់ ដ៌ធំនៅភ្នំពេញ ពួកគាត់បន្តថាដីចំការស្វាយនេះធំណាស់ មានទំហុំ300ទៅ៤០០ហិកតា ពួកគាត់បន្តថាដីចំការនេះ ថៅកែបាកាស់នេះទើបតែទិញចំការពីរបីឆ្នាំនេះទេ ។
រីឯលោក ស៊ុន ស្រៀង នៅទីនោះបានអះអាងថាជាម្ចាស់ចំការ នៅចំពោះមុខអ្នកសាព័ត៌មាន ថារូបគាត់ធ្វើរបង ការពារក្របីគោមិនឲ្យចូលតែប៉ុណ្ណោះ។
ចំណែកលោកមេភូមិភ្នំស្រឡៅ បានប្រាប់ទៅលោក ស៊ុន ស្រៀង ឲ្យមកដោះស្រាយនៅសាលាឃុំជាមួយប្រជាពលរដ្ឋ ហើយហាមមិនឲ្យលោក ស៊ុន ស្រៀង ធ្វើរបងពទ្ធ័ភ្នំទៀតទេ។(ដោយ យួន ឈីវ)
