ខេត្តកំពង់ធំ៖ នៅព្រឹកថ្ងៃទី៧ កុម្ភះ ២០១៧ ឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៏មាន និងប្រតិភូអមដំណើរ បានអញ្ជើញជួបសំណេះសំណាល ជាមួយមន្ត្រីរាជការ មន្ទីរព័ត៏មានខេត្តកំពង់ធំ។
បន្ទាប់ពីលោកស្រី ង៉ែត ណារីន ប្រធានមន្ទីរព័ត៏មានខេត្តកំពង់ធំ បានអានរបាយការណ៏ស្វាគមន៏៏រួចមក មានប្រសាសន៏សំណេះសំណាលក្នុងឧកាសនោះ ឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៏មាន បានសំដែងនូវការកោតសរសើរ ចំពោះថ្នាក់ដឹកនាំមន្រ្តីបុគ្គលិកគ្រប់លំដាប់ថ្នាក់ របស់មន្ទីរព័ត៏មានខេត្តកំពង់ធំ ដែលបានសាមគ្គី សហការគ្នាបានល្អ ធ្វើអោយវិស័យព័ត៏មាន ក្នុងខេត្តកំពង់ធំ នាពេលកន្លងមកទទួលបាន លទ្ធផលល្អប្រសើរ ។
ឯកឧត្តម ខៀវ កាញារិទ្ធបន្តថា ទន្ទឹមនិងលទ្ធផលខាងលើនេះ ក៏មន្ត្រីរបស់យើងមួយចំនួននៅមានចំណុចខ្វះខាតដែល មន្ត្រីយើង ត្រូវបង្កើនចំណេះដឹង ខិតខំពង្រឹងឆន្ទះការងារ ភក្តីភាព មនៈសិការវិជ្ជាជីវៈ អោយបានល្អ និងបន្តយកចិត្តទុកដាក់ខិតខំបំពេញការងារ សហការជាមួយមន្ទីរ អង្គភាព នានា អាជ្ញាធរគ្រប់លំដាប់ថ្នាក់ និងសាមគ្គីភាពផ្ទៃក្នុងអោយបានកាន់តែល្អ កែលំអរគុណភាពក្នុងការផ្សព្វផ្សាយវិទ្យុនិងទូរទស្សន៏ ប្រកបដោយក្រមសីលធម៏ ដោយធ្វើការជួបជុំគ្នាដើម្បីផ្លាស់ប្តូយោបល់ បទពិសោធន៏ពីគ្នាទៅវិញទៅមក លើការងារសរសេរព័ត៏មាន ថតព័ត៏មាន និងផ្សាយព័ត៏មានបន្ថែមទៀត សំដៅធ្វើអោយវិស័យព័ត៏មាននៅកម្ពុជា ក៏ដូចនៅក្នុងខេត្តកំពង់ធំ ទទួលបានលទ្ធផលជោគជ័យ និងមានភាពរីកចំរើនប្រសើជាងមុន។
ចុងក្រោយ ឯកឧត្តមបានមានប្រសាសន៍ ជំរុញអោយមន្ត្រីជំនាញវិទ្យុ និងទូរទស្សន៍ ខេត្ត ត្រូវខិតខំស្វែងរក ព័ត៌មាន សរសេរនិងផ្សព្វផ្សាយនូវព័ត៌មានអោយបានលឿន ទុកចិត្តបាន ហើយចាប់យកនូវខ្លឹមសារអ្វីដែលសំខាន់ ទើបមានការចាប់អារម្មណ៍ ពីអ្នកស្តាប់និងទស្សនា ។ ក្រៅពីវិទ្យុ និងទូរទស្សន៍ មន្ទីរព័តមានត្រូវមានwebside facebookនិងyoutube ដើម្បីជំរុញការផ្សព្វផ្សាយឲ្យបានកាន់តែទូលាយ ទាញយកកំណើនអតិថិជនបានកាន់តែច្រើន ។
ឯកឧត្តមបានបញ្ជាក់ថា កិច្ចការនេះត្រូវរួមគ្នាធ្វើជាសមូហភាព រួមសាមគ្គីគ្នាធ្វើ និងចេះចែករំលែកទាំងការងារ ការទទួលខុសត្រូវ ហើយត្រូវផ្តល់ការចែករំលែក មុខមាត់ កិត្តិយសផលប្រយោជន៍គ្នាជាសមូហភាពផងដែរ៕
