កោះកុង៖ ប្រជាពលរដ្ឋរស់នៅ ភូមិស្រែអំបិល នឹងភូមិត្រពាំង ស្ថិតនៅក្នុងឃុំស្រែអំបិល ស្រុកស្រែអំបិល ខេត្តកោះកុង បានរិះគន់ទៅលើអាជ្ញាធរស្រុកស្រែអំបិលយ៉ាងខ្លាំង ថាដីហុយចូលភ្នែកទើបបណ្តោយឲ្យឡានដឹកដី ដែលមានម្ចាស់ ឈ្មោះថាពូឌិង ធ្វើអាជីវកម្មដឹកដីហុយសំពោង ប៉ះពាល់បរិស្ថានយ៉ាងធ្ងន់ធ្ងរ ប្រជាពលរដ្ឋនិយាយថា ឡានដឹកដីនេះដឹកដីគ្មានគ្របតង់ពីលើទេ ហុយដីចូលក្នុងផ្ទះប្រជាពលរដ្ឋប៉ះពាល់ដល់សុខភាព ជាពិសេសកុមារនិងចាស់ជរា និងជ្រុះរាយប៉ាយពេញផ្លូវតែម្ដង ដែលអាចបង្ករឲ្យមានគ្រោះថ្នាក់ចរាចរណ៏។
ប្រជាពលរដ្ឋបាននិយាយបន្តថា ពួកគាត់បានប្រាប់ទៅ លោកមេឃុំដាត់ស៊ុនលី ជាច្រើនដងហើយ តែមេឃុំមិនមានចំណាត់ការទេ ពួកគាត់និយាយតៗគ្នាថា អាជ្ញាធរនៅស្រុកស្រែអំបិល មិនដែលគឹតដល់ប្រយោជន៏ប្រជាពលរដ្ឋទេ បើមានការវិញរត់ហៅពួកគាត់ហើយ ប្រជាពលរដ្ឋនិយាយរិះគន់ លោកមេឃុំ ដាត់ ស៊ុនលី ថា មេឃុំរូបនេះទាំងពីឡើងធ្វើមេឃុំមក មិនដែលដោះស្រាយរឿងដែលប្រជាពលរដ្ឋបានប្តឹង ឬទៅប្រាប់គាត់ធ្វើមិនដឹង។
មានមន្រ្តីក្នុងស្រុកជើងចាស់ពីរនាក់ សូមមិនបញ្ចេញឈ្មោះនិយាយថា អស់លោកធ្វើការនៅក្នុងស្រុកមិនចេះគឹតដល់ផលប្រយោជន៌ជាតិ នឹងផលប្រយោជន៌ប្រជាពលរដ្ឋ បណ្ដោយឲ្យ ឈ្មួញរកស៊ីដឹកដីលក់ ឲ្យកាយដីភ្នំគ្រប់កន្លែង អស់លោកមើលមិនឃើញទេ ដូចជាកាយភ្នំស្រែអំបិល នៅជិតផ្ទះពលរដ្ឋកាយអស់ហើយដីភ្នំភូមិត្រពាំង ជាពិសេសភ្នំស្រែអំបិល ម្ចាស់ឡានឈ្មោះ ពូឌិង កាយយកអាចម៌ដីលក់ មិនមានចំណាត់ការលើបគ្គុលរូបនេះទេ។
ចំណែកប្រធានការិយាល័យបរិស្ថានស្រុកស្រែអំបិល លោក ម៉េង តិច អ្នកសារព័ត៌មានតេសួរពីរឿងកាយដីភ្នំ គាត់ថាចាំឲ្យគេទៅមើល។
ចំណែកខាងអង្គភាពរ៉ែថាមពលវិញ លោក អ៊ូ សុភី អ្នកសារព័ត៌មានតេសួរពីរឿងការកាយដីភ្នំ គ្រាន់តែប្រាប់ឈ្មោះថាជាអ្នកសារព័ត៌មាន បឹទទូរសព្ទ័បាត់តេលែងចូល។
ចំណែកម្ចាស់ឡានឈ្មោះពូឌិង អ្នកសារព័ត៌មានបានតេសួរ គាត់បានប្រាប់ថា គាត់ប្រាប់មេឃុំ ហើយរឿងឡានគាត់ដឹកដី ម្ចាស់ឡានបន្តប្រាប់ទាំងឌឺថា បើឡានគាត់ដឹកដីមិនគ្របទេ ហើយធ្លាក់ដីលើផ្លូវនោះ សូមឲ្យថតបង្ហោះផង នេះជាសម្ដីម្ចាស់ឡានជើងខ្លាំង។
តាមច្បាប់ជនណាដែលធ្វើឲ្យប៉ះពាល់ដល់ផ្លូវសារធារណៈ ដូចជាចញ្ចើមផ្លូវ ទ្រូងផ្លូវ នឹងនៅលើផ្លូវ ត្រូវផ្ដន្ទាទោសតាមច្បាប់ ដាក់គុកពី២ឆ្នាំទៅ៥ឆ្នាំ ហើយពិន័យជាប្រាក់ពី៤លានរៀលទៅ១០លានរៀល។
ការឃុបឃិតគ្នារវាងអាជ្ញាធ នឹងអ្នករកស៊ីដឹកដី នៅតែបន្តកើតមានឡើងដដែល ជាពិសេស មេឃុំ ដាត់ ស៊ុនលី តែម្ដងនឹងដែលជាអ្នកពាក់ពន្ធ័ក្នុងរឿងនេះ។
សូមលោកអភិបាលស្រុកស្រែអំបិល លោក ទួន សីលា ជួយចាត់វិធានការអ្នករកស៊ីដឹកដីនេះផង
នឹងសូមឲ្យប្រធានមន្ទីសាធារណៈការខេត្ត ជួយចាត់ការលើអ្នករកស៊ីឡានដឹកដីនេះ បើមិនដូច្នេះអស់ហើយដីភ្នំ។
ហើយជាពិសេសនោះ សូមអភិបាលខេត្តកោះកុង ជួយចាត់វិធានការណ៏លើមន្រ្តីថ្នាក់ស្រុកផង បើមិនអញ្ជឹងទេ គណៈបក្សប្រជាជន នឹងធ្លាក់សន្លឹកឆ្នោត ដោយសារមន្រ្តីខិលខូចថ្នាក់ក្រោម មិនយកចិត្តទុកដាក់ ចំពោះប្រជាពលរដ្ឋខ្លួនឯង៕ (ដោយយួនឈីវ)
