ខេត្តក្រចេះ៖ ព្រៃឡង់កំពុងឈានទៅរកការរលាយបាត់បង់នៅធនធានធម្មជាតិព្រៃនៅតំបន់បែកព្រំប្រទល់ខេត្តក្រចេះ ជាបន្តបន្ទាប់ ខណៈលោក ឆាយ សាវុធ ប្រធានមន្ទីរ បរិស្ថានខេត្តក្រចេះ ត្រូវបានប្រជាសហគមន៍ និងសមត្ថកិច្ចពាក់ព័ន្ធតូចតាច បង្ហើបអោយដឹងថា កំពុងរួមគំនិតជាមួយកូនចៅឈ្មោះ លោក វី សាល ស្នាក់ការការពារព្រៃឡង់ លោក សាវ៉ាន់ ប្រធានទិស កំពុងតែ មានឱកាសរកប្រាក់តាមរយៈឈ្មួញឈើ ចូលកាប់ឈើក្នុងដែនព្រៃព្រះរាជក្រឹត្យ យ៉ាងអនាធិបតេយ្យ។
ប្រភពបន្តថា នៅពេលថ្មីៗនេះ គេសង្កេតឃើញក្រុមឈ្មួញ សម្រុកដឹកជញ្ជូនឈើចេញពីតំបន់ព្រៃឡង់ ក្នុងដែនការពារបរិស្ថានខេត្តក្រចេះ ដែលគ្រប់គ្រងដោយលោក ឆាយ សាវុធ ប្រធានមន្ទីបរិស្ថានខេត្ត លោក សាវ៉ាន់ ប្រធានទិស នឹងលោក វី សាល ប្រធានស្នាក់ការ ការពារគំពោតគយ កំពុងតែត្រូវបានប្រជាពលរដ្ឋនិងមហាជនមើលឃើញថា ពិតជាកន្ទេលធំបន្លំដេកមែន ព្រោះ ជារៀងរាល់យប់ថ្ងៃ គេបានសង្កេតឃើញ មួយយប់មួយថ្ងៃ មានរាប់រយគោយន្តកន្រ្តៃ ដឹកឈើយ៉ាងគគ្រឹកគគ្រេង នៅក្នុងភូមិសាស្រ្តទឹកដី ឃុំជ្រោយបន្ទាយ ស្រុកព្រែកប្រសព្វ។
ប្រភពពីក្រុមឈ្មួញបានបង្ហើបឲ្យដឹងថា ក្នុងគោយន្តកន្ត្រៃមួយគ្រឿង ត្រូវបង់ប្រាក់ឲ្យលោក វីសាល ស្នាក់ការបរិស្ថាន ចំនួន២៥.០០០០រៀល ដឹកគ្រាក់ចាស់១០.០០០០រៀល ដោយឡែក ផ្នែករដ្ឋបាលព្រៃឈើព្រែកប្រសព្វ ត្រូវបង់ប្រាក់ឲ្យលោក អ៊ឹង ស៊ីណាង ៨០០០០រៀល សង្កាត់រដ្ឋបាលព្រៃឈើជ្រោយបន្ទាយ ត្រូវបង់ឲ្យលោក ប៉ុក វណ្ណា ៨០០០០រៀល។
នៅគ្រប់សកម្មភាពកាប់ដឹកជញ្ជូនឈើយ៉ាងគគ្រឹកគគ្រេងនេះ ត្រូវបានមហាជនគិតថា ពិតជា មានការបើកដៃពីសមត្ថកិច្ចពាក់ព័ន្ធច្បាស់ណាស់ ព្រោះពួកគាត់បាននិយាយថា យើងបានដឹងនឹងឮយ៉ាងច្បាស់ ប្រសាសន៍របស់សម្តេច អគ្គមហាសេនាបតីតេជោ ហ៊ុន សែន ដែលបានមានប្រសាសន៍បញ្ជាក់ ក្នុងរឿងដែលក្រុមឈ្មួញឈើធ្វើសកម្មភាពដឹកជញ្ជូននោះថា អារឿងឈើវាដឹកនឹងឡានធំៗណាស់ ហេតុអ្វីបានមិនដឹង?ហេតុអីបានមិនឃើញ?។
ប្រសាសន៍របស់សម្តេចត្រង់នេះ ចង់បញ្ជាក់ថា មកពីមន្រ្តីជើងដប់ពាក់ស្បែកក្លែងក្លាយ បានលួចផ្សំបន្លំថែម ក្នុងចេតនាទង្វើដែលលឆាយ សាវុធ ប្រធានមន្ទីបរិស្ថានខេត្ត លោក សាវ៉ាន់ ប្រធានទិស នឹងលោក
វី សាល ប្រធានស្នាក់ការការពារគំពោតគយ កំពុងធ្វើគគ្លើនយ៉ាងនេះ គឺជាចេតនាសំដែងអោយឃើញ នៅការជាន់ឈ្លីប្រមាថយ៉ាងធ្ងន់ធ្ងរ ចំពោះបទបញ្ជារបស់ សម្តេចនាយករដ្ឋមន្ត្រី ប្រមុខរាជរដ្ឋាភិបាល យ៉ាងច្បាស់។
ទង្វើដែលមន្ត្រីជំនាញប្រព្រឹត្តបទល្មើសរដ្ឋបាល និងបទល្មើសធនធានធម្មជាតិ ដោយបើកដៃឲ្យ ក្រុមឈ្មួញកាប់បំផ្លាញព្រៃឈើ នឹងដឹកជញ្ជូនដោយមិនខ្លាចអ្វីទាំងអស់យ៉ាងនេះ តើលោករដ្ឋមន្ត្រី ក្រសួងបរិស្ថាន គួរតែបើកការអង្កេតតាមដាន យកមន្ត្រីពុករលួយមកដុះក្អែលម្តង ដើម្បីអោយមានការរៀងចាលដែរទេ? ។
ជុំវិញសកម្មភាពដ៍គួឲ្យសោកស្តាយ តំបន់ព្រៃឡង់ កំពុងរងនូវការហិនហោចវិនាស ដូចប្រភពលើកឡើងដូចរូបភាពនេះ យើងមិនអាចសុំការបំភ្លឺពី លោក ឆាយ សាវុធ នឹងប្រធានស្នាក់ការ លោក សាវ៉ាន់ ប្រធានទិសនឹងលោក វីសាល ស្នាក់ការគំពោតគយបានទេ ដោយមិនមានលេខទូរស័ព្ទតែនឹងព្យាយាមនៅពេលក្រោយ៕
