កោះកុង: ផ្ទះប្រជាពលរដ្ឋរស់នៅភូមិព្រះអង្គកែវ ឃុំដងពែង ស្រុកស្រែអំបិល ខេត្តកោះកុង ដែលមានម្ចាស់ផ្ទះឈ្មោះ ភុន ឆើត អាយុ 31ឆ្នាំ ប្រពន្ធឈ្មោះ ហួត គឹមហួយ អាយុ29ឆ្នាំ មានកូន3នាក់ នឹងចញ្ចិមឪពុកពិការម្នាក់ទៀតឈ្មោះផែន ផុន អាយុ៨០ឆ្នាំ ត្រូវភ្លើងឆេះម៉ដ់ ដោយសាររងើកភ្លើងកន្ទុយអុស ដុតដាំបាយពេលល្ងាច ពេលម្ចាស់ផ្ទះទៅចូលរួមបុណ្យសពម្ដាយមីងស្លាប់ នៅថ្ងៃទី30 ខែមករា ឆ្នាំ2017។
នៅថ្ងៃព្រឹកថ្ងៃទី31,ខែមករា ឆ្នាំ2017នេះ មានកម្លាំងអធិការស្រុកស្រែអំបិល ដឹកនាំដោយ លោក ម៉ាទី ជាអធិការស្រុក ហើយនឹងប៉ុស្តិរដ្ឋបាលឃុំដងពែងផងដែរ បាននាំយកអំណោយទៅឧបត្ថម្ភដល់គ្រួសាររងគ្រោះ នៅក្នុងនោះលោកអធិការ បានផ្តល់អង្ករមួយបាវ ទឹកត្រីមួយយួ តង់មួយ មីមួយកេះ ត្រីខពីរយួ។
នៅក្នុងនោះផងដែរ លោកអភិបាលស្រុកស្រែអំបិល លោក ទួន សីលា បានជូនថវិការ ចំនួន10ម៉ីនរៀល នឹងប៉ុស្តិរដ្ឋបាលដងពែងជូន10ម៉ីនរៀល។
លោកអធិការបានប្រាប់ថា នេះជាថវិការនឹងសម្ភារៈ បន្តិចបន្តួច ជាទឹកចិត្តរបស់ប៉ូលិស។លោកអធិការបន្តថា សូមរង់ចាំ កាកបាទក្រហមកម្ពុជាមកទៀត ហើយលោកនឹងរាយការណ៏ទៅថ្នាក់លើឲ្យបានដឹង៕ដោយ យួន ឈីវ
