ខេត្តកំពង់ធំ៖ ខណ្ឌរដ្ឋបាលព្រៃឈើកំពង់ធំ សហការជាមួយគណៈបញ្ជាការឯកភាពស្រុក ដឹកនាំដោយ លោកនាយខ័ណ្ឌ រដ្ឋបាលព្រៃឈើកំពង់ធំ បានធ្វើការបង្ក្រាបទីតាំងអារជ្រៀកឈើហ៊ុបមូល ដុះស្លែរចំនួន២ កន្លែងនៅក្នុងស្រុកសន្ទុក ។ ការចុះបង្ក្រាបនេះធ្វើឡើង កាលពីរសៀលថ្ងៃទី១៩ និងថ្ងៃទី២០ ខែមករា ឆ្នាំ២០១៧ ស្ថិតនៅ ភូមិផ្លុង ឃុំទីពោធិ ស្រុកសន្ទុក ខេត្តកំពង់ធំ រឹបអូសបានរណាថាស ចំនួន២គ្រឿងឈើមូលចំនួន១២កំណាត់ ព្រមទាំងសត្វប្រវ៉ឹកចំនួន២៥ក្បាល។
ប្រភពព័ត៍មានពីសមត្ថកិច្ចជំនាញ បានឲ្យដឹងថា៖ បន្ទាប់ពីទទួលបានការ រាយការណ៏១ថាមានទីតាំង អារជ្រៀកឈើហ៊ុប នៅចំនុចខាងលើនេះ សមត្ថកិច្ចមូលដ្ឋាន និងគណបញ្ជាការឯកភាព ស្រុកសន្ទុក បានសហការ ជាមន្ត្រីជំនាញ ដឹកនាំដោយលោក តឹប ញាតា នាយខណ្ឌរដ្ឋបាលព្រៃឈើកំពង់ធំ ចុះទៅដល់ ទីតាំងផ្ទាល់ ហើយក៏ប្រមូលបានឈើមូលចំនួន១២ កំណាត់ ព្រមទាំងរុះរើ ទីតាំង អារជ្រៀកឈើចំនួន២កន្លែង និងរឹបអូសម៉ាស៊ីនថាស់ ២គ្រឿង យកទៅរក្សាទុក នៅផ្នែករដ្ឋបាលព្រៃឈើកំពង់ថ្ម ទាំងយប់ដើម្បី ធ្វើកំណត់ហេតុ ធ្វើការវាស់វែងនិងនៅព្រឹកថ្ងៃទី២០ខែមករាឆ្នាំ២០១៧នេះ សង្កាត់រដ្ឋបាលព្រៃឈើតាំងក្រសាំង បានរួមសហការជានគរបាលស្រុកសន្ទុក ស្ទាក់ចាប់បានសត្វប្រវ៉ឹកព្រៃចំនួន២៥ក្បាល ខណៈដែលម្ចាស់បានជិះម៉ូតូ រត់គេចខ្លួន ហើយទម្លាក់សត្វប្រវ៉ឹកចោលទាំងស្បោង នៅក្នុងភូមិសាស្ត្រ ឃុំកកោះ ស្រុកសន្ទុក ខេត្តកំពង់ធំ នៅវេលាម៉ោង៩ព្រឹកមិញនេះ ។
សមត្ថកិច្ចជំនាញបានបន្តថា៖ ក្នុងរយៈពេល២ថ្ងៃនេះ សមត្ថកិច្ចបានបើកយុទ្ធនាការទ្រង់ទ្រាយធំ ចុះបង្ក្រាបបានឈើមូលចំនួន១២កំណាត់ ឈើក្តា១រឹម៉ក ម៉ាស៊ីនជ្រៀកឈើ២គ្រឿង សត្វប្រវឹក២៥ក្បាល ចំនែកម្ចាស់ទីតាំងជ្រៀកឈើ ២កន្លែងដែលរត់គេចខ្លួននោះ សមត្ថកិច្ចកំពុងតែបើកការស្រាវជ្រាវបន្ត ដើម្បីចាត់វិធានការទៅតាមផ្លូវច្បាប់ ចំពោះសត្វប្រវ៉ឹក មន្ត្រីជំនាញធ្វើការលែងទៅវិញ ៕
