កោះកុង ៖ នៅថ្ងៃទី16 ខែមករា ឆ្នាំ2017នេះ សង្កាត់រដ្ឋបាលជលផលស្រែអំបិល សហការជាមួយសហគមន៍ ជ្រោយស្វាយ នឹងសហគមន៍ អនឆ្អើត នឹងកម្លាំងប៉ូលីសដឹកនាំដោយ អធិការស្រុកស្រែអំបិល លោក ម៉ាទី នឹងប៉ុស្តិរដ្ឋបាលជ្រោយស្វាយ លោក អែម សារុន។
តាមសម្ដីពីប្រជាពលដ្ឋបាននិយាយខ្លាំងប្រាប់អ្នកសារព័ត៍មានថា ចំពោះទូកនេសាទ ដែលគេហៅថាទូកមងហោះ ជាប្រភេទឧបករណ៏ទំនើបបំផុត ដែលតាំងពីមុនមក មិនធ្លាប់មាន នៅក្នុងប្រទេស កម្ពុជារបស់យើង ទើបតែប៉ុន្មានឆ្នាំមុននេះទេ លេចចេញប្រភេទមងហោះនេះមក។
ទូកមងហោះនេះមាន កម្មករទូកចំនួន5នាក់ (1)មានឈ្មោះទីគ្រៀម ភេទប្រុសមានអាយុ30ឆ្នាំ រស់នៅភូមិញីង ឃុំកូនសត្វ ស្រុកទឹកឈូ ខេត្តកំពត ជាតៃកុងទូក។(2)មានឈ្មោះវាតវី ភេទប្រុសអាយុ39ឆ្នាំ រស់នៅភូមិស្រេះ ស្រុកជុំគីរី ខេត្ដកំពត(3)ឈ្មោះវាតវឿន អាយុ30ឆ្នាំ រស់នៅភូមិស្រេះ ស្រុកជុំគីរី ខេត្តកំពត(4)ឈ្នោះឃីមអៀន អាយុ30ឆ្នាំ ភូមិស្រេះ ស្រុកជុំគីរី ខេត្តកំពត(5)យឹមនីង អាយុ35ឆ្នាំ ភូមិស្រេះ ស្រុកជុំគីរី ខេត្តកំពត អ្នកទាំង5អ្នកនេះជាកូនដៃទូក។
ចំណែកតៃកុងទូកនឹងកូនដៃទូក ពួកគេមិនប្រាប់ពីឈ្មោះថៅកែទូកទេ គេឆ្លើយថាគេទើបតែមក បានបួនប្រាំថ្ងៃទេ ពួកគេមិនស្គាល់ឈ្មោះទេ។
ចំណែកប្រជាពលរដ្ឋ នៅក្នុងឃុំជ្រោយស្វាយទាំងអស់បាននិយាយថា ទូកប្រភេទ មងហោះ នេះតែងតែនេសាទ លួចចូលមកក្នុងដែនសហគមន៍ ជាតំបន់ទឹករាក់ ហើយជាកន្លែង ដែលពួកគាត់ រកស៊ីនេសាទតូចតាចជាលក្ខណៈគ្រួសារ។
ពួកគាត់បានបន្តទៀតថា ទូកមងហោះនេះ តែងតែអូសចូល មងក្ដាម មងបង្គារ លបក្ដាមនឹងត្រី របស់ពួកគាត់ជារៀងរាល់យប់រាល់ថ្ងៃ។
ពួកតាត់បន្តថា ទូកគេហៅថាមងហោះនោះទូកគេធំៗណាស់ ហើយមានកម្លាំងម៉ាស៊ីន 360សេះឯនោះ
ឯមងរបស់គេវិញ ក្រឡាញឹកណាស់មិនបានក្រឡាមួយហ៊ុនផង។
ប្រជាពលរដ្ឋបាននិយាយថាទូកមងហោះនេះ ពេលសហគមន៍ជលផល ចុះទៅចាប់ទូកមិនងាយចាប់បានទេ ដោយសារទូកសហគមន៍ ទូកតូច ហើយពេលចាប់បានម្ដងៗ ពួកទូកមងហោះតែងតែប្រមូលហៅគ្នាមកដេញបុកទូកសហគមន៍។
ពួកគាត់បានបន្តថា អ្នកដែលទៅនេសាទក្នុងសមុទ្រនោះ គឹតតែក្នុងឃុំជ្រោយស្វាយ មានប្រជាពលរដ្ឋ ទៅនេសាទជាងពីររយនាក់ មានទៅដល់7ភូមិឯនោះ ពួកគាត់ត្រូវរងគ្រោះទាំងអស់គ្នា។
ចំណែកមេសហគមន៍ ឈ្មោះ នង លឹមហៀង អ្នកសារព័ត៍មានសុំការបំភ្លឺពីរឿងសហគមន៍ ចាប់ទូកនេសាទ ហៅថាមងហោះ គាត់ថាមិនអាចឆ្លើយបានទេ រង់ចាំគ្នាគាត់មក មេសហគមន៍ រូបនេះហាក់បីដូចលាក់លៀមព័ត៍មាន។
តាមសម្ដីពីប្រពលរដ្ឋបានប្រាប់អ្នកសារព័ត៍មានថា មេសហគមន៍នេះមិនដែលខ្វល់ ពីទុក្ខលំបាកប្រជាពលរដ្ឋទេ។
ចំណែក លោកឡាគីរីប្រធានមន្ទីផលផលខេត្តកោះកុង បានឆ្លើយប្រាប់តាមទូរសព្ទថា គាត់បានបញ្ជាឲ្យទៅចាប់ទូកនេសាទខុសច្បាប់ បន្ទាប់ពីប្រជាពលរដ្ឋនឹងសហគមន៍ បានរាយការណ៏ទៅរូបលោក។
តាមសម្ដីពីប្រជាពលរដ្ឋថា ម្ចាស់ទូកមងហោះនោះនៅស្ទឹងហាវ ក្រុងព្រះសីហនុ។
ទូកនេសាទនោះ យកមករក្សាទុកនៅរដ្ឋបាលជលផលស្រែអំបិល រង់ចាំម្ចាស់ទូកចូលខ្លួនមកដោះស្រាយតាមផ្លូវច្បាប់៕ ដោយយួនឈីវ
