ខេត្តមណ្ឌលគីរី៖ លោកវរះសេនីយ៍ឯក យិន ចន្ច័ទី មេវរះការពារព្រំដែនគោកលេខ103 ដឹកនាំកំលាំងក្រោមការបញ្ជាផ្ទាល់របស់ លោក ឡុង ហុកម៉េង ព្រះរាជអាជ្ញា អមសាលាតំបូងខេត្ត មណ្ឌលគីរី ចុះចាប់ឃាត់រថយន្ត ប្រកុងដឹកឈើធំៗ ចំនូន០២គ្រឿង. រួមទាំងមនុស្ស០៥នាក់ នៅថ្ងៃទី ២.ខែមករា.ឆ្នាំ២០១៧។
សមត្ថកិច្ចបានឲ្យដឹថា ក្នុងការឃាត់ចាប់រថយន្ដខាងលើនេះ គឺបានឃាត់តៃកុងរថយន្ថចំនួន០២នាក់ ព្រូ០៣នាក់ ដែលដឹកឈើគគី បំរុងដឹកចូលក្នុងឃ្លាំងក្រុមហ៊ុនយូនីគ្រីន ចំណុចជើងភ្នំក្រោល ស្ថិតនៅក្នុងស្រុកកោះញែក ខេត្តមណ្ឌលគីរី ខណៈរថយន្ដពីរគ្រឿងផ្សេងទៀត បានរត់គេចចូលព្រៃ ក្រោយពីដឹងថាកំលាំងសមត្ថកិច្ចចាប់ឃាត់រថយន្ដនៅខាងមុខ។
សកម្មភាពដឹកជញ្ជូនឈើយ៉ាងគគ្រឹកគគ្រេងបែបនេះហើយ បែជាមន្ត្រីក្នុងស្រុកកោះញែកស្ងៀមស្ងាត់ដូចចោរលួចសេះ បច្ចុប្បន្ន រថយន្ថនឹងមនុស្ស ត្រូវបានសមត្ថកិច្ចយកមករក្សាទុក នៅអធិការដ្ឋាននគបាលស្រុកកោះញែក។
ប្រភពពីប្រជាពលរដ្ឋបានបង្ហើបឲ្យដឹងថា រថយន្ដខាងលើនេះបានធ្វើការដឹកជញ្ជួន ឈើជាយូខែមកហើយ ដោយអ្នកគ្រប់គ្រងរថយន្តទាំងនេះ បាននិយាយថាដឹកឲ្យលោកឧកញ៉ាមួយរូប ហើយដឹកចេញពីចំណុចតំបន់ព្រៃចាស់ ជាប់ដីក្រុមហ៊ុនយួនីគ្រីន ហើយកាប់អារសុទ្ធតែប្រភេទឈើធំៗដូចជាឈើ គគី កកោះ ដែលមានមុខកាត់ធំៗ ព័ត៌មានបានបន្តថា ការដឹកជញ្ជួនឈើខាងលើនេះអស់រយៈពេលជាយូរខែមកហើយ តែគេពុំឃើញ ជំនាញចុះទៅបង្ក្រាបនោះឡើយ ទើបតែបែកធ្លាយពិត៌មានដល់ទៅ ព្រះរាជអាជ្ញាខេត្ត ទើបលោកព្រះរាជអាជ្ញាចេញបញ្ជារឲ្យចាប់ជាបន្ទាន់ ពីព្រោះមានការសង្ស័យថា ឈើទាំងនេះកាប់ពីក្រៅ ហើយដឹកចូលក្រុមហ៊ុនយូនីគ្រីននេះ គឺជាការឃុបឃិតពីសមត្ថកិច្ចនៅតំបន់នោះ ហើយអះអាងថាមានច្បា់ប់ត្រឹមត្រូវ ដើម្បីបំភ័ន្តភ្នែកថ្នាក់លើ។
សូមបញ្ជាក់ផងដែរថា រហូតមកទល់រសៀលម៉ោង៣ថ្ងៃ លោកព្រះរាជអាជ្ញាបានចុះឆែកឆេរក្រុមហ៊ុនយូនីគ្រីនហើយ តែចំណែកអ្នកសារព័ត៍មានមិនទាន់បានទទួលព័តមានថា ក្រុមហ៊ុននោះមានស្តុបឈើប៉ុន្មាន ហើយមានច្បាប់ឬយ៉ាងណានោះទេ? ពីព្រោះអ្នកយាមទ្វារក្រុមហ៊ុន បានទាញទ្វារបិតជិត មិនឲ្យអ្នកសារព័ត៍មានចូលជាដាច់ខាត។
ទន្ទឹមនោះ នៅថ្ងៃទី៩ ខែមករា មេធាវីតំណាងឲ្យឧកញ៉ា តុប វីរាដា បានចេញមុខធ្វើការអះអាងថា ឧកញ៉ា តុប វីរាដា មិនមានពាក់ពន្ធ័អ្វីជាមួយនឹង ក្រុមហ៊ុនយូនីគ្រីន នៅស្រុកកោះញែក ខេត្តមណ្ឌលគីរី តទៅទៀតនោះឡើយ នេះបើតាមការចេញផ្សាយរបស់ហ្រ្វេសញូ ចំណែកប្រជាពលរដ្ឋកំពុងឆ្ងល់ថា តើថៅកែក្រុមហ៊ុនយូនីគ្រីនជានណារ ដែលអាចបំផ្លាញព្រៃឈើ ឲ្យរលាយដូចផេះយ់ាងដូច្នេះ៕
