កំពង់ធំ៖ រថយន្តRAV4 ពាក់ស្លាកលេខភ្នំពេញ2P-84-41 បានជ្រុលចង្កូតទៅបុករថយន្តម៉ាកហ៊ីយ៉ាន់ដាយ ចំណុះ5តោន ពាក់ស្លាកលេខកំពង់ធំ3A-15-00 ដឹកគ្រឿងសំណង់ ពេញរថយន្តចតចោល លើចិញ្ចើមថ្នល់ ពីក្រោយ ដែកថ្នាំងអំពៅទៅបុកចំទ្រូងស្លាប់ម្នាក់ និងរងរបួស២នាក់។
ហេតុការណ៍គ្រោះថ្នាក់ចរាចរណ៍នេះ បានកើតឡើងនៅលើផ្លូវជាតិលេខ៦ វេលាម៉ោង៦:១៥នាទីព្រឹកថ្ងៃទី០៨ ខែមករាឆ្នាំ២០១៧ ក្នុងភូមិទួលដំណាក់ ឃុំចុងដូង ស្រុកបារាយណ៍ ខេត្តកំពង់ធំ ។
សាក្សីនៅកន្លែងកើតហេតុបានឱ្យដឹងថា៖ រថយន្តហ៊ីយ៉ាន់ដាយ ចតលើចិញ្ចើមថ្នល់ទំនងខូចឬឈប់
សំរាកមួយសន្ទុះហើយ ស្រាប់តែឃើញ រថយន្តម៉ាកRAV4 បើកចេញពីត្បូងទៅជើង ទិសដៅស្របទិសគ្នា ក្នុងល្បឿនយ៉ាងលឿន ជ្រុលចង្កូតទៅបុករថយន្តដឹកគ្រឿងសំណង់ពីក្រោយ ពេញទំហ៊ឹងបណ្តាលអោយដែកថ្នាំង អំពៅបុកមុតធ្លាយមកក្រោមដើមដោះខាងស្តាំចំនួន3 ដើម បណ្តាលឲ្យស្លាប់ភ្លាមៗគួរឱ្យអាណោចអធ័ម តៃកុងរថយន្ត ត្រូវជាឪពុកមាបង្កើត និងម្នាក់ទៀតត្រូវជាម្តាយបង្កើត នៃជនរងគ្រោះមានរបួសបន្តិច ។
លោក សន តាល់ អធិការងនៃអធិការដ្នាននគរបាលស្រុកបារាយណ៍ ផ្នែកចរាចរណ៍បានឲ្យដឹងថា៖ ជនរងគ្រោះស្លាប់មានឈ្មោះ ទី សៀងហុក ភេទប្រុស អាយុ24ឆ្នាំ ទីលំនៅក្រុងភ្នំពេញ នាក់រួមដំណើរ តៃកុងរថយន្ត ឈ្មោះ ឡុង ប៉ូឡែន ភេទប្រុស អាយុ36ឆ្នាំ ទីលំនៅ ក្រុងភ្នំពេញដូចគ្នា ចំណែកឯ តៃកុងរថយន្តដឹកគ្រឿងសំណង់គេចខ្លួនបាត់ស្រមោល។
បច្ចុប្បន្នទាំងរថយន្តជនរងគ្រោះនិងរថយន្តដឹកគ្រឿងសំណង់ នគរបាលចរាចរណ៍ស្រុកបារាយណ៍ អូសទៅរក្សាទុកដើម្បីរងចាំការដោះស្រាយ។
រីឯសាកសពជនរងគ្រោះ ត្រូវបងប្អូនឪពុកម្តាយយកទៅធ្វើបុណ្យតាមប្រពៃណី៕
