កោះកុង ៖ នៅព្រឹកថ្ងៃទី6 ខែមករា ឆ្នាំ 2017 មានរៀបចំពិធីសម្ភោធ តំបន់ចាប់ផ្ដើមកិច្ចសហប្រតិបត្ដិការសមត្ថភាពផលិតកម្មកម្ពជា ចិន នៅចំណុចភូមិព្រែកខ្យង ឃុំតានូន ស្រុកបូទុមសាគរ ខេត្តកោះកុង។
ចូលរួមជាអធិបតីមាន ឯកឧត្ដម ប៊ុន លើត អភិបាលខេត្តកោះកុង នឹងអភិបាលរងខេត្ត លោក ស៊ុន ដារា លោកអភិបាលស្រុកបូទុមសាគរ លោក អន ភារៈ នឹងលោកអភិបាលស្រុកគីរីសាគរ លោក ឃឹម ច័ន្ទឌី។
នៅក្នុងពីធីសម្ភោធ តំបន់ចាប់ផ្ដើមកិច្ចសហប្រតិបត្ដិការសមត្ថភាពផលិតកម្ម កម្ពុជា ចិន ភាគីចិនមាន
លោក លីតាវ ប្រធានក្រុមប្រឹក្សាភិបាល នៃក្រុមប្រឹក្សាភិបាល ក្រុមហ៊ុនញូញៀនគ្រុបលោក តាវ ចាំងចៀង ប្រធានគណៈកម្មការគ្រប់គ្រង តំបន់អភិវឌ្ឍន៍ វិស័យបច្ចេកទេសថ្មីជាន់ខ្ពស់ថៃអាន។
នៅក្នុងឱកាសនោះ ឯកឧត្ដម ប៊ុន លើត បានមានប្រសាសន៏ថា ក្នុងនាមជាអាជ្ញាធរខេត្តកោះកុង នឹងក្នុងនាមខ្លួនខ្ញុំផ្ទាល់ ខ្ញុំពិតជាមានសេចក្ដីរីករាយយ៉ាងខ្លាំង ដោយបានចូលរួមជាអធិបតី ក្នុងពិធីសម្ភោធ តំបន់ចាប់ផ្ដើមកិច្ចសហប្រតិបត្ដិការសមត្ថភាពផលិតកម្ម កម្ពុជា ចិន។ខ្ញុំសូមអបអរសាទរយ៉ាងខ្លាំង ចំពោះភាពជោគជ័យ របស់ក្រុមហ៊ុនញូញៀនគ្រុប ក្នុងការអនុវត្តគម្រោងវិយោគ កន្លងមក ស្របតាមផែនការដែលបានគ្រោងទុកជាពិសេសយើងនឹងប្រារព្ធពិធីសម្ភោធ តំបន់ចាប់ផ្ដើមកិច្ចសហប្រតិបត្តិការសមត្ថភាព ផលិតកម្ម កម្ពុជា ចិនដែលមានភស្ដុតាងថ្មីមួយទៀត បញ្ជាក់ពីភាពជោគជ័យ ដ៍ធំធេងរបស់ក្រុមហ៊ុនញូញៀនគ្រុប។
ឯកឧត្តម ប៊ុន លើត បន្តថា ខ្ញុំសូមស្វាគមន៍ នឹងថ្លែងអំណរគុណយ៉ាងជ្រាលជ្រៅ ចំពោះលោកប្រធានគណៈគ្រប់គ្រង តំបន់អភិវឌ្ឍន៍ វិស័យបច្ចេកទេសជាន់ខ្ពស់ថៃអាន ដែលបានសម្រេចចិត្តដាក់ទុនវិនិយោគ រូមគ្នាជាមួយក្រុមហ៊ុនញូញៀនគ្រុប ដែលជាប្រការមួយបញ្ជាក់ថា បានឈានទៅដល់ដំណាក់កាល នៃកិច្ចសហការអភិឌ្ឍន៍គ្រប់ជ្រុងជ្រោយ។
រាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន នាយករដ្ឋមន្ត្រី ជាប្រមុខដឹកនាំដ៍ឈ្លាសវៃ
បានដឹកនាំប្រទេសលើផ្លូវត្រូវ ដោយរក្សាបាននូវស្ថេរភាពនយោបាយ មានសុខសន្តិភាពពេញលេញ ទូទាំងផ្ទៃប្រទេសកម្ពុជា បានប្រកាន់យកការអភិវឌ្ឍន៍សេដ្ឋកិច្ច បើកចំហជើងមេឃ ដោយទទួលបានការសហការ
នឹងដាក់ទុនវិនិយោគយ៉ាងច្រើន ពីបណ្ដាប្រទេសអភិវឌ្ឍន៍នានា នឹងក្រុមហ៊ុនធំៗជាច្រើនលើពិភពលោក។
ដោយឡែកជាក់ស្ដែង នៅខេត្តកោះកុង ក៍មានក្រុមហ៊ុនចិនជាច្រើនមកធ្វើការវិនិយោគ ដូចជាក្រុមហ៊ុនវារី
អគ្គិសនី (ទាំងបី) រូមមានគីរីរម្យ៣ តាតៃ នឹងឬស្សីជ្រុំក្រោម នឹងក្រុមហ៊ុនញូញៀនគ្រុបនេះផងដែរ។
លោក លីតាវ ប្រធានក្រុមប្រឹក្សាភិបាលក្រុមហ៊ុនញូញៀនគ្រុបបានថ្លែងក្នុងពិធីសម្ភោធតំបន់ចាប់ផ្ដើមកិច្ចសហប្រតិបត្ដិការសមត្ថភាពផលិតកម្មកម្ពុជា ចិនថា នេះជាគម្រោងដ៍ធំនៃខ្សែក្រវាត់មួយផ្លូវមួយ ពីទីក្រុងថៃអានខេត្តសានដុង ប្រទេសចិន។
លោក លីតាវ ប្រធានក្រុមប្រឹក្សាភិបាលក្រុមហ៊ុនញូញៀន បានបន្តថា មិនអាចឃ្លាតឆ្ងាយពីការគាំទ្រ របស់រដ្ឋាភិបាលកម្ពុជាគ្រប់ជាន់ថ្នាក់ នឹងកិច្ចខិតខំប្រឹងប្រែងពីបុគ្គលិកក្រុមហ៊ុន ហើយក៍មិនអាចឃ្លាតឆ្ងាយ
ពីកិច្ចសហប្រតិបត្តិការ ដោយស្មោះត្រង់របស់ក្រុមហ៊ុនជាដៃគូរផងដែរ៕ ដោយ យួន ឈីវ
