ខេត្តពោធិសាត់៖ កម្លាំងមន្ត្រីP.Mផ្ទៃប្រទេស សហការជាមួយកម្លាំងចម្រុះខេត្ត មានលក្ខណះទ្រង់ទ្រាយធំ បានប្រើធម៌ក្តៅចំពោះបទល្មើសព្រៃឈើ ក្នុងដែនជម្រកសត្វព្រៃឳរ៉ាល់ ស្រុកក្រវាញ ចាប់ពីថ្ងៃទី២៨ ខែធ្នូ ឆ្នាំ២០១៦មកដល់ថ្ងៃទី៥ ខែមករាឆ្នាំ២០១៧នេះ រកឃើញឈើប្រណិតជាង១០០ម៉ែតគីប។
យោងតាមប្រភពបានឲ្យដឹងថា រយះពេលបីថ្ងៃចុងក្រោយនេះកម្លាំងP.Mផ្ទៃប្រទេស បានចូលរុករកក្នុងដែនជម្រក ប្រទះឃើញឈើប្រណិត ដែលក្រុមឈ្មួញលួចលាក់ក្នុងព្រៃ បានជាបន្តបន្ទាប់ រហូតដល់ចំណុចវាលស្រែតាសៃ និងចំណុចអំពិល ស្ថិតក្នុងឃុំសន្ទែ ស្រុកក្រវាញ បានជួបកន្លែងស្តុបឈើធំមានឈើប្រណិតជាង១០០ម៉ែត្រគីប ដែលកន្លងមកគេមិនដែលឃើញមន្ត្រីបរិស្ថានបង្ក្រាបបានច្រើនដូច្នេះនោះទេ ។
ប្រភពដដែលបានបន្តថា កន្លែងស្តុបឈើនៅចំណុចខាងលើ
គឺជាកន្លែងហាមឃាត់ ប្រជាពលរដ្ឋឬសម្ថកិច្ចគ្មានតួនាទីមិនអាចចូលបានឡើយ។យូរឆ្នាំមកហើយ គេឃើញមន្ត្រីបរិស្ថានដែលដឹកនាំដោយលោក ប៉ាន់ ម៉ូកុដ ប្រធានមន្ទីបរិស្ថានខេត្តពោធិសាត់ ធ្លាប់់ធ្វើការបង្ក្រាបបានតិចតួចបំផុត នាពេលកន្លងមកបើប្រៀបធៀបក្នុងការបង្ក្រាបលើកនេះ។
មជ្ឈដ្ឋានប្រជាពលរដ្ឋបានចោទសួថា លោក ប៉ាន មក្កុដប្រធានមន្ទីបរិស្ថានខេត្តពោធ៌សាត់បានធ្វើអ្វីខ្លះ បានជាបទល្មើសព្រៃឈើក្នុងដែនជម្រកកើតច្រើនយ៉ាងនេះ?? តើឯកឧត្តម សាយ សំអាល់ គិតយ៉ាងណាចំពោះមន្ត្រីគ្មានសមត្ថភាពបែបនេះ? ។
ពាក់ពន្ធ័ករណីខាងលើនេះ លោកប៉ាន់ ម៉ូកុដ បានប្រាប់ថានៅវេលាម៉ោង៣.២០នាទីថ្ងៃទី៥មករាឆ្នាំ២០១៧នេះ កម្លាំងចម្រុះរបស់ខេត្តសហការ ជាមួយP.Mផ្ទៃប្រទេស មានលក្ខណះទ្រង់ទ្រាយធំ ទើបអាចបង្ក្រាបទទួលបានឈើប្រណិតច្រើនបែបនេះ លោកបានបញ្ជាក់បន្ថែមថា នាពេលកន្លងមក កម្លាំងរបស់លោកក៏បានខំប្រឹងការពារ និងបានបង្ក្រាបជាច្រើនករណីផងដែរហ្នឹង បានយកឈើដែលបង្ក្រាបបាន ដាក់ដេញថ្លៃ យកលុយចូលរដ្ឋក៏បានច្រើនផងដែរ៕
