Real គ្រោងដាក់ដេញថ្លៃ ទិញយក Dele Alli ពី Spur
កីឡា ៖ ក្លិបមាន់ខ្នាយមាស Tottenham Hotspur បានគេរាយការណ៍ថា មិនបានពិចារណាក្នុងជម្រើសនៃការលក់ Dele Alli ចំពេលដែលមានពាក្យចចាមអារ៉ាមថា ក្លិបយក្សស Real Madrid កំពុងតែមានការចាប់អារម្មណ៍ទៅលើកីឡារូបនេះ ដែលនៅរដូវក្តៅនេះ។
កីឡាករវ័យ ២០ ឆ្នាំរូបនេះបានក្លាយជាសមាជិកសំខាន់របស់លោក Mauricio Pochettino ចាប់តាំងពីការផ្លាស់ប្តូរពីក្រុម MK Dons ក្នុងឆ្នាំ ២០១៥ និងស៊ុតបញ្ចូលទីបាន ២០ គ្រាប់ និងបោះបាល់ឲ្យដៃគួស៊ុតបញ្ចូលទី១០លើក នៅក្នុងក្របខ័ណ្ឌ Premier League ។ចំណែកនៅរដូវកាលនេះ Alli បានស៊ុតបាល់បញ្ចូលទីចំនួន៩គ្រាប់តែម្នាក់ឯង រួមទាំងពេលយកឈ្នះលើក្រុម Watford ៤-១ នៅកីឡាដ្ឋាន vicarage ក្នុងថ្ងៃចូលឆ្នាំថ្មីផងដែរ។
យោងតាម Sky Sports News ដែលចេញផ្សាយនៅសប្តាហ៍នេះបានឲ្យដឹងថា ក្រុមយក្សអេស្ប៉ាញ Real Madrid បានមានឆន្ទៈក្នុងផ្តល់ជូនតម្លៃមួយយ៉ាងសមរម្យ ដើម្បីចុះហត្ថលេខានាំយក Alli ប៉ុន្តែ គ្រូបង្វឹករបស់ Spurs លោក Mauricio Pochettino ធ្លាប់បានសារភាពហើយថា Alli មានតម្លៃខ្លួនយ៉ាងហោចណាស់ ៥០លានផោន ហើយលោកបាននិយាយថា ខ្សែបម្រើវ័យ២០ឆ្នាំរូបនេះមានសមត្ថភាពលេងល្អ ដូចជាកីឡាករឆ្នើមដទៃទៀត នៅតំបន់អឺរ៉ុបក្នុងរយ:ពេល១០ឆ្នាំតទៅមុខទៀត។
គួរបញ្ជាក់ថា កីឡាករដែលឈ្នះពាន PFA Young Player of the Year កាលពីរដូវកាលមុនរូបនេះ បានចុះកិច្ចសន្យាជាមួយក្រុមមាន់ខ្នាយមាស រហូតដល់ឆ្នាំ ២០២២ ឯណោះ៕
