ខេត្តកោះកុង៖ ប្រជាពលរដ្ឋជាងមួយរយនាក់ មកពីឃុំ ភ្ញីមាស នឹងឃុំ កោះស្ដេច ក្នុងស្រុក គីរីសាគរខេត្តកោះកុង បាននាំគ្នាមកបឹទផ្លូវហាយវ៉េសាយភូថង នៅចំណុចកូនកុក ដែលជាផ្លូវហាយវ៉េ ពីស្រុកគីរីសាគរចេញទៅផ្លូវជាតិលេខ៤៨ ដើម្បីតវ៉ាពីរឿង សន្តិសុខក្រុមហ៊ុនញូញៀនចំនួន៥នាក់ ធ្វើបាបគាបសង្កត់ បានទៅចាប់យកម៉ាស៊ីនត្រង់សេន័ររបស់ពួកគាត់បីគ្រឿង ហើយ ដុតអត្តសញ្ញាណប័ណ្ណរបស់ពួកគាត់អស់បួននាក់ទៀត ដោយចោទថាពួកគាត់ចូលកាប់ឈើក្នុងដីព្រៃសម្បទានរបស់ក្រុមហ៊ុនញូញៀន។
ប្រជាពលរដ្ឋបាននិយាយថា អ្នកដែលដុតអត្តសញ្ញាណប័ណ្ណ នឹងដុតចានឆ្នាំងរបស់ពួកគាត់អស់ទៀត នោះ មានឈ្មោះគឹមលេង ហើយមានបក្សពួកបួននាក់ទៀត ប្រជាពលរដ្ឋបាននិយាយទៀតថា ពួកគាត់បានទូរសព្ទ ទៅ ឈ្មោះគឹងលេង ណាត់គ្នាជួប ប៉ុន្តែ ឈ្មោះគឹងលេងនោះ មិនមកជួបពួកគាត់ទេ ទើបពួកគាត់សំរេចធ្វើការតវ៉ា ឈានទៅដល់បឹទផ្លូវ ដើម្បីឲ្យឈ្មោះគឹមលេងនោះ ចេញមកដោះស្រាយ សងអត្តសញ្ញាប័ណ្ណឲ្យគាត់វិញ នឹងសងម៉ាស៊ីនត្រង់សេន័រឲ្យគាត់វិញ តែពួកទាំងនោះ មិនព្រមមកជួបទេ ទើបឈានទៅបឹទផ្លូវ។
ប្រជាពលរដ្ឋបន្តថា ពួកគាត់អារឈើនោះ អារនៅក្នុងដីរបស់ពួកគាត់ទេ ដីដែលពួកគាត់ធ្វើ គឺរដ្ឋាភិបាលចែកដី ឲ្យពួកគាត់ ពីព្រោះគាត់ឡើងមកមិនមានដីស្រែចំកាធ្វើទេ។
នៅក្នុងនោះផងដែរ មានឯកឧត្តមមូយរូបដែលមកពីភ្នំពេញ បានធ្វើដំណើរឆ្លងកាត់តាមផ្លូវនោះ ហើយបាន មកសម្របសំរួលរកវិធីដោះស្រាយ ទើបពួកគាត់ស្ងប់អារម្មណ៏ ហើយឯកឧត្ដមនិយាយថា សូមបងប្អូនកុំប្រើអំពើហឹង្សា ហើយកុំនាំគ្នាមកបឹទផ្លូវ បើមានរឿង បងប្អូនដាក់ពាក្យបណ្ដឹងទៅអាជ្ងាធរស្រុកទៅទើបជាការល្អ។
នៅក្នុងនោះផងដែរ ក៍មានលោកអភិបាលស្រុក លោក ឃឹម ចាន់ឌី បានមកធានាអាះអាងចំពោះមុខប្រជាពលរដ្ឋថា សងម៉ានស៊ីន ជូនពួកគាត់វិញ នឹងសងអត្តសញ្ញាណប័ណ្ណវិញ ទើបពួកគាត់ស្ងប់ចិត្តក៍ដកថយវិញទៅ៕
