ខេត្តកោះកុង៖ ថៅកែដេប៉ូលក់ស្រាបៀរដ៍ធំ ប្រចាំនៅក្នុងស្រុកស្រែអំបិល ខេត្តកោះកុង ឈ្មោះ គី តាន់ កំពុងបំផ្លាញ ទ្រព្យសម្បត្តិជាតិ យ៉ាងធ្ងន់ធ្ងរ ចំណែកចៅហ្វាយខេត្តកោះកុង
លោក ប៊ុន លើត មិនហ៊ានក្អកទេ ពីព្រោះខ្លាចអំណាច ម្ចាស់ដេប៉ូស្រាបៀរខាងលើ បណ្តោយឲ្យកាយយកដីភ្នំលក់ ខុសនិងច្បាប់ ដែលចែងថា ភ្នំគឺជាសម្បត្តិជាតិ ពុំអាចអ្នកណា រំលោភយកបានឡើយ។
តាមសម្ដីពីប្រជាពលរដ្ឋ បាននិយាយថា ម្ចាស់ដេប៉ូស្រាបៀរ ឈ្មោះគី តាន់ មានខ្សែខ្នងធំណាស់ ទើបអាជ្ញាធរ ពាក់ពន្ធ័នៅក្នុងស្រុក មិនហ៊ានប៉ះ កុំថាឡើយត្រឹមចៅហ្វាយស្រុកស្រែអំបិល លោក ទួន សីលា សូម្បីតែ ចៅហ្វាយខេត្តកោះកុង ក៏មិនហ៊ានក្អកផង
ពីព្រោះថាឈ្មោះ គី តាន់ នេះ មានកូនប្រសារនៅអាមេរិក ជាអ្នកមានលុយមានអំណាចទៀតផង ទើបឈ្មោះគី តាន់ ហ៊ានកាយដីភ្នំដែលជារបស់រដ្ឋ។
ប្រជាពលរដ្ឋបានរិះគន់ ទៅលើអាជ្ញាធរយ៉ាងធ្ងន់ធ្ងរថា គេកាយដីភ្នំអស់យ៉ាងនោះហើយ មិនដែលឃើញ ថ្នាក់ស្រុក ថ្នាក់ខេត្ត ចុះមកអើតមើលទេ ជាពិសេសគី ប្រធានមន្ទីបរិស្ថានខេត្តកោះកុង លោក ម៉ម ផល្លា មិនដែលយកត្រចៀកស្ដាប់ ភ្នែកមើលទេ គេចេញផ្សាយតាមទូរទស្សន៍នឹង ចេញតាមវេបសាយនឹងហ្វេសបុក ព្រោងព្រាត ម៉ិចមិនយកភ្នែកមើល។
តាមសម្ដីពីមន្រ្តីនៅក្នុងស្រុកពីរនាក់ សូមមិនបញ្ចេញឈ្មោះ បាននិយាយប្រាប់អ្នកសារព័ត៍មានថា ដីភ្នំ នេះចាប់ទាំងពីឆ្នាំ 1979 មក មិនដែលអ្នកណាហ៊ានកាប់ឈើ ឬកាយដីភ្នំនេះទេ បើគឹតទៅ ចៅហ្វាយស្រុកនៅស្រុកស្រែអំបិលនេះ 5ជំនាន់ចៅហ្វាយស្រុកមកហើយ មិនដែលអ្នកណាហ៊ានកាយដីភ្នំចំណុចនេះទេ គេរក្សាបានល្អណាស់ ពួកគាត់បាននិយាយបន្តទៀតថា ចៅហ្វាយខេត្តកោះកុង លោក ប៊ុន លើត អាណត្តិមុន គាត់ធ្វើជាចៅហ្វាយស្រុក នៅស្រុកស្រែអំបិលនេះដែរ មិនដែលអ្នកណាហ៊ានកាយដីភ្នំទេ ទើបតែលោក ទួន សីលា មេស្រុកឡើងថ្មី នឹងមេបរិស្ថានស្រុក លោក ម៉េង តិច ឡើងថ្មី និងលោក អ៊ូ សុភី ប្រធានរ៉ែថាមពលស្រុកឡើងថ្មី នឹងមេឃុំ ដាក់ ស៊ុនលី កាន់តំណែងមក រលាយដីភ្នំនឹងដីព្រៃលិចទឹកអស់។
តាមសម្ដីពីប្រជាពលរដ្ឋ បាននិយាយថានៅថ្ងៃទី 28,12,2016 ថ្មីៗនេះគេបានឃើញ លោកអភិបាលខេត្ត លោក ប៊ុន លើត បានមកមើលដីភ្នំនេះដែរ តែហាក់បីដូចជាមិនមានចំណាត់ការ ចំពោះលោក គី តាន់ ដែលជាអ្នករំលោភ កាយយកដីភ្នំនេះសោះ។
ការឃុបឃិតគ្នារវាងអ្នកមានលុយនឹងអាជ្ញាធរ នៅតែបន្តកើតមានឡើង នៅគ្រប់ទីកន្លែងមិនថយចុះទេ អ្នកទាំងអស់នោះដឹងតែ ផលប្រយោជន៍ខ្លួន មិនគឹតដល់សម្បត្តិជាតិទៅអនាគតទេ ឲ្យតែបានលុយដាក់ហោប៉ៅ មានឡានថ្មី ផ្ទះវិឡាថ្មី គឺគេសប្បាយចិត្ត ហើយចង់ រលាយដីភ្នំព្រៃឈើក៏ពួកគេមិនខ្វល់ដែរ ហើយប្រជាពលរដ្ឋរិះគន់ទៀតថាលោក ទួន សីលា អភិបាលស្រុក ស្រែអំបិល ប្រហែលស្រវឹងស្រាបៀរ ហាងគី តាន់ ទើបងងឹតមុខ មើលមិនឃើញ គេកាយដីភ្នំអស់រលីង។
ប្រជាពលរដ្ឋបានបន្តទៀតថាពួកគាត់
សព្វថ្ងៃអស់ជំនឿ លើអាជ្ញាធរថ្នាក់ស្រុកហើយ បើនៅយ៉ាងនេះពួកគាត់មិនដឹងទៅសង្ឃឹមអ្នកណាទេ មានតែសម្ដេចតេជោ ហ៊ុន សែន ទេ ទើបអាចចាត់ការមន្រ្តីខិលខូច ដែលឆ្លៀតឱកាសកេងចំណេញពីរដ្ឋ ពីព្រោះសម្តេចបានព្រមានថា មន្ត្រីណាមិនគិតគូរពីរាស្រ្ត និងត្រូវបណ្តាសារបស់រាស្ត្រ។ (ដោយយួនឈីវ)
