ខេត្តកោះកុង ៖ អាជ្ញាធរស្រុកស្រែអំបិលត្រូវបានរងការចោទប្រកាន់ ពីសំណាក់ប្រជាពលរដ្ឋយ៉ាងខ្លាំងថា លោក មេឃុំ ដាក់ ស៊ុនលី នឹងលោកអភិបាលស្រុកស្រែអំបិល លោក ទួន សីលា នឹងលោក អ៊ូ សុភី ប្រធានរ៉ែថាមពលស្រុក បានឃុបឃិតគ្នាជាប្រព័ន្ធ បណ្តោយឲ្យអ្នកមានលុយមានអំណាច កាយដីភ្នំ ដែលជាសម្បត្តិរបស់រដ្ឋ ដោយពុំមានវិធានការណ៏ទប់ស្កាត់នោះឡើយ។ឈ្មួញអ្នកកាយដីភ្នំនោះមានឈ្មោះ គី តាន់ ជាថៅកែដេប៉ូចែកចាយស្រាបៀរ ប្រចាំនៅក្នុងស្រុកស្រែអំបិលតែម្ដង។
យោងតាមសម្ដីពីប្រជាពលរដ្ឋបាននិយាយថា កន្លងមកមានគេកាយដីភ្នំនៅជិតនោះដែរ ហើយមិនដែលឃើញ អជ្ញាធរណាមកអើតមើលទេ ឲ្យតែពួកឈ្មួញមានលុយមានអំណាច អាចកាយដីភ្នំដែលច្បាប់ហាមឃាត់ ធ្វើតាមចិត្តមិនគិតផលប្រយោជន៍ជាតិទេ។
ប្រជាពលរដ្ឋបានបន្តទៀតថា ពួកគាត់បានឃើញអាជ្ញាធរដែលពាក់ពន្ធ័ទាំងអស់នោះ ជិះឡានតាមផ្លូវ ជិតកន្លែងគេកាយដីភ្នំនោះដែរ ប៉ុន្តែមិនដែលយកភ្នែកមើលទេ ប្រហែលត្រូវថ្នាំសណ្តំ របស់ឈ្មួញកាយភ្នំខុសច្បាប់ឈ្មោះ គី តាន់ អស់ហើយ។
សូមបញ្ជាក់ថា ភ្នំដែលគេកាយដីនោះ នៅជិតផ្លូវប្រហែល50ម៉ែត្រ ភ្នំនេះនៅក្រោយផ្ទះរបស់ប្រជាពលរដ្ឋតែម្ដង ភ្នំនេះចាប់តាំងពីឆ្នាំ 1979 មក មិនដែលអ្នកណាហ៊ានកាយដីភ្នំនេះទេ ទើបតែចុងឆ្នាំ 2016ថ្មីៗនេះ ទើបឃើញគេកាយដីភ្នំនេះ។ប្រជាពលរដ្ឋនិយាយទៀតថាបើនៅតែកាយដីភ្នំនេះទៀត មុខជាបាក់ដីធ្លាក់មកលើផ្ទះរបស់ពួកគាត់ជាមិនខាន ជាពិសេសនោះ ដើមឈើធំៗនៅលើភ្នំ ក៍បាក់ធ្លាក់មកដែរ សព្វថ្ងៃពួកគាត់ភ័យបារម្មណ៏ណាស់ ពីរឿងដើមឈើបាក់ធ្លាក់មក បង្ករគ្រោះថ្នាក់ដល់ពួកគាត់ជាពិសេសកូនក្មេង។
ពួកគាត់បន្តទៀតថា អាជ្ញាធរ អាណត្តិមុនៗខំរក្សាដីភ្នំនេះបានល្អណាស់ តែចៅហ្វាយស្រុកទើបឡើងថ្មី ឈ្មោះ ទួន សីលា រួមនឹងមេឃុំ ដាក់ ស៊ុនលី បែរជានាំគ្នាបំផ្លាញទ្រពសម្បត្តិរបស់ជាតិអស់ទៅវិញ។
ប្រជាពលរដ្ឋ នឹងមន្រ្តីក្នុងស្រុកស្រែអំបិលតែម្ដងបាននិយាយថា លោកចៅហ្វាយស្រុក មិនគួរបើកដៃ ឲ្យអ្នករកស៊ីកាយដីភ្នំអាចជីកដីពេញភ្នំទេ ពីព្រោះភ្នំនេះនៅជិតផ្ទះប្រជាពលរដ្ឋ បើនៅតែឃុបឃិតគ្នាដើម្បី ផលប្រយោជន៍ខ្លួនឯង មុខជារលាយភ្នំទាំងមូលអស់ហើយ។
ចំណែចៅហ្វាយស្រុក ទួន សីលា អ្នកសារព័ត៍មានបានទូរសព្ទ័ទៅសួរ ពីរឿងគេកាយដីភ្នំនេះ គាត់បាននិយាយតាមទូរសព្ទ័ថា ចាំឲ្យគេទៅមើលហើយ ក៍បឹទទូរសព្ទ័ទៅ។
ចំណែកលោក ម៉េង តិច ជាប្រធានការិយាល័យបរិស្ថានស្រុកស្រែអំបិល ហើយត្រូវ ជាអនុប្រធានមន្ទីបរិស្ថានខេត្តកោះកុង បាននិយាយតាមទូរសព្ទ័ថា រឿងកាយដីភ្នំនោះម្ចាស់ដីបានទូរសព្ទ័ មកប្រាប់គាត់ដែរ តែគាត់មិនឲ្យកាយដីភ្នំនោះចូលទៅជ្រៅពេកទេ ហើយគាត់បន្តថាចាំឲ្យកូនចៅគាត់ទៅមើល។
ចំណែក លោក អ៊ូ សុភី ប្រធានការិយាល័យរ៉ែថាមពលស្រុកស្រែអំបិល អ្នកសារព័ត៍មានបានសួរពីរឿងកាយដីភ្នំនេះ គាត់ថាអត់ដឹងទេ ហើយក៍បឹទទូរសព្ទ័បាត់ទៅ។
ការឃុបឃិតគ្នារវាងអ្នករកស៊ីដឹកដី នឹងអាជ្ញាធរនឹងខាងជំនាញពាក់ពន្ធ័ បំផ្លាញដីភ្នំ គឺជាអំពើពុករលួយយ៉ាងធ្ងន់ធ្ងរ ឲ្យតែបានលុយចូលហោប៉ៅ មិនគិតដល់ផលប្រយោជន៍ជាតិនឹងសង្គមទេ។
ប្រជាពលរដ្ឋសំណូមពរ សុំឲ្យលោកអភិបាលខេត្តកោះកុង ប៊ុន លើត យកចៅហ្វាយស្រុកស្រែអំបិល ទួន សីលា នឹងជំនាញពាក់ពន្ធ័ យកទៅដុសក្អែលខាត់ចេញម្ដងហើយ បើមិនអញ្ជឹងទេ គណបក្សប្រជាជនកម្ពុជា មុខជាបាត់បង់សន្លឹកត្នោតគាំទ្រ ដោយសារមានមន្ត្រីខិលខូច ធ្វើឲ្យប្រជាពលរដ្ឋអស់ជំនឿហើយ។
កន្លងមក សម្ដេចតេជោហ៊ុនសែន បានព្រមានទៅលើមន្រ្តីជើងដប់ខិលខូចណា ដែលបានឃុបឃិតគ្នា ធ្វើឲ្យបាត់បង់ផលប្រយោជន៍របស់រដ្ឋ ត្រូវតែដកចេញតែម្ដង ទុកឲ្យគេធ្វើម្ដង ។(ដោយយួនឈីវ)
