ខេត្តក្រចេះ៖ករណីអំពើហឹង្សាក្នុងគ្រួសារមួយ ដោយកូនតិរិច្ឆានបានកាប់ឪពុកបង្កើត មួយកាំបិតតាំងតោ កើតឡើងនៅចំណុចភូមិ ស្រែទ្រៀក ឃុំដំរីផុង ស្រុកឆ្លូង ខេត្តក្រចេះ បណ្តាលឲ្យស្លាប់ ក្រោយពេលបញ្ជូនទៅសង្រ្គោះនៅមន្ទីពេទ្យបង្អែកស្រុកឆ្លូង ។
ហេតុការណ៍នេះ កើតឡើងនៅថ្ងៃទី 23/12/2016 វេលាម៉ោងប្រមាណ14:30 នាទី
ជនរងគ្រោះឈ្មោះ ស៊ុន ប៊ុនលាង ភេទប្រុស អាយុ 58ឆ្នាំ ជនជាតិខ្មែរ
មានទីលំនៅភូមិជើងឡង សង្កាត់សួង ក្រុងសួង ខេត្តត្បូងឃ្មុំ បច្ចុប្បន្នមកស្នាក់នៅលក់ដូរ និងធ្វើចំការ នៅចំណុចភូមិកើតហេតុខាងលើ។
ចំណែក ជនល្មើសឈ្មោះស៊ុនសុធារ៉ា ភេទប្រុសអាយុ24ឆ្នាំ រស់នៅក្នុងបន្ទុកគ្រួសារជាមួយគ្នា យកកាំប៉ិតតាំងតោកាប់ចំនួន1កាំបិត ត្រូវចំពាក់កណ្តាលដើមទ្រូង បណ្តាលឲ្យរយះប្រវែង 0,8 សង់ទីម៉ែត្រ ខណៈជនរងគ្រោះកំពុងដេកថ្ងៃនៅក្នុងផ្ទះ។
ក្រោយពេលធ្វើសកម្មភាពជនល្មើស ត្រូវបានកម្លាំងប៉ុស្តិ៍នគរបាលរដ្ឋបាលឃុំដំរីផុង ធ្វើការចាប់ឃាត់ខ្លួន បញ្ជូនមកអធិការដ្ឋាននគរបាលស្រុកឆ្លូង ដើម្បីធ្វើការសាកសួរ។
តាមប្រភពព័តមានឲ្យដឹងថា ជនល្មើសខឹងនិងឪពុក ដែលបានស្តីបន្ទោសរឿងមិនស្តាប់ដំបូន្មាន និងយកម៉ាស៊ីនបូមទឹកទៅលក់ចាយខ្ទេច ទើបកើតគំនុំ លបកាប់ឪពុករហូតដល់ស្លាប់ ចំជាកូនតិរិច្ឆានមែន ៕ដោយ បញ្ញរាជ
