ភ្នំពេញ ៖ មន្ត្រីជាន់ខ្ពស់ CPP ថ្លែងថា មកដល់ពេលនេះ ពុំទាន់មានគម្រោងសម្រាប់ការជួបគ្នារវាងមេដឹកនាំក្រុមតំណាងរាស្ត្រ គណបក្សប្រជាជនកម្ពុជា និងគណបក្សសង្គ្រោះជាតិនោះទេ។
លោក ឈាង វុន អ្នកនាំពាក្យ CPP បានបញ្ជាក់ថា មិនមានការជួបគ្នាទេ រវាងប្រធានក្រុមថ្នាក់ដឹកនាំ គណបក្សប្រជាជនកម្ពុជា និងថ្នាក់ដឹកនាំគណបក្សសង្គ្រោះជាតិ បើទោះជាសម្តេច ហ៊ុន សែន បានបង្ហើបឲ្យមានការជួបគ្នា ក្រោយថ្ងៃ២០ធ្នូនេះក៏ដោយ ។
លោក ឈាង វុន បន្តថា នៅពេលនេះសម្តេចក្រឡាហោម ស ខេង ប្រធានក្រុមតំណាងរាស្ត្រ គណបក្សប្រជាជនកម្ពុជា កំពុងមមាញឹកនឹងការងារយ៉ាងខ្លាំង ហើយភាគីទាំងពីរក៏មិនទាន់ មានការត្រៀមជួបគ្នានៅឡើយទេ ៕
