កំពង់ធំ៖ សេចក្តីរាយការណ៍មួយបានបញ្ជាក់ថា ក្នុងរដូវដាក់ឆ្នុកឆ្នាំនេះ មានជនជាតិ វៀតណាមឈ្មោះវៀង យ៉ាំងហុង រស់នៅមាត់ខ្លា យួរវ៉ាលីស្ពាយលុយប្រមាណជាង៥ម៉ឺនដុល្លាសហរដ្ឋអាមេរិក មកចែកជូនដល់អង្គភាពពាក់ព័ន្ឋនៅក្នុងខេត្តកំពង់ធំ ដើម្បីសុំដាក់ឆ្នុកចាប់ពី ព្រំប្រទល់ពាមបាង ស្រុកស្ទោង រហូតដល់ឃុំផាត់សណ្តាយ ហើយហាមដាច់ខាតមិនអោយប្រជានេសាទធ្វើនេសាទ ដោយសារតែមានឈ្មួញវៀតណាម ឈ្មោះ ហុង រត់ការម៉ៅផ្តាច់អស់ហើយ។
ផ្ទៃបឹងទន្លេសាបទាំងមូល ដែលស្ថិតក្រោមការគ្រប់គ្រងរបស់ លោក ប៉ែន វណ្ណរិទ្ធ នាយខណ្ទរដ្ឋបាលជលផលខេត្តកំពង់ធំ ត្រូវបានផ្ទេរសិទ្ធិ ឲ្យលោក វៀង យ៉ាំងហុង ជាជនជាតិវៀតណាម កាន់កាប់គ្រប់គ្រងម្តង ដោយប្រជានេសាទ ទាំងអស់ស្ថិតនៅក្នុងផ្ទៃបឹងទន្លេសាប ទាំងខ្មែរ និងវៀតណាម ត្រូវបង់លុយឲ្យលោកហុង បើចង់ដាក់ឆ្នុក តែបើសិនជាប្រជាពលរដ្ឋណាមិនបង់លុយឲ្យទេ លោក ហុង និងបញ្ជាឲ្យលោក យ៉ាន់ វិសាក់ នាយផ្នែក និងលោក ហួន ផល នាយសង្កាត់ជលផល ចាប់ទាំងយប់ ការទទួលបានអំណាចទាំងនេះ គឺដោយសារតែ ឆ្នាំនេះលោក វៀង យ៉ាំងហុង ម៉ៅផ្តាច់បង់ឲ្យមន្ត្រីជំនាញ ក្នុងនោះមាន ប៉ូលិសមូលដ្ឋាន និងប៉ូលិសស្រុក ប៉េអ៊ឹមមូលដ្ឋាន និងប៉េអ៊ឹមស្រុក អធិការខាងជើងបឹងទន្លេសាប បរិស្ថានមូលដ្ឋាន និងបរិស្ថានខេត្ត អភិបាលស្រុក ហើយមានអ្នករត់ការបង់ថ្នាក់ខេត្ត រួមទាំងអ្នកសារព័ត៌មានមួយចំនួនតូច សរុបមិនក្រោមពី៥ម៉ឺនដុល្លា។
ពាក់ព័ន្ឋនឹងការចោទប្រកាន់ថា លោក វៀង យ៉ាំងហុង ទិញសិទ្ធិផ្តាច់ពីលោកនាយខណ្ទរដ្ឋបាលជលផល កំពង់ធំ ហើយបានធ្វើសមកម្មភាព ប្រមូលលុយពីប្រជានេសាទមកបង់ជូនសមត្ថកិច្ច និងអាជ្ញាធរខេត្តកំពង់ធំ លោក វៀង យ៉ាំងហុង ដែលជាអ្នករត់ការបានឲ្យដឹងថា ការប្រមូលលុយពីប្រជានេសាទឆ្នាំនេះ មានការយឺតយ៉ាវ ដោយសារតែក្រោយពីលោកបានបង់លុយទាំងអស់ទៅខាងសមត្ថកិច្ច ក៏មានប្រជានេសាទខ្លះមិនព្រមបង់លុយឲ្យលោក អ្នកខ្លះបានរត់គេចពីលោក ធ្វើឲ្យលោកដើរប្រមូលលុយមកវិញមិនបានគ្រប់ចំនួន ។
លោក យ៉ាន់ វីសាក់ ហៅសែ នាយផ្នែករដ្ឋបាលជលផលផាត់សណ្តាយ គ្រប់គ្រងតាំងពីព្រំព្រទល់សៀមរាប រហូតដល់ ព្រំប្រទល់ខេត្តកំពង់ឆ្នាំង បានឲ្យដឹងតាមទូរស័ព្ទថា លោកជានាយផ្នែកមែនហើយ លោកគ្រាន់តែជាអ្នកមើលពីលើនោះទេ ចំនែកអ្នកដែលអនុវត្តការបង្រ្កាបបទល្មើស ខ្ញុំឯណាទៅមើលម្នាក់ឯងបានសព្វ ហើយម៉េចក៏មិនសួរលោក ផល និងលោក ឃឿន ដែលជានាយសង្កាត់ទៅ ។ ពាក់ព័ន្ឋទៅនឹងការឆ្លើយបដិសេធយ៉ាងខ្លីនេះ គឺមានចេតនាមិនទទួលខុសត្រូវ ឆ្លើយយករួចតែខ្លួន ៕
