ខេត្តក្រចេះ៖ សិប្បកម្មកែឆ្នៃឈើទាំងមានច្បាប់ និងអត់ច្បាប់ជាច្រើនកន្លែងនៅខេត្តក្រចេះ គឺជាឆ្នាំងបាយរបស់មេព្រៃនិងសមត្ថកិ្ចចជំនាញពាក់ពន្ធ័ ហើយក៏ជាប្រភពនៃការបំផ្លាញព្រៃឈើយ៉ាងរង្គាល ព្រោះសិប្បកម្មទាំងនោះ កំពុងប្រមូលទិញឈើពីប្រភពមិនច្បាស់លាស់ ចំណែកមេព្រៃមិនបានត្រួតពិនិត្យ ដោយបឹទភ្នែក ឲ្យឈ្មួញដឹកឈើចូល ហើយរង់ចាំតែទទួលសំណែនតែប៉ុណ្ណោះ។
តាមប្រភពព័តមានបានឲ្យដឹងថា នៅក្នុង ឃុំរលួស ស្រុក សំបូរ ខេត្ត ក្រចះ មានបើកសិប្បកម្មកែឆ្នៃឈើជាច្រើនកន្លែង ក្នុងនោះមានសិប្បកម្មមួយកន្លែង ស្តុកកំណាត់ឈើប្រណិតគរដូចអាចម៏ភេ ដែលឈ្មួញបានប្រមូលទិញពីតំបន់ព្រៃហាមឃាត់ និងមានកម្មករមិនក្រោមពី8ទៅ10នាក់ កំពុងមានសកម្មភាពយ៉ាងសស្រាក់សស្រាំ ដោយពុំឃើញមេព្រៃចុះត្រួតពិនិត្យម្តងណាឡើយ។
សេចក្តីរាយការណ៏ឲ្យដឹងទៀតថា រោងសិប្បកម្មខាងលើមាន ម្ចាស់ឈ្មោះ ចែ ភន់ ដែលរកស៊ីគ្រឿងឈើជាយូឆ្នាំមកហើយបានរលូនរហូត ដោយចេះចិញ្ចឹមមេព្រៃនិងសមត្ថកិច្ចពាក់ពន្ធ័ ទើបចែ ភន់ អាចប្រមូលទិញឈើពីតំបន់ព្រៃហាមឃាត់បានរលូន យកមកគរទុកដូចកូនភ្នំ ពុំមានរំខានដល់អស់លោកមេព្រែបន្តិចណាឡើយ។
ចែ ភន់ បានប្រាប់ អ្នកសារពត៏មានយើងថា រោងសិប្បកម្មរបស់គាត់មានច្បាប់ពីមេខណ្ឌ័ខេត្តគឺ លោក ទ្រី ភក្រ័ ដែលប្រមូលប្រភេទឈើប្រណិតជាច្រើន ហើយគ្មានមន្រ្តីមានសមត្ថកិច្ចណាហ៊ានមកក្បែរនោះឡើយ។
ប្រជាពលរដ្ឋរិះគន់ថា លោក ទ្រី ភក្រ័ សម្ងំតែក្នុងបន្ទប់ម៉ាស៊ីនត្រជាក់ បណ្តោយឲ្យចែ ភន់ បំផ្លាញព្រៃឈើម៉ាសេរីព្រោះពុំឃើញមានស្រមោលមេព្រៃមកក្បែររោងឈើរបស់ចែ ភន់ ឡើយ ហេតុដូច្នេះ សំណូមពរលោកអភិបាលខេត្តក្រចេះ ជួយត្រួតពិនិត្យរោងសិប្បកម្មខាងលើនេះផង ព្រោះវាជាប្រភពដែលនាំឲ្យមានការបំផ្លាញព្រៃឈើ៕
