ខេត្តក្រចេះ៖ នៅថ្ងៃទី១៥ .១២.២០១៦. នៅក្នុងបរិវេណវត្តភូមិដារ ឃុំដារ ស្រុកចិត្របុរី ខេត្តក្រចេះបានរៀបចំវេទិកា ផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តក្រចេះ អាណត្តិទី២ ឆ្នាំទី៣ ក្រោមអធិបតីភាព ឯកឧត្តម នូ ភឿង ប្រធានក្រុមប្រឹក្សាខេត្ត លោក ប៉ែន ឌីណាត អភិបាលរងខេត្ត និងជាតំណាង ឯកឧត្តម ស ចំរ៉ុង អភិបាលខេត្តក្រចេះ។
សមាសភាពចូលរួម រួមមាន សមាជិកក្រុមប្រឹក្សាខេត្ត មន្ទីរពាក់ពន្ធ័ជុំវិញខេត្ត. និងប្រជាពលរដ្ឋចូលរួមសរុបចំនួន ២៦១ នាក់ ក្នុងនោះស្រីមាន ៨០ នាក់ ។
នាឧកាសនោះ ប្រជាជនដែលចូលរួម បានលើកអំពីបញ្ហាប្រឈមនានាដូចខាងក្រោម ៖
1 សូមអោយរាជរដ្ឋាភិបាល ជួយរកទីផ្សារ ផលិតផលស្រូវ និងដំឡូងមី អោយមានតម្លៃសមរម្យជាងនេះ
2 សូមអោយអាជ្ញាធរមានសមត្ថកិច្ចជួយលុបបំបាត់កុងត្រូលជជុះ
3 ស្នើឲ្យអាជ្ញាធរជួយដោះស្រាយអំពីបញ្ហាផ្លូវលំមួយខ្សែ ចូលទៅកាន់ភូមិបន្ទាយដែលបានខូចខាត ។
4 អំពីបញ្ហាអត្តសញ្ញាណបណ្ណ័ ដែលថតយូរហើយ ពុំទាន់ទទួលបាន
5 ស្នើឲ្យអាជ្ញាធរ ជួយសាងសង់សាលាឃុំ និង មណ្ឌលសុខភាព នៅក្នុងភូមិដា ។
6 ស្នើឲ្យអាជ្ញាធរជួយទប់ស្កាត់ កុំឲ្យមានបទល្មើសការដឹកជញ្ជូនផលអនុផលព្រៃឈើ កុំឲ្យមានតទៅទៀត ។
ជាការឆ្លើយតប ឯកឧត្តម នូ ភឿង ក៏បានចាត់អោយមន្ទីរពាក់ព័ន្ធ ក៏ដូចជាសមត្ថកិច្ចពាក់ព័ន្ធ ធ្វើការឆ្លើយតប អំពីកង្វល់របស់ប្រជាពលរដ្ឋដែលបានលើកឡើង. ហើយប្រជាពលរដ្ឋក៏ទទួលយកបាន អំពីការឆ្លើយរបស់មន្ទីរ និងសមត្ថកិច្ចពាក់ព័ន្ធ៕ដោយ បញ្ញារាជ
