កំពង់ធំ៖ កាលពីវេលាម៉ោង១១និ០៥នាទីថ្ងៃត្រង់ថ្ងៃទី១១ ខែធ្នូ ឆ្នាំ២០១៦ មានករណីបុរសម្នាក់មានជំងឺសសៃរប្រសាទ ផឹកស្រាស្រវឹងរួចយកខ្សែចងករនិងធ្នឹមផ្ទះសំលាប់ខ្លួន ហេតុការណ៍នេះបានកើតឡើងនៅផ្ទះជនរងគ្រោះត្រង់ចំណុចទួលដំបូកយួនស្ថិតក្នុងភូមិសាស្ត្រឃុំពង្រ ស្រុកបារាយណ៌ ខេត្តកំពង់ធំ។
តាមប្រភពព័តមានពីសមត្ថកិច្ចនគរបាលបានអោយដឹងថា ជនរងគ្រោះឈ្មោះ អូន ចាវ ភេទប្រុស អាយុ៤៨ឆ្នាំ រស់នៅភូមិពង្រ ឃុំពង្រ ស្រុកបារាយណ៍ ខេត្តកំពង់ធំ ជនរងគ្រោះតែងតែផឹកស្រាស្រវឹងខួបរៀងរាល់ថ្ងៃមិនដែលខាន ពេលស្រវឹងម្ដងៗ តែងតែចង់ចងករ តែបានអ្នកជិតខាងជួយទាន់ពេល តែដល់ថ្ងៃកើតហេតុចុងក្រោយ បុរសនេះមិនដឹងផឹកស្រាពីកន្លែងណាទេ នៅពេលស្រវឹងក៏ពុំមាននរណាដឹងថាចងករដែរ ទើបបណ្ដាលអោយជនរងគ្រោះស្លាប់បាត់បង់ជីវិតតែម្ដង ។
បន្ទាប់មកសមត្ថកិច្ចបានធ្វើកោសល្យវិច្ច័យលើសាកសព តែពុំមានស្លាកស្នាមអ្វីក្រៅពីចងករនោះទេ ទើប បានប្រគល់សាកសពអោយសាច់ញាតិបងប្អូនក្រុមគ្រួសារប្រពន្ទកូន យកមកធ្វើបុណ្យតាមប្រពៃណី៕
