អន្តរជាតិ៖ការបំផ្ទុះគ្រាប់បែកចំនួន២ ដែលត្រូវបានគេជឿជាក់ថា ជាការបំផ្ទុះគ្រាប់បែកក្នុងរថយន្ត និងបំផ្ទុះគ្រាប់បែកអត្តឃាត នៅក្បែរពហុកីឡាដ្ឋានបាល់ទាត់ ក្នុងទីក្រុងអ៊ីស្តាន់ប៊ុល ប្រទេសតួកគី បានសម្លាប់មនុស្សចំនួន ២៩នាក់ និងបណ្ដាលឲ្យរងរបួស ១៦៦នាក់។ ហេតុការណ៍នេះបានកើតឡើង កាលពីយប់ថ្ងៃសៅរ៍ ទី១០ ខែធ្នូ ឆ្នាំ២០១៦។
សាក្សីបានលឺសម្លេងបាញ់កាំភ្លើង បន្ទាប់ពីមានការបំផ្ទុះគ្រាប់បែក រយៈពេល២ម៉ោង ក្រោយពេលអ្នកគាំទ្រ បានចាកចេញពីកីឡាដ្ឋាន Vodafone Arena របស់ក្រុមបាល់ទាត់ Besiktas។ ក្នុងនោះដែរ មនុស្សចំនួន ១០នាក់ត្រូវបានឃាត់ខ្លួន។
រហូតមកទល់នឹងពេលនេះ មិនទាន់មានក្រុមណាមួយ ចេញមុខអះអាងទទួលខុសត្រូវ ចំពោះការវាយប្រហារនេះឡើយ ប៉ុន្តែការបំផ្ទុះគ្រាប់បែកជាច្រើន នៅក្នុងប្រទេសតួកគី ឆ្នាំនេះ ត្រូវបានធ្វើឡើងដោយ ក្រុមសកម្មប្រយុទ្ធ Kurdish និង រដ្ឋអ៊ីស្លាម IS។
ប្រធានាធិបតីតួកគី លោក Recep Tayyip Erdogan បាននិយាយថា «ការវាយប្រហាររបស់ភេរវកម្ម បានធ្វើឡើងប្រឆាំងនឹងកងកម្លាំងសន្តិសុខ និងប្រជាពលរដ្ឋរបស់យើង។ វាច្បាស់ណាស់ថា ការបំផ្ទុះគ្រាប់បែកបន្ទាប់ពីការប្រកួតបាល់ទាត់ រវាងក្រុម Besiktas និង Bursaspor គឺមានគោលបំណង ដើម្បីឲ្យមានមនុស្សស្លាប់ កាន់តែច្រើន»៕ដកស្រង
