កំពង់ធំៈ ឧប៊ុនរាជធានី៖ ពិធីប្រជុំផ្សព្វផ្សាយ វិធានការ ការពាររួមគ្នាទប់ស្កាត់ជំងឺឆ្លងរាត្បាត តាមបន្ទាត់ព្រំដែន កម្ពុជា ថៃ ឡាវ តាមខេត្តជាប់ព្រំដែន ត្រូវបានចាត់ធ្វើឡើងដោយ បណ្តាញការពារសុខភាព ដើម្បីកាត់បន្ថយ បញ្ហាប្រឈមជំងឺឆ្លង ដោយការិយាល័យគ្រប់គ្រងរោគទី១០ ខេត្តឧប៊ុនរាជធានី ត្រូវបានរៀបចំសិក្ខាសាលា ចំនួន២ថ្ងៃ ដោយមានការចូលរួមពីសំណាក់ អ្នកសារព័ត៌មាន ទូរទស្សន៍ កាសែត វិទ្យុ និងទស្សនាវដ្តី កម្ពុជា ថៃ ឡាវ នៅថ្ងៃទី ៧និង ៨ ខែធ្នូ ឆ្នាំ ២០១៦។
គោលបំណងនៃការរៀបចំសិក្ខាសាលា ស្តីពីវិធានការរួមគ្នាទប់ស្កាត់ ការពារជំងឺឆ្លង ដែលប្រឈមជាមួយ និងបងប្អូនប្រជាពលរដ្ឋ ប្រកបមុខរបរធ្វើកម្មករ ចូលព្រៃ ធ្វើចំការតាមបន្ទាត់ព្រំដែន ខេត្តជាប់ព្រំដែនប្រទេសទាំង៣ ដើម្បីជួយគ្នាការពារសុខភាព លុបបំបាត់ជំងឺគ្រុនចាញ់ ជំងឺគ្រុនឈាម ជំងឺអាសន្នរោគ និងជំងឺផ្តាសសាយធំ ជំងឺឆ្កែឆ្កួត ដែលតម្រូវឲ្យមានការ ថែទាំសុខភាពជារឿងសំខាន់ ទីមួយគេងចងមុង លុបបំបាត់ដង្កូវទឹក ថែរក្សាបរិស្ថានជុំវិញគេហដ្ឋាន ពិសារអាហារចំណីមានអនាម័យ ។
លោកស្រី សិរិវ៉ាន់ ឈុមនុម ប្រធានការិយាល័យប្រតិបត្តិជំនាញជំងឺឆ្លង បានសុំឲ្យប្រទេសកម្ពុជា ដែលជា ប្រទេសដែលមានពលករ កម្មករ មកធ្វើការនៅប្រទេសថៃ តាមព្រំដែន និងប្រជាពលរដ្ឋរស់នៅតាមព្រំដែន មានការពិនិត្យសុខភាព និងរួមគ្នាទប់ស្កាត់ជំងឺឆ្លង ចំពោះពលករដែលបានមកធ្វើការនៅប្រទេសថៃស្រប ច្បាប់ បើមានការសង្ស័យនូវបញ្ហាសុខភាពរបស់ខ្លួន ត្រូវមកពិនិត្យនៅការិយាល័យតាមព្រំដែន ដោយពុំមាន ការចាយវាយនោះទេ បើករណីពិនិត្យឃើញថា មានជំងឺអ្វីមួយ មន្រ្តីសុខាភិបាលនិងបញ្ជូនទៅ សម្រាកព្យាបាលនៅមន្ទីរពេទ្យខេត្តជាប់ព្រំដែន សម្រាប់បងប្អូនកម្ពុជា ដែលមានជំងឺអាចចូលមកព្យាបាល២៤ម៉ោង តាមច្រកទ្វារថៃ កម្ពុជា ឡាវ ដោយការទំនាក់ទំនងមកសមត្ថកិច្ចព្រំដែន ភាគីថៃនឹងយករថយន្តមកទទួលដោយឥតគិតថ្លៃ ។
លោក ឈនធិស ចាន់សិង នាយកសមាគមន៍ អ្នកសារព័ត៌មាន ខេត្តឧប៊ុនរាជធានី បានមានប្រសាសន៍ថា អ្នកសារព័ត៌មាន គឺមានតួនាទីសំខាន់ខ្លាំងណាស់ ក្នុងការពាំនាំនូវសារៈប្រយោជន៍ អត្ថន័យខ្លឹមសារជូនដល់ ប្រជាពលរដ្ឋ បើសិនគ្មានអ្នកសារព័ត៌មានទេ ព័ត៌មានទាន់ហេតុការណ៍ ព័ត៌មានដែលផ្តល់ប្រយោជន៍ផ្សេងៗ ដល់ប្រជាពលរដ្ឋ ក៏ពុំបានទូលំទូលាយនោះទេ ដូច្នេះក្នុងអត្ថន័យសិក្ខាសាលានេះ គឺតម្រូវឲ្យអ្នកសារព័ត៌មាន នាំយកទៅធ្វើការផ្សព្វផ្សាយ ជូនដល់ប្រទេសរបស់ខ្លួន ដើម្បីត្រៀមទប់ស្កាត់ការពារជំងឺឆ្លងផ្សេងៗ ដែលអាច និងកើតបានយ៉ាងងាយ បើមានការធ្វេសប្រហែស ៕
