ខេត្តកំពង់ឆ្នាំង៖ប្រជាពលរដ្ឋក្នុងភូមិដំណាក់អំពិល និងភូមិក្ដុល ឃុំក្រាំងស្គារ ស្រុកទឹកផុសបានស្លាប់ជាបន្តបន្ទាប់ នាប៉ុន្មានថ្ងៃមកនេះ ខណៈមកដល់ពេលនេះអ្នកស្លាប់បានកើនដល់ចំនួន៨នាក់មកហើយ ដោយសង្ស័យថាពុលស្រាស ហើយនៅមានជាច្រើននាក់ទៀត ដែលបានបញ្ជូនទៅសង្គ្រោះបន្ទាន់នៅមន្ទីរបង្អែកខេត្តកំពង់ឆ្នាំង។
ប្រជាពលរដ្ឋដែលជាជនរងគ្រោះ បានបញ្ជាក់ថា ប្រជាពលរដ្ឋបានពុលបន្ទាប់ពីផឹកស្រាស ក្នុងពិធីបុណ្យសព៧ថ្ងៃ របស់សាច់ញាតិក្នុងភូមិ ដោយមានអ្នកខ្លះហូបតិច និងអ្នកខ្លះហូបច្រើន ស្រាប់តែយប់មិញ ថ្ងៃទី៧ ខែធ្នូ ឆ្នាំ២០១៦ មានអាការៈ រាករូស ក្អួត ថប់ដង្ហើម និងស្រវាំងភ្នែក ហើយក្រោយមកអ្នកស្រុក បានដឹកជញ្ជូនមកកាន់មន្ទីពេទ្យទាំងយប់ភ្លាមៗ ។ ប្រជាពលរដ្ឋសង្យ័យថា អ្នកស្លាប់កើតឡើងនៅក្នុងភូមិដំណាក់អំពិល និងភូមិក្ដុល ឃុំក្រាំងស្គារ ស្រុកទឹកផុស បណ្ដាលមកពីពុលស្រាសតែម្តង ។
ដូច្នេះប្រជាពលរដ្ឋដែលនិយមពិសារស្រាសមេត្តាប្រយ័ត្នប្រយែងឲ្យមែនទែន ហើយមន្ត្រីកាំកុងត្រូល បានចុះដល់កន្លែងកើតហេតុយកស្រាសមកពិនិត្យ៕
