រាជទាយាទ មហា វិជ្ជរ៉ាឡុងកន ឡើងសោយរាជសម្បត្តិ ជាព្រះមហាក្សត្យ ប្រទេសថៃ

អន្តរជាតិ៖ រាជទាយាទ  មហា វិជ្ជរ៉ាឡុងកន(Maha Vajiralongkorn) បានក្លាយជាស្តេចថ្មីនៃប្រទេសថៃ កាលពីថ្ងៃព្រហស្បតិ៍កន្លងទៅ ដោយឡើងស្នងរាជ្យពីបិតារបស់ព្រះអង្គ គឺ ស្តេច ភូមិបុល អាឌុលយ៉ាដេត ដែលបាន សោយទិវង្គត កាលពីខែតុលា។  មហា វិជ្ជរ៉ាឡុងកន ក្លាយជាមហាក្សត្យទី១០នៃប្រទេសនេះ។

រាជបុត្រស្នងរាជ្យ ព្រះជន្ម៦៤វស្សា អង្គនេះ បានទទួលយកការឡើងស្នងរាជ្យ នៅពិធីឡើងស្នងរាជ្យ ដែលត្រូវបានផ្សព្វផ្សាយតាមទូរទស្សន៍ បន្ទាប់ពីមានការយាងឡើងសោយរាជ្យពីសភាថៃ ដែលធ្វើឲ្យការឡើងសោយរាជ្យ របស់ព្រះអង្គក្លាយជាផ្លូវការ។

ព្រះបីតារបស់ព្រះអង្គ ដែលប្រជារាស្រ្តគោរពស្រឡាញ់គឺ ស្តេច ភូមិបុល អាឌុលយ៉ាដេត បានសោយទិវង្គត កាលពីថ្ងៃទី១៣ខែតុលា។