ខេត្តក្រចេះ៖ នៅថ្ងៃទី០៥ខែធ្នូ ឆ្នាំ២០១៦ វេលាម៉ោង១០.០០នាទី នៅចំណុចអ្នកតាចិន ភូមិក្បាលស្នួល ឃុំស្នួល ស្រុកស្នួល ខេត្តក្រចេះ កម្លាំងជំនាញ បានចុះបង្រ្កាបករណីជួញដូរគ្រឿងញៀន នៅចំណុចអ្នកតាចិន ភូមិក្បាលស្នួល ឃុំស្នួល ស្រុកស្នួល ខេត្តក្រចេះ ដោយឃាត់ខ្លួនជនសង្ស័យចំនួន០២នាក់៖
១/.ឈ្មោះ មាន ឡាដែត ភេទប្រុស អាយុ២៣ឆ្នាំ រស់នៅភូមិកាត់ដៃ ឃុំស្នួល ស្រុកស្នួល ខេត្តក្រចេះ
២/. ឈ្មោះ យាន សិរីរ័ត្ន ភេទប្រុស អាយុ២៨ឆ្នាំ រស់នៅភូមិក្បាលស្នួល ឃុំស្នួល ស្រុកស្នួល ខេត្តក្រចេះ។
ដោយឡែកជនសង្ស័យម្នាក់ទៀតឈ្មោះ ម៉ាប់ ភេទប្រុស បានរត់គេចខ្លួន និង ដកហូតវត្ថុតាងរួមមាន៖ ម្ស៉ៅក្រាមពណ៌ស សង្ស័យជាគ្រឿងញៀនមេតំហ្វេតាមីនចំនួន០៦កញ្ចប់តូច សម្ភារៈប្រើប្រាស់និងចែកចាយគ្រឿងញៀនមួយចំនួន កូនថង់ប្លាស្ទិចសម្រាប់ច្រកគ្រឿងញៀនមួយចំនួនធំ ដែកកេះចំនួន៧ និង ទូរស័ព្ទចំនួន០២គ្រឿង( ម៉ាកអូគីតែល ពណ៌ស ០១គ្រឿង និង ណូគាអិនចុចពិល ពណ៌ខ្មៅ០១គ្រឿង ) ។
បច្ចុប្បន្ន ជនសង្ស័យត្រូវបានឃាត់ខ្លួនជាបណ្ដោះអាសន្ន នៅអធិការដ្ឋាននគរបាលស្រុកស្នួលតាមនីតិវិធី។
