ខេត្តកំពង់ធំ ៖ ការដឹកជញ្ចូនផលិតផលកើតពីសត្វ បានធ្វើសកម្មភាពដឹកជញ្ចូនដោយគ្មានការត្រួតពិនិត្យសុខភាព ម្ដងហើយម្ដងទៀត ចេញពីស្រុកនានានៅក្នុងខេត្តកំពង់ធំ ឆ្ពោះទៅកាន់ខេត្តផ្សេងៗ និងការដឹកជញ្ចូនទៅប្រទេសវៀតណាម បានកំពុងតែមានភាពធូររលុង ដោយសារតែពេទ្យសត្វអសមត្ថភាព និងពុករលួយ ក្នុងការបំពេញតួនាទីរបស់ខ្លួន ទើបឈ្មួញហ៊ានដឹកជញ្ចូនដោយសេរី។
ជាក់ស្ដែងការដឹកជញ្ចូនសេះ គ្មានការត្រួតពិនិត្យពីពេទ្យសត្វ និងការដឹកជញ្ចូនគោ នៅល្ងាចថ្ងៃទី៣ ខែធ្នូ ឆ្នាំ២០១៦ ចេញពី ស្រុកប្រាសាទបល្ល័ង្គ ឆ្ពោះទៅខេត្តកំពង់ចាម ក៏ពុំបានត្រួតពិនិត្យសុខភាព ឲ្យបានត្រឹមត្រូវនោះឡើយ ធ្វើអោយមានការសង្ស័យថា ប្រហែលជាត្រូវដងត្រូវផ្លែរអស់ហើយ។
តាមប្រភពពត័មានពីប្រជាពលរដ្នបានអោយដឹងថា ការឃាត់រថយន្ដដឹកគោនេះ គឺឈ្មួញរកស៊ីគោ ក្របីម្នា្កក់ ជាអ្នករាយការណ៍អោយមន្រ្ដីពេទ្យសត្វ ចាប់ឃាត់រថយន្ដដោយសារតែការច្រណែន ការមិនត្រូវរួវជាមួយ និងអ្នករកស៊ីគោ ក្រពីដូចគ្នាទើបចាប់បាន កុំអី សកម្មភាពដឹកជញ្ចូន សត្វនិងមានភាពរលូនជាមិនខាន ។
ចំណែកម្ចាស់គោបានប្រាប់ថា៖ គាត់មានច្បាប់បញ្ជាក់ពី ភូមិ ឃុំ ស្រុកប្រាសាទបល្ល័ង្គនិងមន្ទីរកសិកម្មខេត្តកំពង់ចាមរួចហើយ ដោយគេបញ្ជាក់ថា មិនបាច់បង់លុយអោយខាងមន្ទីរកសិកម្មខេត្តកំពង់ធំទៀតទេ ទើបគាត់ពុំបានសុំ ហើយម្យ៉ាងទៀតគោនេះ ដឹកយកទៅចិញ្ចឹមតែប៉ុណ្ណោះ មិនមែនដឹកយកទៅលក់នោះទេ។
លោក ចាន់ បញ្ញាវ័ន្ដ មន្រ្ដីពេទ្យសត្វខេត្តកំពង់ធំ បានអោយដឹងថា៖ ក្រោយពីពិនិត្យរួចឃើញថាគេមានច្បាប់បញ្ចាក់ពីភូមិ ឃុំ ស្រុក ខាងខេត្តកំពង់ចាមនិង លិខិតបញ្ចាក់ពីភូមិ ឃុំ ស្រុក ខាងខេត្តកំពង់ធំថា គោនេះពិតជាគោដែលសុំបំលាស់ទី ពុំបានយកទៅលក់ដូរនោះទេ ទើបគាត់ពុំបានឆ្លងកាត់មន្ទីរកសិកម្មខេត្តកំពង់ធំ ក្រោយពីពិនិត្យមិនបានធ្វើការផាកពិន័យនោះទេ ហើយ ប្រគល់អោយម្ចាស់ធ្វើដំណើរបន្តទៅទៀត។
ទាក់ទិននិងការធ្វេសប្រហែសនេះ លោក ធីវ វណ្ណធី ប្រធានមន្ទីរកសិកម្មខេត្តកំពង់ធំ បានប្រាប់អោយដឹងថា មកពីអ្នកដឹកជញ្ចូនសត្វ មិនមកសុំការអនុញាតិក្នុងការធ្វើចលនាសត្វ ពីពេទ្យសត្វ និងធ្វើការបង់ថ្លៃទៅតាមតំលៃក្បាលដែលបានកំណត់ ទើបពេទ្យសត្វមិនដឹង ហើយនៅពេលដែលពេទ្យសត្វចាប់បាន និងធ្វើការផាកពិន័យតាមច្បាប់ ៕
