រាជធានីភ្នំពេញ ៖ អាចារ្យវត្តម្នាក់ ដែលតែងតែ ដើររៃអង្គាសប្រាក់តាមដងផ្លូវសាធារណៈដោយសារតែកាមតណ្ហាឡើងពុះកញ្ជ្រោល មិនខ្លាចចុះនរក ហ៊ានធ្វើសកម្មភាពចាប់រំលោភក្មេងស្រី ដែលទើបតែមានវ័យ១០ឆ្នាំដើម្បីរំលោភសេពសន្ធវៈ តែមិនបានសម្រេច ត្រូវបានកម្លាំងនគរបាលប៉ុស្ដិ៍ឫស្សីកែវ ខណ្ឌឫស្សីកែវ ក្របួចជាប់វាយខ្នោះ តាមពាក្យបណ្តឹងរបស់បងស្រីជនរងគ្រោះ។
ករណីអាចារ្សវត្តប៉ុនប៉ងចាប់រំលោភក្មេងស្រីនេះ បង្កឲ្យមានការភ្ញាក់ផ្អើល នៅវេលាម៉ោងជាង១១ថ្ងៃទី២៣ ខែវិច្ឆិកា ឆ្នាំ២០១៦ ស្ថិតក្នុងភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។
មន្ត្រីនគរបាលបានឲ្យដឹងថា មុនឈានទៅឃាត់ខ្លួនអាចារ្យវត្តម្នាក់នេះ បន្ទាប់ពីបងស្រីរបស់ជនរងគ្រោះបានប្ដឹងមក សមត្ថកិច្ចមូលដ្ឋានថាមានករណីចាប់រំលោភ ព្រោះនៅមុនពេ លកើតហេតុ គេបានឃើញអាចារ្យវត្ត២នាក់ដៃគូរ កំពុងតែផឹកស្រារហូតស្រវឹងស្រឿងៗ ដោយអាចារ្យម្នាក់ នៅខាងក្រៅ និងអាចារ្យដែលជាប់សង្ស័យ ក៍បានចូលទៅក្នុងផ្ទះហើយធ្វើសកម្មភាព បបោសអង្អែល អោបថើបក្មេងស្រីរងគ្រោះ ខណៈនោះដែរ ស្រាប់តែត្រូវបងស្រីរបស់ជនរងគ្រោះ មកទាន់ឃើញបែបនេះ ក៍ប្ដឹងសមត្ថកិច្ចឲ្យឃាត់ខ្លួន តែម្ដងទៅ ដោយជាប់ចោទពីបទប៉ុនប៉ងរំលោភ សេពសន្ធវលើអនិតិជន ។
ជនសង្ស័យជាអាចារ្យវត្តដែលត្រូវ សមត្ថកិច្ចឃាត់ខ្លួន ជាប់ចោទពីបទប៉ុនប៉ងរំលោភសេពសន្ទវៈ មានឈ្មោះទុយ ទីន អាយុ៣៩ឆ្នាំ ស្នាក់នៅក្នុងឃុំកំពុងកុង ស្រុកកោះធំ ខេត្តកណ្ដាល ។ចំណែកក្មេងស្រីរងគ្រោះ ជាអនិតិជនអាយុទើបតែ១០ឆ្នាំប៉ុណ្ណោះ ស្នាក់នៅជាមួយបងស្រី និងម្ដាយមានមុខរបរ ជាអ្នកដើររៃអង្គាសប្រាក់ជាមួយអាចារ្យវត្ត ដែលត្រូវនគរបាលឃាត់ខ្លួន ។
មន្ត្រីនគរបាលបានឲ្យដឹងទៀតថា ក្រោយឃាត់ខ្លួន ជនជាប់សង្ស័យជាអាចារ្យវត្ត ត្រូវបានបញ្ជូនមកសួរនាំ នៅប៉ុស្ដិ៍នគរបាលឫស្សីកែវ ដើម្បីស៊ើបអង្កេតបន្តតាមនិតិវិធីច្បាប់៕
