អន្តរជាតិ៖ ក្រោយបរាជ័យរបស់លោកស្រីហ៊ីលឡារីគ្លីនតុន និងការចាកចេញរបស់អូបាម៉ា បានធ្វើឲ្យលោកស្រីអែងហ្គែលឡាម៉ាកគែល ប្តេជ្ញាក្លាយជាហីលឡារីគ្លីនតុនទី២ ដើម្បីទប់ទល់និងគោលនយោបាយ ផ្លាស់ប្តូរថ្មីរបស់លោកដូណាលត្រាំ។
លោកស្រី អែនហ្គែលឡាម៉ាកគែល បានប្រកាសថា លោកស្រីនឹងបន្តឈរឈ្មោះជាបេក្ខភាពនាយករដ្ឋមន្ត្រី ក្នុងអាណត្តិទី៤របស់លោកស្រី។ លោកស្រីបានខិតខំ ធ្វើឲ្យអាល្លឺម៉ង មានភាពល្អប្រសើរឡើង លើវិស័យសេច្ឋកិច្ច ។
កន្លងមកការស្ទង់មតិពលរដ្ឋអាល្លឺម៉ងភាគច្រើន ចង់ឲ្យលោកស្រីម៉ាកគែល បន្តឈរឈ្មោះជាបេក្ខភាពនាយករដ្ឋមន្ត្រី ក្នុងអាណត្តិទី៤ជាបន្តទៀត។
អ្នកនយោបាយជាច្រើនបានសម្រេច គាំទ្រ ដល់លោកស្រី ម៉ាកគែល បន្តឈរឈ្មោះក្នុងការបោះឆ្នោតនាឆ្នាំ២០១៧បន្តទៀត បើទោះបីមានរឿងរ៉ាវបន្តិចបន្តួច ជុំវិញវិបត្តិជនអន្តោប្រវេសន៏ខុសច្បាប់ក៏ដោយ។
កាលពីខែកញ្ញាឆ្នាំ២០១៦ លោកស្រី ម៉ាកគែល បានសុំទោសពីកំហុសខុសឆ្គង នៅក្នុងគោលនយោបាយអន្តោប្រវេសន៏របស់ខ្លួន។
បណ្តាញទូរទស្សន៏ BBC បានប្រកាសនៅលទ្ធផលស្ទង់មតិ កាលពីថ្ងៃទី២០ខែវិច្ឆិកា បង្ហាញឲ្យឃើញថា ពលរដ្ឋអាល្លឺម៉ង រហូតដល់ទៅ៥៥ភាគរយគាំទ្រលោកស្រី តែត្រូវរង់ចាំមើលថាតើលោកស្រីមានវាសនាល្អជាង
លោកស្រីហ៊ីលឡារីគ្លីនតុនដែរឬទេ?៕
