កីឡា៖ក្រុមបាល់ទាត់ជម្រើសជាតិកម្ពុជា នឹងត្រូវប៉ះក្រុមបាល់ទាត់ជម្រើសជាតិមីយ៉ាន់ម៉ា នាថ្ងៃស្អែកនេះវេលាម៉ោង ៦:៣០នាទីក្នុងពានរង្វាន់ AFF Suzuki Cup នៅទឹកដីរបស់មីយ៉ាន់ម៉ា។
ក្រុមជម្រើសជាតិកម្ពុជា ជួបគ្នាលើកចុងក្រោយកាលពីឆ្នាំ ២០១៥ ធ្វើបានត្រឹមស្មើគ្នា ០-០ នៅទឹកដីប្រទេសថៃ ក្នុងជំនួបមិត្តភាពអន្តរជាតិ។
ចំណែកកាលឆ្នាំ ២០១៤ ក្នុងវគ្គជម្រុះ AFF Suzuki Cup កម្ពុជាចាញ់ ១-០ ដោយបាល់ពិន័យ ១១ ម៉ែត្រនៅនាទី៤២។
ស្របពេលឆ្នាំ ២០១២ កម្ពុជាបានប្រកួតចាញ់មីយ៉ាន់ម៉ា ៣-០ ក្នុងពានរង្វាន់ខាងលើនេះដដែល នៅលើទឹកដីប្រទេសមីយ៉ាន់ម៉ា។
ងាកទៅឆ្នាំ ២០០៩ កម្ពុជាបានប្រកួតចាញ់ប្រទេសមីយ៉ាន់ម៉ា ១-០ ក្នុងពានរង្វាន់ AFC Challenge Cup នៅលើទឹកដីប្រទេស បង់ក្លាដេស។
ខណៈឆ្នាំ ២០០៨ កម្ពុជាចាញ់មីយ៉ាន់ម៉ា ៣-២ ក្នុងការប្រកួតពានរង្វាន់ AFF Suzuki Cup វគ្គចែកពូល A ដែលពេលនោះ ឥណ្ឌូណេស៊ី និងថៃធ្វើជាម្ចាស់ផ្ទះ។
ចំណែកការប្រកួត ដែលធ្វើឲ្យកម្ពុជាចាញ់មីយ៉ាន់ម៉ាច្រើនគ្រាប់បំផុតនោះគឺកាលពីឆ្នាំ ២០០៨ នេះដដែល ពេលនោះ កម្ពុជាបានចាញ់រហូតដល់ទៅ ៧-១។
បើងាកទៅមើលប្រវត្តិប៉ះគ្នា គិតចាប់ពីឆ្នាំ២០០៨ មកដល់បច្ចុប្បន្នធ្លាប់ជួបគ្នាចំនួន៦លើក កម្ពុជាចាញ់ ៥ ស្មើ១លើក៕
