កីឡា ៖ ក្រុមគោព្រៃកម្ពុជាពិតជាធ្វើបានល្អមែនទែន តាមរយៈលេង៣ប្រកួតក្នុងទឹកដីនៃពហុកីឡាដ្ឋានជាតិអូឡាំពិកឈ្នះទាំងអស់ក្នុងកម្មវិធីប្រកួតជម្រុះបឋម AFF Suzuki Cup 2016 ជាមួយនឹងជ័យជំនះចុងក្រោយទៅលើក្រុមទីម័រឡេស្តេដោយលទ្ធផល ៣-២។
គ្រាប់នាំមុខ ១-០ របស់ក្រុម្ពុជាធ្វើបានសម្រេចត្រឹមនាទីទី២ ដោយកីឡាករ ទិត្យ ឌីណា និងគ្រាប់ទី២ ដោយមិត្តរួមក្រុម ប្រាក់ មុន្នីឧត្តម មុនពេលរបូត២គ្រាប់វិញនៅនាទីទី២០ ដោយបាល់ប៉េណាល់ទី និងនាទី៣៥ ក្នុងវគ្គទី១។
តែយ៉ាងណាក៏ដោយ កីឡាករឆ្នើមប្រចាំក្រុម ចាន់ វឌ្ឍនាកា រកគ្រាប់ជ័យជំនះនៅនាទី៧៨ និងឡើងទៅវគ្គចែកពូលក្នុងពូល B ដោយមានវៀតណាម ម៉ាឡេស៊ី និងម្ចាស់ផ្ទះមីយ៉ាន់ម៉ា គ្រាដែលពូលមាន ៤ក្រុម ដូចគ្នាគឺ ថៃ សិង្ហបុរី ឥណ្ឌូនេស៊ី និងម្ចាស់ផ្ទះហ្វីលីពីន ដែលនឹងចាប់ផ្តើមប្រកួតសន្សំពិន្ទុនៅថ្ងៃទី១៩ ខែវិច្ឆិកា ឆ្នាំ២០១៦។
ជាមួយនឹងជ័យជនះទាំង៣ប្រកួត ក្រុមកម្ពុជាក៏បានទទួលប្រាក់រង្វាន់លើកទឹកចិត្ត ៥ម៉ឺនដុល្លារពី សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាផងដែរ៕
