ខេត្តឩត្តរមានជ័យ៖ប្រជាពលរដ្ឋសុទ្ធតែដឹងថា មានជនជាតិយួនពីរនាក់ដែលរកស៊ីជំនួញឈើប្រណិតខុសច្បាប់ឆ្លងដែនទៅស្រុកយួន ដែលជាអំពើឧក្រិដ្ឋកម្មបំផ្លាញព្រៃឈើ តែសមត្ថកិច្ចមូលដ្ឋានពុំបានបង្រ្កាប និងជួយបឹទបាំងសកម្មភាពរកស៊ីឈើខុសច្បាប់ របស់ពួកឈ្មួញទាំងពីរនាក់ទៅវិញ។
ជនជាតិយួនពីរនាក់ដែលរកស៊ីជំនួញឈើប្រណិតខុសច្បាប់ឆ្លងដែនទៅស្រុកយួន មានឈ្មោះយាយព្រឿងជើងខ្លាំងរកស៊ីឈើនៅខេត្តស្ទឹងត្រែង និងយាយម៉ាយនៅស្រុកអន្លង់វែង ខេត្តឧត្តរមានជ័យ ដែលល្បីខ្ទ័រខ្ទាពេញម៉ាស្រុកខ្មែរថាសមត្ថកិច្ចមិនហ៊ានប៉ះរោមជើង ព្រោះគេចេះរត់ការតាំងពីថ្នាក់លើរហូតដល់ក្រោមទៀតផង។
ទោះបីយ៉ាងណា រាជរដ្ឋាភិបាលមិននៅស្ងៀមប៉េអឹមលើផ្ទៃប្រទេសចុះចាប់យាយព្រឿងដែលនៅតែព្រហ៊ើនរកស៊ីឈើខុសច្បាប់វ៉ៃខ្នោះយកមកភ្នំពេញកសាងសំណុំរឿងតាមនីតិវិធីច្បាប់។
ដោយឡែក យាយម៉ាយនៅស្រុកអន្លង់វែង រកស៊ីរត់ពន្ធឈើគ្រញូងដែលគេដឹងថាមានយ័ន្តការពារក្រាស់ នៅតែបន្តសកម្មភាព ដោយពុំញញើតនិងអនុសាសន៏ព្រមានរបស់សម្តេចតេជោនាយករដ្ឋមន្ត្រីនោះឡើយ។
តាមប្រភពព័តមានបានឲ្យដឹងថា នៅចំណុច ភូមិ អភិវឌ្ឈន៍ ឃុំ អន្លង់វែង ស្រុក អន្លង់វែង ខេត្ត ឩត្តរមានជ័យ មានឃ្លាំងស្តុកឈើក្រញូងមួយកន្លែង ដែលដឹកយកមកពីប្រទេសថៃដឹកយកមកស្តុកទុកនៅក្នុងឃ្លាំង របស់ស្ត្រីម្នាក់ជាជនជាតិវៀតណាមដែលមានឈ្មោះ កាម៉ាយ ហៅយាយ ម៉ាយ។
ការដឹកជញ្ជូនឈើគ្រញូងធ្វើឡើងតាមរយៈរថយន្តទំនើបៗចាំយកទាំងយប់ទាំងថ្ងៃដឺកចូលមកប្រទេសកម្ពុជាយើងជារៀងរាល់ថ្ងៃមានឡានប្រភេទ លុចស៊ីស បាឡែន នឹងរថយន្តទំនើបៗជាច្រើនគ្រឿងថែមទៀត ដោយមានមន្ត្រីពាក់ពន្ធ័នៅក្នុងខេត្តទាំងអស់ជាអ្នកនៅពីក្រោយខ្នងឈ្មួញឈើមួយនេះទើបយាយម៉ាយខ្លាំងជាងតោជាន់ទ្រុងនិងអង្គុយលើច្បាប់ថែមទៀតផង។
ប្រជាពលរដ្ឋសុំឲ្យអាជ្ញាធរបង្រ្កាបយាយម៉ាយដូចយាយព្រឿងដែលជាឈ្មួញនាំឈើគ្រញូងពីថៃទៅយួន ដែលជាប្រភពនាំឲ្យមានអ្នកឆ្លងដែនខុសច្បាប់ចូលដីថៃកាប់ឈើគ្រញូងត្រូវទាហានថៃបាញ់សម្លាប់ជាហូហែរ៕
