ខេត្តកោះកុង៖លោកប៊ុនលើត អភិបាលខេត្តកោះកុង បានចុះមកភូមិព្រែកស្មាច់ ឃុំកោះស្ដេច ស្រុកគីរីសាគរ ខេត្តកោះកុង ពិនិត្យសមិទ្ធិផលមួយកន្លែង ទើបតែកសាងថ្មី នៅវត្តគីរីគង្គារ។
ក្នុងឱកាសនោះ លោកអភិបាលខេត្ត បានជួបព្រះចៅអធិការព្រះនាម ហេង ចំរើន នឹងលោកតាអាចារ្យ ជុំ អននឹងប្រជាពលរដ្ឋផងដែរ។ លោកអភិបាលខេត្ត បានជួយកសាងសាលាឆាន់មួយខ្នង ទទឹង២០ម៉ែត្របណ្ដោយ ៣០ម៉ែត្រ ក្នុងនោះផងដែរលោកអភិបាលខេត្ត លោកប៊ុនលើត បានហៅជាងសំណង់ ទៅជាមួយផង សំរាប់មើលកន្លែងសាងសង់សាលាឆាន់ ដោយលោកអភិបាលខេត្តបានបន្តថា លោកនឹងខិតខំកសាងសាលានេះឲ្យហើយក្នុងឆ្នាំនេះ។
នៅក្នុងឱកាសនោះ លោកអភិបាលខេត្ត បានចំណាយលុយផ្ទាល់ខ្លួនរបស់លោក ចំនួន ២២០០ដូល្លាទៀសំរាប់ធ្វើក្ខោងទ្វារវត្ត មិនតែប៉ុណ្ណោះ លោកអភិបាលខេត្តបានប្រគេនបច្ច័យចំនួន ២០០ដូល្លា ទៅព្រះចៅអធិការ វត្តផងដែរ។
ប្រជាពលរដ្ននឹងព្រះសង្ឃតាអាចារ្យបានអគុណលោកអភិបាលខេត្តកោះកុងដែលបានជួយកសាងសមិទ្ធផលនេះសំរាប់កូនចៅតទៅមុខទៀត៕ (ដោយយួនឈីវ)
