ក្រុងប៉ោយប៉ែត:ព្រឹកថ្ងៃទី១៣ កញ្ញា ២០១៦ប្រជាពលរដ្ឋជាច្រើនគ្រួសារនៅភូមិព្រៃព្រិច សង្កាត់និងក្រុងប៉ោយប៉ែត ខេត្តបន្ទាយមានជ័យ បានប្រមូលគ្នីគ្នាមករងចាំមើលថាមានគេមកបំរុងយកគ្រឿងចក្រមកឈូសឆាយដីពួកគាត់។
អ្នកភូមិមានការព្រួយបារម្មណ៍និងរឿងដីធ្លីមិនហ៊ានចេញទៅរកស៊ីអ្វីឡើយ។ដីខាងលើនោះពួកគាត់រស់នៅជាយូរឆ្នាំមកហើយ អ្នកខ្លះទៀតរស់នៅតាំងពីឆ្នាំ១៩៩៥ អ្នកខ្លះទៀតបានរស់នៅជាបន្តបន្ទាប់ហើយមានរឿងមិនចេះអស់មិនចេះហើយ លុះដល់ឆ្នាំ២០០៤ សម្តេចតេជោ សែនបានចេញ ស-ជ ណឧស-៦២ចុះថ្ងៃទី១៩ខែមករា២០០៤ ជូនប្រជាពលរដ្ឌមានចំនួន៥៨៩គ្រួសារ។
ពួកគាត់បាននិយាយទៀតថា ស្រាប់តែក្រោយមកមានឃើញចេញសជណថ្មី១៣-៦៤ផ្សេងទៀតចុះថ្ងៃទី១៩សីហាឆ្នាំ២០០៥ ចេញដោយទីស្តីការគណរដ្ឌមន្ត្រី មិនដឹងថាស.ជ.ណមួយណាមានប្រសិទ្ឌភាពឡើយ។ពួកគាត់ថាប្រជាពលមួយចំនួនធំមានបណ្ណ័ចេញពីចៅសង្កាត់និងក្រុងហើយយកទៅដាក់នៅធនាគាឯកជននានាដើម្បីយកប្រាក់មករកស៊ីហើយនៅក្នុងភូមិខាងលើនោះមានប្រពន្ឌ័ភ្លើងត្រឹមត្រូវ បើមានទំនាស់ក្រុមហ៊ុនគេមិនដាក់ភ្លើងឲ្យទេ ពួកគាត់បន្តទៀតថាសព្វថ្ងៃភាគច្រើនមិនទាន់ទៅធ្វើបណ្ណ័បោះឆ្នោតឡើយរវល់តែមានរឿងខ្មោចលងដេកមិនលក់។
មេភូមិហុកលឿមបាននិយាយថាការទំនាស់ដីធ្លីខាងលើនោះប៉ះពាល់២ក្បាលដីមានទទឹង១០០បណ្តោយ៤០០ម៉ែត្រតែប៉ុណ្ណោះ មិនប៉ះពាល់ដីទាំងមូលនោះឡើយ អ្នកស្រីមេភូមិបានបន្តថាម្ចាស់ដីដែលគេប្តឹងនោះមានឈ្មោះសសម្បតិនិងឈ្មោះហេង វុតារា
មិនមែនមកយកដីប្រជាពលរដ្ឋនោះទាំងស្រុងទេ។
លោកមេធាវីដែលមកតំណាងឈ្មោះ២ប័ណ្ណកម្មសិទ្ធមានឈ្មោះសរសូវ៉ានបានលើកឡើងថា៖ចំពោះដីដែលជាម្ចាស់កម្មសិទ្ធទាំង២ប្លង់នេះមានឈ្មោះ១.សរសម្បត្តិភេទប្រុសមានផ្ទៃដីប្រវែង៤៤៧៣៩មែត្រការេ២.មានឈ្មោះហេងវុតារាភេទប្រុសមានផ្ទៃដីប្រវែង៤៤៧៩០មែត្រការេ ហើយលោកមេធាវីបានបន្តទៀតថាចំពោះបញ្ហាខាងលើនេះគឺគាត់មកសម្របសម្រួលតែ២ប័ណ្ណកម្មសិទ្ធតែប៉ុណ្ណោះដែលមានផលប៉ះពាល់ហើយព្រមសម្របសម្រួលតាមរយះលោកស្រីមេភូមិហុកលឿមដែលប្រជាពលរដ្ឋមានផលប៉ះពាល់តែ២៦គ្រួសារទេហើយគាត់មកនេះមកដោះស្រាយតាមការចែករំលែកគ្នាបើនិយាយគ្នាមិនត្រូវទុកឲ្យច្បាប់អ្នកដោះស្រាយគាត់ថាម្ចាស់ដីគេមានប្លង់រឹងហើយអ្នកដែលប៉ះពាល់ដីនៅភូមិព្រៃព្រិចនោះមានប្រជាពលរដ្ឌចំនួន២៦គ្រួសារតែប៉ុណ្ណោះមិនប៉ះពាល់លើដីទាំងមូលឡើយ៕ ដកស្រង់ នាគមាស
