បន្ទាយមានជ័យ៖ក្រុមឈ្មួញឈើគ្រញូងកំពុងសំរុកដឹកចូលមកប្រទេសកម្ពុជាយ៉ាងគំហុកតាមច្រកព្រំដែនប៉ោយប៉ែតដោយគេដាក់ការសង្ស័យថាសមត្ថកិច្ចជំនាញនៅទីនោះត្រូវថ្នាំសណ្តំជាក់ស្តែងមានរទេះមួយលោតឆ័ត្រត្រូវគយតាមច្រកប៉ោយប៉ែតក្របួចជាប់តែម្តងតែមុននេះគេសង្ស័យថាមិនដឹងមានប៉ុន្មានរទេះដែលលោតឆត្រ័រួចហើយការចាប់លើកនេះគឺដេញត្រីបញ្ចូលស៊ងតែប៉ុណ្ណោះ។
ហេតុការណ៍ចាប់នោះធ្វើឡើងនៅវេលាម៉ោង១ថ្ងៃទី១០ខែកញ្ញាឆ្នាំ២០១៦នៅក្រុងប៉ោយប៉ែតខេត្តបន្ទាយមានជ័យដោយ ប្រភពព័តមានបានឲ្យដឹងថា៖គយនៅក្រុងប៉ោយប៉ែតខេត្តបន្ទាយមានជ័យ បានឆែកឆេរហើយក៏បានប្រទះឃើញឈើគ្រញូង២០ដុំទម្ងន់ជិត១០០0គីឡូក្រាមនៅទីលានត្រួតពិនិតទំនិញចេញពីរប្រទេសថៃស្ថិតនៅក្នុងភូមិប៉ោយប៉ែតសង្កាត់&ក្រុងប៉ោយប៉ែតខេត្តបន្ទាយមានជ័យ។ប្រភពបន្តថា៖ករណីនេះគេដាក់ការសង្ស័យថាការចាប់នោះហាក់ដេញត្រីឲ្យចូលស៊ងតែប៉ុណ្ណោះ។
សូមរំលឹកថាជំនួញឈើគ្រញូងកំពុងសំរុកដឹកចេញពីតំបន់ព្រំដែនកម្ពុជាថៃឆ្ពោះទៅកាន់ទីផ្សារងងឹតនៅប្រទេសវៀតណាមដោយឆ្លងកាត់ប្រទេសកម្ពុជាដែលគេមិនងាយឃើញសមត្ថកិច្ចណាចេញមុខបង្ក្រាបក្រៅពីដេញត្រីឲ្យចូលស៊ងនោះទេ គឺក្រុមមន្ត្រីអនុវត្តន៍ផ្ទុយគោលនយោបាយរបស់រដ្ឋាភិបាលកម្ពុជាសព្វថ្ងៃ៕
