ខេត្តរតនគិរី៖វិនាសកម្មព្រៃឈើនៅតែកើតមានដូចទឹកធ្លាក់ពីលើភ្នំអញ្ជឹង បើទោះជាមានច្បាប់ស្តីពី
ការបង្ក្រាបនិងទប់ស្កាត់ជាបន្តបន្ទាប់ ដោយរួមទាំងអនុសាសន៍របស់ប្រមុខរដ្ឋាភិបាលជាហូរហែក្នុងទិសដៅសំដៅទប់ស្កាត់និងបង្ក្រាបអោយខាងតែបាននូវការកាប់បំផ្លាញព្រៃឈើនិងការនាំឈើចេញដោយខុសច្បាប់ទៅប្រទេសជិតខាងយ៉ាងណាក្តី។
តែផ្ទុយមកវិញ ច្បាប់នៅតែលើក្រដាស់ អ្នកអនុវត្តនៅតែអនុវត្ត រីឯអ្នកកាប់បំផ្លាញនៅតែបំផ្លាញ ហើយក្រុមអ្នករកស៊ីលក់ទៅក្រៅប្រទេសនៅតែមានជាហូរហែជាពិសេសបច្ចុបន្បនេះបទល្មើសព្រៃឈើកំពុងកើតមាននៅខេត្តរតនគិរីដែលជាខេត្តចុងក្រោយគេឈ្មួញបានសំរុកនាំឈើខុសច្បាប់ចេញទៅប្រទេសយួន។
មន្រ្តីដែលរាជរដ្ឋាភិបាលផ្ញើសេចក្តីទុកចិត្តអោយទៅបង្ក្រាបបទល្មើសឈើស្ទើគ្រប់ស្ថាប័នដែលក្នុងខេត្តនិមួយៗ មានអភិបាលខេត្តជាប្រធានគណៈបញ្ជាការឯកភាព ដោយមានកំលាំងជំនាញជាច្រើនស្ថាប័ន កំលាំងប្រដាប់អាវុធទាំង៣ប្រភេទរួមទាំងអជ្ញាធរមូលដ្ឋានកំពុងក្លាយទៅជាមេចំណែកយ៉ាងធំក្នុងការរួមគំនិតនិងបើកដៃអោយកើតបទល្មើសព្រៃឈើទៅវិញ។
គ្រាន់តែក្រុមប្រព្រឹត្តបទល្មើសនិងអ្នកមានចំណែកគេចេះបោកកុហកនិងស្ទាត់ជំនាញក្នុងការលេងបិទពួនជាមួយប្រមុខរដ្ឋាភិបាលបានយ៉ាងស្ទាត់ជំនាញគឺបណ្តាលមកពីអំពើពុករលួយបានធ្លាក់ជ្រៅនិងក្លាយជាទំលាប់រឹងមាំមិនអាចកាត់ផ្តាច់បានឡើយ។
ជាក់ស្តែងខណៈដែលខេត្តសមត្ថកិច្ចគ្រប់លំដាប់ថ្នាក់ត្រូវរ៉ូវ ជាមួយក្រុមអ្នករកស៊ី ដោយព្រមព្រៀងគ្នា ជារបៀបហៅថា ស៊ីតាមជំនាញនោះគឺមានក្រុមអ្នករកស៊ីដឹកឈើប្រណឹតទៅយួនតាមរយៈរថយន្តគ្រប់ប្រភេទជិត៤០គ្រឿង ទៅលក់នៅក្នុងប្រទេសវៀតណាមដែលមានឈ្មួញឈើប្រមាណ៣៨រូប។
ដោយឈ្មួញទាំងនោះបានធ្វើចរាចរណ៍បទល្មើសដោយដឹកមកពីបណ្តាខេត្តជិតខាង និងតាមបណ្តាស្រុកមានដូចជាខេត្តមណ្ឌលគិរីឆ្លងកាត់ស្រុកលំផាត់ ខេត្តស្ទឹងត្រែងឆ្លងកាត់ស្រុកកូនមុំ ហើយក្នុងខេត្ត មានស្រុកតាវែង វ៉ើនសៃ លំផាត់ កូនមុំ អណ្តូងមាសនិងស្រុកអូរយ៉ាដាវដឹកចូលខេត្តរតនគិរីតាមផ្លូវជាតិលេខ៧៨ទៅប្រទេសវៀតណាមតាមច្រករបៀងចំនួន២គឺច្រកភូមិភិៈនិងច្រកផ្លូវ១៩ក្បែច្រកអន្តរជាតិអូរយ៉ាដាវ លេថាញ់។
ហើយនៅរសៀលថ្ងៃទី៥ខែកញ្ញាឆ្នាំ២០១៦ម្សិលមិញនេះឈើប្រណឹត មុខយក្ស(គគីរ)ចំនួន២៤សន្លឹកមុខកាត់៨០×១,២×៤ម៉ែត្រ ត្រូវបានឈ្មួញជំលៀសមកទុកក្បែរកំពង់ដចំលងត្រើយខាងលិច ស្ថិតភូមិញ៉ាង ឃុំញ៉ាង ស្រុកអណ្តូងមាសខេត្តរតនគិរីត្រៀមយកទៅលក់តែមិនមានសមត្ថកិច្ចណាធ្វើការទប់ស្កាត់នោះឡើយ។
មានប្រជាពលរដ្ឋនៅក្បែៗគំនឈើមុខយក្សទាំងនោះបានលួចប្រាប់ដោយមិនហ៊ានបញ្ចេញឈ្មោះអោយដឹងថា”ឈើប្រណឹតមុខយក្សទាំងនេះគឺជារបស់ក្រុមហ៊ុន អានម៉ារ៉ាឌី ។
លោក ឡេងយុគ នាយផ្នែករដ្ឋបាលព្រៃឈើស្រុកអណ្តូងមាស បានប្រាប់អ្នកសារព៏តមានថា ក្រុមហ៊ុន អានម៉ារ៉ាឌី គឺនៅខាងទឹកដី លោក ជាកុណារ៉ា ។
ដោយឡែក លោក ជាកុណារ៉ា នាយផ្នែករដ្ឋបាលព្រៃឈើតាវែង វ៉ើនសៃ និងអូរជុំ មិនអាចសុំការពន្យល់បានទេខណៈខលមិនចូល។
គួររំលឹកដែរថាក្រុមអ្នកកាសែតនិងទូរទស្សន៍មួយក្រុមមានគ្នា៧នាក់បានជិះរថយន្ត៣គ្រឿងម៉ាកកាមរីស្វិតបើកបរពេលយប់ក្នុងក្រុងបានលុងដើម្បីយកពត៌មានពេលយប់ក៍បានប្រទះឃើញរថយន្តដឹកឈើក្នុងក្រុងបានលុងមានជាហូរហែរនិងស្ទើគ្រប់សេរីរថយន្ត។
ដោយឡែកនៅពេលអ្នកកាសែតនិងទូរទស្សន៍បើកឡានស្រាប់តែប្រទះឃើញឡានដឹកឈើមួយគ្រឿងម៉ាកសាំយ៉ុងពណ៌ស ដឹកឈើប្រណិតពេញប្រៀបពេលនោះក្រុមអ្នកកាសែតក៏បានថតយករូបភាពស្រាប់តែឡានដឹកឈើនោះបើករត់គេចហើយក៏ចូលមកពួននៅក្រោយមន្ទីរកសិកម្មនិងក្រោយកន្លែងខណ្ឌរដ្ឋបាលព្រៃឈើ។
ហេតុការណ៍នេះកើតឡើងនៅចំណុចភូមិអូរកន្តិល សង្កាត់បឹងកន្សែង ក្រុងបានលុង វេលាម៉ោង២និង១៥នាទីយប់ឈានចូលថ្ងៃទី៣ ខែកញ្ញា ឆ្នាំ២០១៦។
ឈ្មួញឈើ បានហៅគូរកនរបស់គេប្រដាប់ដោយ ដែកបំពង់ទីប ដំបងឈើនិងដែកថ្នាំងអំពៅនិងមានគ្នីគ្នាជាង១០នាក់ព័ទ្ធរថយន្តអ្នកកាសែត និងទួរទស្សន៍ហើយវាយកំទេចរថយន្តចំនួន១គ្រឿងលាន់ស្នូរដូចរន្ទះ។ចំណែកសមត្ថកិច្ចមិនមានស្ថាប័នណាមួយចេញមុខនោះឡើយ។រហូតព្រឹកឡើងអ្នកសារព័ត៌មានបានដាក់ពាក្យបណ្តឹងទៅស្នងការនគបាលខេត្តដើម្បីអោយជួយវែកមុខជន់ដៃដល់យកមកផ្តន្ទាទោស តែមកទល់នឹងថ្ងៃទី៦ខែដដែលនេះស្ងាត់ដូចចោរលួចសេះ។
ចំណែកនៅយប់ ថ្ងៃទី៤~៥ ខែកញ្ញានេះរថយន្តដឹកឈើប្រណឹតទៅវៀតណាម ប្រភេទរថយន្តបាឡែន សាំងយ៉ុងនិងរថយន្តសេរីទំនើបៗមិនក្រោម៣០ទៅ៤០គ្រឿងសម្រុកបណ្តាក់កន្ទុយគ្នាដូចហែរកឋិនចូលវត្តស្រុកយួនអញ្ចឹង។
លោក ឡុង រុក្ខា អតីតប្រធាននគបាលច្រកទ្វារអន្តរជាតិអូរយ៉ាដាវ ធ្លាប់បានអោយដឹងថាសព្វថ្ងៃច្រកអន្តរជាតិអូរយ៉ាដាវ លេថាញ់ ផ្លូវត្រង់បានបិទមិនអនុញ្ញាតអោយបទល្មើសឈើឆ្លងកាត់នោះទេ។តែលោកបានប្រាប់បន្ថែមថា គឺបទល្មើសឈើបាន
ចេញតាមច្រករបៀងគល់ស្ពានក្បែវរនគបាលការពារព្រំដែនគោក (ងួន សុវណ្ណា ហៅអូនធំ)។
លោក ថង សាវុន អភិបាលខេត្តរតនគិរី មិនអាចសុំការពន្យល់បានទេខណៈទួរសព្ទ័ខលចូលតែមិនមានអ្នកលើកទទួល ។ដោយឡែក លោកញ៉ែម សំអឿន អភិបាលរងខេត្ត ទទួលបន្ទុកព័ត៌មាននិងសន្តិសុខព្រំដែនបានប្រាប់អោយដឹងនៅព្រឹកថ្ងៃទី៦ខែកញ្ញាឆ្នាំ២០១៦នេះថារឿងនេះលោកបានជំរាបមកអជ្ញាធរថ្នាក់មូលដ្ឋាននិងថ្នាក់ជំនាញពាក់ពន្ធអោយមានវិធានការហើយ ហើយលោក ញ៉ែម សំអឿន អភិបាលរងខេត្តរូបនេះបានបញ្ជាក់ថា លោក បានរាយការណ៍ទៅអភិបាលខេត្តរួចហើយខណៈលោកសង្កត់ធ្ងន់បញ្ជាក់ថាលោកក៌បានទទួលព័ត៌មានដូចពិតប្រាកដពីអជ្ញាធរថ្នាក់ក្រោមមែន។
ដោយឡែកក្រោយពី អភិបាលរងខេត្តទទួលបន្ទុកបានសន្យានោះនៅម៉ោងជាង៧យប់ថ្ងៃទី៦ខែកញ្ញាដដែលនេះមានរថយន្តសាំងយ៉ុងព័ណស១គ្រឿងគ្មានស្លាកលេខបានដឹកឈើពេញប្រៀបធ្វើចរាចរណ៍លើបណ្តោយផ្លូវជាតិលេខ៧៨ចូលក្រុងបានលុងត្រូវបានកំលាំងចម្រុះចាប់បាន។ហើយរថយន្តដឹកឈើត្រូវបានយកមករក្សាទុកនៅអធិការដ្ឋាននគបាលក្រុងទាំងយប់។
តាមប្រភពច្បាស់ការបានប្រាប់ថារថយន្តដឹកឈើខាងលើគឺជារថយន្តរបស់ឈ្មួញឈ្មោះស្រីណែត ដែលមានភាគហ៊ុនជា
មួយកំលាំងសមត្ថកិច្ចនគបាលប្រឆាំងបទល្មើសសេដ្ឋកិច្ចខេត្ត លោក ឈៀវ សុភ័ត្ត្រ។
តែលោក ឈៀង សុភ័ក្ត្រ មន្ត្រីការិយាល័យនគបាលប្រឆាំងបទល្មើសសេដ្ឋកិច្ចខេត្ត លោកបានខលប្រាប់បណ្តាញព៏តមាននៅព្រឹកថ្ងៃទី៧ខែដដែលនេះថាលោកមិនមានចំណែកពាក់ពន្ធទេនាពេលបច្ចុប្បន្ននេះ ។លោក ឈៀងសុភ័ក្ត្របញ្ជាក់យ៉ាងច្បាស់ថាកាលពីជាងកន្លះខែមុនលោកមានការពឹងពាក់ជាមួយស្រីណែតមែន តែជាងកន្លះខែមកនេះ ក្រោយពីមេលោកបានដបានហៅលោកមកធ្វើកិច្ចសន្យាដោយអោយឈប់មានការពាក់ពន្ធជាដាច់ខាតហើយ ហើយមានលិខិតបញ្ជាក់ថែមទៀតផង។
តែរឿងរ៉ាវច្បាស់ការណ៌មួយក្នុងរឿងនេះដែលបានកើតឡើងហើយបែកធ្លាយជាបន្តនោះគឺឈើដែលកំលាំងចម្រុះបានចាប់មកនោះបានត្រូវបាត់មួយចំនួនធំ ហើយនៅក្បែរថយន្តក្នុងរបងបិទជិតក៍មានរបងបើកបិត ស័ង្កសី១បន្ទះចេញចូលផ្ទះ
ប្រជាពលរដ្ឋបាន ។ដោយមានការសង្ស័យពេលមើលទៅតាមដានបែកភក់ដោយស្នាមជើងចេញចូលច្រកនោះក៍ស្រាប់តែឃើញឈើសន្លឺកជាច្រើន(ឈើប្រណិត)បានគទុកនិងគ្របប៉ាតង់ជាប់របងអធិការនោះតែម្តង។
ដោយទទួលបានព័ត៌មាន និងបានផ្តឹតយករូបភាពជាក់ស្តែងជាបន្ទាន់ បណ្តាញព័ត៌មានយើងបានរាយការទៅជូនលោក ហ៊ុន ស៊ីដេត អភិបាលរងក្រុងដែលជាប្រធានក្រុមដឹកនាំកំលាំងចម្រុះក្រុងបានលុងបានបង្ក្រាបរថយន្តខាងលើនោះបាន
ដឹងហើយដែរ។ហើយក៍បានប្រាប់ទៅនាយខណ្ឌរដ្ឋបាលព្រៃឈើខេត្តអោយជ្រាបនិងអនុវត្តបន្តផងដែរ។
តែអ្នកសារព័ត៌មាននិងសមត្ថកិច្ចខ្លះលាន់មាត់និងដាក់ចម្ងល់ចោទសួរថា តើឈើចេះរត់ម៉េចកើតបើចូលក្នុងរបងអធិការនគបាលក្រុងហើយ?ឫមួយលោក ហ៊ួត បូរីអធិការនគបាលក្រុងបានរៀបចំបិទពួន?អត់យល់។
តែយ៉ាងណាលោក ហ៊ុនស៊ីដេតអភិបាលរងក្រុបានលុងនៅរសៀលថ្ងៃទី៧បានអោយដឹងថាឈើដែលចេះរត់ចេញពីរថយន្តទៅលាក់ខ្លួននោះគឺលោកបានបញ្ជាអោយកំលាំងសមត្ថកិច្ចប្រមូលយកមកវិញអស់ហើយដែលចំនួនឈើសារុបទាំងនៅក្នុងរថយន្តពេលព្រឹកនិងនៅក្រៅរថយន្តស្មើ៨៥ដុំប្រហែលជាង១ម៉ែត្រគូប។
ហើយនៅរសៀលដដែលនេះទាំងឈើនិងរថយន្តត្រូវបានលោក ហ៊ុន ស៊ីដេត អភិបាលរងក្រុងបានលុងបញ្ជាក់ បានបញ្ជូនទៅកាន់ខណ្ឌរដ្ឋបាលព្រៃឈើដើម្បីចាត់ការបន្តតាមនីតិវិធីហើយ។
រឿងដែលក្រុមឈ្មួញនិងក្រុមសមត្ថកិច្ចលេងស្ទីលមួយទៀតដែលនឹងអាចនឹកស្មានមិនដល់នោះគឺក្រោយពីបែករឿងមានមនុស្សមួយក្រុមដែលអាចជាអ្នកនៅពីក្រោយបានហៅអ្នកសារព័ត៌មានមួយក្រុមដើម្បីនិយាយរំលត់បញ្ហា។តែក្នុងចំណោមនោះពួកគេហាក់មានចេតនារៀបអន្ទាក់ថ្លឹងក្រុមអ្នកសារព័ត៌មានដើម្បីឆ្លើយតបការដែលអ្នកសារព័ត៌មានប្រមាញ់ខ្លាំងពេកជាហេតុធ្វើអោយដំណើរការរបស់គេក្នុងការរកស៊ីត្រូវខកខាន៕
