កម្លាំងទាហានអាកាសអាមេរិក បានបើកការស្រាវជ្រាវផលិត មីស៊ីលឆ្លងទ្វីបICBM ថ្មី ដើម្បីទប់ស្កាត់សង្គ្រាមបរមាណូរបស់ប្រទេសមហាអំណាច និងការពារសន្តិសុខនៅលើពិភពលោកទាំងមូល។
នៅក្នុងបទសម្ភាសជាមួយទស្សនាវដ្តីScout Warrior របស់អាមេរិក ឧត្តមសេនីJack Weinstein មេបញ្ជាការរងកងកម្លាំងបរមាណូអាមេរិកបានឲ្យដឹងថាគោលដៅរបស់កម្លាំងទាហានអាមេរិក តាំងពីដើមមកគឺជ័យជំនះនៅក្នុងសង្គ្រាម ប៉ុន្តែពេលនេះបានផ្លាស់ប្តូរទៅជាគោលដៅផ្សេង គឺទប់ស្កាត់សង្គ្រាមកើតឡើងវិញម្តង។
លោក Jack Weinsteinបន្តទៀតថាភាពជោគជ័យនៅក្នុងការទបស្កាត់សង្គ្រាមនោះ គឺអាស្រ័យទៅលើអាវុធបរមាណូ និងកាំជ្រួចមីស៊ីលឆ្លងទ្វីប ដោយប្រើពេលវេលាតែ៣០នាទីប៉ុណ្ណោះនិងបំផ្លាញគោលដៅនៅគ្រប់ទិសទីលើភពផែនដីនិងមានកម្លាំងបំផ្លាញមហាសាលលើសពីអ្វីដែលយើងស្មាន។
ការសម្រេចផលិតអាវុធថ្មីនេះរបស់អាមេរិកកើតឡើងក្រោយពេលដែលមានអ្នកឯកទេសអាមេរិកជាច្រើនបានថ្កោលទោសថាអាមេរិកកំពុងតែទន្រ្ទាំជើងនៅមួយកន្លែងលើវិស័យផលិតអាវុធក្នុងពេលដែលប្រទេសនៅជុំវិញពិភពលោកមានរុស្ស៊ីចិន ដែលជាសត្រូវអាមេរិកនោះខិតខំផលិតយ៉ាងកគ្រឹកគគ្រេង។
មនុស្សជាតិកំពុងប្រឈមនឹងការផុតពូជ ពីភពផែនដីដោយសារតែមនុស្សលោកផ្ទាល់ជាអ្នកធ្វើឱ្យបាត់បង់នូវអ្វី ដែលខ្លួនមាន។ គ្រាប់បែកប្រល័យលោក របស់ប្រទេសមហាអំណាចដូចអាមេរិក រុស្ស៊ី ចិន ឥណ្ឌា ប៉ាគីស្ថាន និងប្រទេស អឺរ៉ុបគ្រប់គ្រាន់ក្នុងការធ្វើឱ្យភពផែនដី លាយសាបសូន្យ។
នៅពេលនេះប្រសិន បើប្រទេសដែលគេហៅថា«និយម ឆ្វេង» មានគ្រាប់បែកបរមាណូនោះ សង្គ្រាមបរមាណូនឹងកើតឡើង។ ទាំង នោះហើយបានជាអាមេរិកខិតខំរារាំង ប្រទេសអីរ៉ាក់ ស៊ីរី ទុយនេស៊ី អីរ៉ង កូរ៉េខាងជើងផលិតគ្រាប់បែកបរមាណូ បើ មិនដូច្នេះទេនឹងមានសង្គ្រាមបរមាណូ កើតឡើង ។
នៅពេលនេះប្រទេសមហាអំណាច មិនទាន់ឈានដល់សន្ធិសញ្ញាអន្ដរជាតិមិនរីកសាយភាយអាវុធបរមាណូ មូលហេតុដោយសារតែប្រទេសមហាអំណាចខ្លាចបាត់បង់អំណាចរបស់ខ្លួនប្រសិនបើគ្មានអាវុធបរមាណូទេនោះ។ សេចក្ដីព្រាងដែលជាការផ្ដួចផ្ដើមគំនិតរបស់បណ្ដាប្រទេសអារ៉ាប់មិនអាចអនុម័តចេញទៅរួចដោយសារតែមានការ ជំទាស់ពីសំណាក់សហរដ្ឋអាមេរិក និង សម្ពន្ធមិត្ដ។
សេចក្ដីព្រាងសេចក្ដីសម្រេចដែល គាំទ្រដោយបណ្ដាប្រទេសអារ៉ាប់បាន ក្នុងការកោះប្រជុំសន្និសីទស្ដីពីការបង្កើតតំបន់គ្មាន អាវុធនុយក្លេអ៊ែរនៅមជ្ឈិមបូព៌ា ព្រម ទាំងដាក់បន្ទុកឱ្យលោកបាន គីមូនអគ្គលេខាធិការអង្គការសហប្រជាជាតិជា អ្នកដឹកនាំគម្រោងបង្កើតតំបន់គ្មាន អាវុធនុយក្លេអ៊ែរនេះ។ ក៏ប៉ុន្ដែសេចក្ដី ព្រាងនេះត្រូវជាប់គាំង ដោយសារតែមានការជំទាស់ពីសំណាក់សហរដ្ឋអាមេរិក អង់គ្លេស និងកាណាដា ។
មន្ដ្រីការទូតរបស់ប្រទេសទាំង៣នេះ បានធ្វើការពន្យល់ថា ពួកគេមិនប្រឆាំង នឹងគម្រោងបង្កើតតំបន់គ្មាននុយក្លេអ៊ែរ នៅមជ្ឈិមបូព៌ានេះទេ ក៏ប៉ុន្ដែ ពួកគេមិន ឯកភាពនឹងការចេញសេចក្ដីសម្រេច ដាក់ឱសានវាទ ដោយមិនមានការព្រម ព្រៀងពីគ្រប់ភាគីដែលពាក់ព័ន្ធ ។
ក៏ប៉ុន្ដែអ៊ីរ៉ង់វិញក្នុងនាមក្រុមប្រទេស មិចូលបក្សសម្ព័ន្ធបានស្ដីបន្ទោសដល់ប្រទេសទាំង៣នេះថាបានរារាំងគម្រោងដែលមានការគាំទ្រពីសំណាក់ប្រទេស ភាគច្រើនដើម្បីគ្រាន់តែការពារផលប្រយោជន៍របស់ប្រទេសមួយដែលមិន ស្ថិតក្នុងសន្ធិសញ្ញាមិនរីកសាយភាយ អាវុធនុយក្លេអ៊ែរ ។
អ៊ីស្រាអែលដែលជាប្រទេសតែមួយ គត់ក្នុងតំបន់មជ្ឈិមបូព៌ាដែលមាន អាវុធនុយក្លេអ៊ែរហើយដែលមិនមែន ជាហត្ថលេខីនៃសន្ធិសញ្ញាមិនរីកសាយ ភាយអាវុធនុយក្លេអ៊ែរ ប៉ុន្ដែបានចូលរួមក្នុងសន្និសីទក្នុងឋានៈជាអ្នកសង្កេតការណ៍ បានបដិសេធយ៉ាងដាច់អហង្ការ ថាខ្លួននឹងមិនចូលរួមក្នុងសន្និសីទបង្កើតតំបន់គ្មានអាវុធនុយក្លេអ៊ែរទៅតាម កាលបរិច្ឆេទ និងរបៀបវារៈដែលស្ថិត ក្រោមការបង្គាប់បញ្ជារបស់អង្គការ សហប្រជាជាតិនោះទេ ៕
