ខេត្តសៀមរាប ៖យោងតាមការផ្សាយរបស់គេហទំព័រBT-NEWS.COMអោយដឹងថា មន្រ្តីសង្កាត់ជ្រាវ បានបា្រប់ នៅរសៀល ថ្ងៃទី០១ ខែសីហា ឆ្នាំ២០១៦ មុននេះថា៖ កាលពីវេលាម៉ោង ១០ និង ២០នាទី យប់ថ្ងៃទី ៣០ ខែកក្កដា ឆ្នាំ២០១៦ នៅតាម បណ្តោយ ផ្លូវ សម្តេច ជាស៊ីម ស្ថិតក្នុង ភូមិ ខ្នារ សង្កាត់ជ្រាវ ក្រុង – ខេត្តសៀមរាប មានការបាញ់បោះ សេរី ដែលបង្ក ឡើងដោយ មន្រ្តីអាវុធហត្ថក្រុង បានធ្វើឲ្យភ្ញាក់ផ្អើលដល់ប្រជាពលរដ្ឋ ទាំងយប់ មន្រ្តីអាវុធហត្ថរូបនោះត្រូវ គេបានស្គាល់ ឈ្មោះ ស៊ន គឹមហុង ជាមន្រ្តី កងរាជអាវុធហត្ថ ក្រុងសៀមរាប ។
ក្នុងករណីនេះ ប្រជាពលរដ្ឋ មានការភ័យខ្លាចយ៉ាងខ្លាំង ព្រោះពួកគាត់ តក់ស្លុត នឹងសម្លេង កាំភ្លើង ហើយបាន គិតថា នៅថ្ងៃណាមួយ បុគ្គលនេះ អាចនឹងយក កាំងភ្លើង ដើរបាញ់ប្រជាពលរដ្ឋ ពេញក្រុង សៀមរាបទៀតផង ។
ពលរដ្ឋ ពួកគាត់ បានស្នើរសុំ ឲ្យលោក មេបញ្ជាការអហខេត្ត និង មេបញ្ជាការអហក្រុង មេត្តា មើលកូនចៅផង កុំឲ្យ យកកាំភ្លើង មកបាញ់ បង្ករឲ្យមានការ ភ័យខ្លាច ដល់ពួកគាត់ ក៍ដូចជា ភ្ញៀវទេសចរណ៍ផងដែរ ។
រាជរដ្ឋាភិបាល បានដាក់ចេញ នៅគោលនយោបាយ ភូមិឃុំមាន សុវត្ថិភាព ក្នុង មូលដ្ឋាន ជាគោលដៅបំបាត់ ឲ្យអស់ រាល់សក្មភាព ដែលល្មើសច្បាប់ ដើម្បី សេចក្តីសុខរបស់ប្រជាពលរដ្ឋ ហេតុអ្វីបានជា បុគ្គល រូបនេះ ហ៊ាន បង្ករភាព អាណាធិបតេយ្យ ក្នុងក្រុង ទេសចរណ៏ ! តើលោក អភិបាលខេត្ត បានដឹងពីរឿងនេះទេ ! តើលោក មេបញ្ជាការ កងរាជអាវុធហត្ថខេត្ត និង មេបញ្ជាការក្រុង គួរមានវិធានការ
បែបណា ចំពោះបុគ្គល រូបនេះ ។
មហាជនរិះគន់ថា៖ កន្លងមក មន្រ្តី អាវុធហត្ថតែងតែ ចាប់បុគ្គល ដែលល្មើស ច្បាប់ មិនថា ប៉ូលីស ឫ កងទ័ព គឺ អនុវត្តភ្លាមៗ ចុះមន្រ្តីរបស់ខ្លួន ប្រព្រឹត្ត ខុសតើ មានចំណាត់ការដែរ ឫអត់ ពួកគាត់ សង្ឃឹមថា៖ លោកមេបញ្ជាការ ក៍ដូច ជា អភិបាលខេត្ត តូ្រវចាត់ការ ជននេះទៅតាមផ្លូវច្បាប់ ដូចគេឯងផង ។
BT-NEWS បានព្យាយាម ទាក់ទងទៅ មេបញ្ជាការ អាវុធហត្ថក្រុង និង មេបញ្ជាការអាវុធហត្ថ ខេត្ត តាមទូរស័ព្ទ ដើម្បីសុំការ បំភ្លឺ ផងដែរ ប៉ុន្តែ លោក ទាំងពីរ មិនទទួល ។ ប្រភព តៗគ្នា បាននិយាយថា ៖ បច្ចុប្បន្ន PM ទំនើង រូបនេះ ត្រូវបាន មេ ដាក់ទ្រុង ប៉ុន្តែមិនទាន់ ចាត់ការទៅតាមផ្លូវច្បាប់រដ្ឋ នៅឡើយ ទេ ៕
